ଦିଗପହଣ୍ଡି, ୨୬।୮ (ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ସହର ଉପକଣ୍ଠ କେରାଣ୍ଡିମାଳ ପର୍ବତମାଳାସ୍ଥିତ ଚାଙ୍ଗୁଡ଼ିଦେଇ ପର୍ବତ ଶିଖରରେ ବିରାଜମାନ ମା’ ଚାମୁଣ୍ଡେଶ୍ୱରୀ ମନ୍ଦିର ଉନ୍ନୟନ ପରିଚାଳନା କମିଟିର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି।
ଆବାହକ ବ୍ରହ୍ମଚାରୀ ଅନ୍ତର୍ଯ୍ୟାମୀ ସ୍ୱରୂପଙ୍କ ସଂଯୋଜନାରେ ଅନୁଷ୍ଠିତ ଏହି ବୈଠକରେ ପ୍ରମୋଦ ପାଣିଗ୍ରାହୀ ସଭାପତିତ୍ୱ କରିଥିଲେ। ବୈଠକରେ ମନ୍ଦିରକୁ ଯିବା ପାଇଁ ପୂର୍ଣ୍ଣାଙ୍ଗ ରାସ୍ତା ନିର୍ମାଣ, ମା’ଙ୍କ ନୀତିକାନ୍ତିର ପରିଚାଳନାଗତ ସମସ୍ୟା ସମାଧାନ ଏବଂ ମନ୍ଦିରର ବିକାଶମୂଳକ କାର୍ଯ୍ୟକୁ ତ୍ୱରାନ୍ୱିତ କରିବା ନେଇ ସବିଶେଷ ଆଲୋଚନା କରାଯାଇଥିଲା।
ଏହି ସାଧାରଣ ବୈଠକରେ ଲଲାଟେନ୍ଦୁ ପ୍ରଧାନ, ରାକେଶ ପଶୁପାଳକ, ସମ୍ଭବ କୁମାର ତ୍ରିପାଠୀ, ଲକ୍ଷ୍ମୀ ରେଡ୍ଡୀ, ସିଦ୍ଧାର୍ଥ ଆଚାରୀଙ୍କ ସମେତ ବହୁ ସଂଖ୍ୟକ ଭକ୍ତ ଓ କମିଟି ସଦସ୍ୟ ଉପସ୍ଥିତ ରହି ନିଜ ନିଜର ସୁଚିନ୍ତିତ ମତାମତ ଦେଇଥିଲେ। ମନ୍ଦିରର ସାମଗ୍ରିକ ଉନ୍ନତି ଓ ସୁପରିଚାଳନା ପାଇଁ ବୈଠକରେ ବିସ୍ତୃତ ଆଲୋଚନା ପରେ କେତେକ ବିଧିବଦ୍ଧ ପ୍ରସ୍ତାବ ଗୃହୀତ ହୋଇଥିବା ଜଣାପଡ଼ିଛି।
