ଲଣ୍ଡନ,୬।୯: ଦିନିକିଆ କ୍ରିକେଟରେ ଏପରି କିଛି ଘଟଣା ଘଟିଛି, ଯାହା ଶୁଣି ଯେ କେହି ଆଶ୍ଚର୍ଯ୍ୟ ହୋଇଯିବେ। ଜଣେ ବୋଲର ୧୦ ଓଭରରେ ଗୋଟିଏ ବି ରନ ଦେଇ ୨ଟି ଉଇକେଟ୍ ନେଇଛନ୍ତି। କେଣ୍ଟ କ୍ରିକେଟ ଲିଗର ଏକ ମ୍ୟାଚରେ ବେପଚାଇଲ୍ଡ କ୍ରିକେଟ କ୍ଲବ ବୋର୍ଷ୍ଟାଲ କ୍ରିକେଟ କ୍ଲବକୁ ୪୪ ରନରେ ପରାସ୍ତ କରିଛି । ବେପଚାଇଲ୍ଡ କ୍ଲବ୍ର ଅଫ ସ୍ପିନର କେଶା ରାଜଦୁରାଇ ୧୦ ଓଭରରେ ଗୋଟିଏ ବି ରନ ଦେଇ ନ ଥିଲେ। ଅର୍ଥାତ୍ ସେ ପକାଇଥିବା ୬୦ ବଲରେ ବ୍ୟାଟ୍ସମ୍ୟାନ୍ କୌଣସି ରନ ସ୍କୋର କରିପାରି ନ ଥିଲେ। କେବଳ ଏତିକି ନୁହେଁ ସେ ୨ ଉଇକେଟ ନେଇ ଦଳକୁ ବିଜୟ ପ୍ରଦାନ କରିଥିଲେ।
ଟସ ଜିତିବା ପରେ ବେପଚାଇଲ୍ଡ କ୍ଲବ୍ର ଦଳ ୪୬.୧ ଓଭରରେ ୧୬୫ ରନ ସ୍କୋର କରିବା ପରେ ଆଉଟ ହୋଇଥିଲେ। ରିକି ଡେଲ ୪୭ ଏବଂ କ୍ୟାଲୁମ ଲେରି ୪୩ ରନ ସ୍କୋର କରିଥିଲେ। ଡେଲ ୧୦୮ ବଲ୍ର ସମ୍ମୁଖୀନ ହୋଇଥିଲେ ଏବଂ ୫ ଚୌକା ମାରିଥିଲେ। ୭ ବ୍ୟାଟ୍ସମ୍ୟାନ ଡବଲ ଫିଗରକୁ ଛୁଇଁ ପାରି ନ ଥିଲେ। ୫ ବୋଲର ୨-୨ ଉଇକେଟ ନେଇଥିଲେ।
