ନୂଆଦିଲ୍ଲୀ,୩୦ ।୮: କେରଳ କଂଗ୍ରେସର ସଚିବ ପିଏସ୍ ପ୍ରଶାନ୍ତ ସୋମବାର କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ଏକ ଚିଠି ଲେଖିଛନ୍ତି । ଉକ୍ତ ପତ୍ରରେ ସେ ଅଲ ଇଣ୍ଡିଆ କଂଗ୍ରେସ କମିଟି(ଏଆଇସିସି)ର ମହାସଚିବ କେସି ବେଣୁଗୋପାଳଙ୍କୁ ନେଇ ଅଭିଯୋଗ କରିଛନ୍ତି । ଏଥିରେ ସେ ଲେଖିଛନ୍ତି ଯେବେଠାରୁ ବେଣୁଗୋପାଳ କାର୍ଯ୍ୟଭାର ସମ୍ଭାଳିଲେଣି, ସେବେଠାରୁ ଆମେ କେରଳ ସହ ଗୋଆ, କର୍ନାଟକ, ମଧ୍ୟପ୍ରଦେଶ, ରାଜସ୍ଥାନ, ପଞ୍ଜାବ ଓ ଛତିଶଗଡ଼ରେ ଦଳର ଦୁର୍ଦଶା ଦେଖିଲେଣି । ସମାଚାର ଏଜେନ୍ସି ଏଏନ୍ଆଇ ରିପୋର୍ଟ ଅନୁଯାୟୀ, ପ୍ରଶାନ୍ତ ପତ୍ରରେ ଆହୁରି ମଧ୍ୟ ଲେଖିଛନ୍ତି କେରଳରେ କଂଗ୍ରେସ କର୍ମୀ ଏହି ଦ୍ୱନ୍ଦ୍ୱରେ ଅଛନ୍ତି କି ଦଳକୁ ଭାଙ୍ଗିବାକୁ ତାଙ୍କୁ ଏଭଳି ପଦକ୍ଷେପ ଭାରତୀୟ ଜନତା ପାର୍ଟି ସହ ହାତ ମିଳାଇବା ନୁହେଁ ତ ।
