ବମ୍ବେ: ସେଲିବ୍ରିଟିମାନଙ୍କ ଲଭ୍ଲାଇଫ୍ ହେଉ ଅଥବା ବିବାହ ସବୁକିଛିରେ ପ୍ରଶଂସକ ରୁଚି ରଖିଥାନ୍ତି। ଏପରିସ୍ଥିତିରେ ଗୁଜବ ଉଠିବା ସ୍ବାଭାବିକ। ସେଭଳି କିଛି ଘଟିଛି ଷ୍ଟାର ପ୍ଲସରେ ପ୍ରସାରିତ ‘ୟେ ରିସ୍ତା କ୍ୟା କହଲାତା ହୈ’ରେ ନୈତିକ ଭୂମିକାରେ ଅଭିନୟ କରିଥିବା ଅଭିନେତା କରନ୍ ମେହେରାଙ୍କ କ୍ଷେତ୍ରରେ। ନିକଟରେ ସେ ଓ ତାଙ୍କ ସ୍ତ୍ରୀ ନିଶା ରାଓ୍ବଲ ଅଲଗା ହେବାକୁ ଯାଉଥିବା ଚର୍ଚ୍ଚା ହେଉଥିଲା। ଏବେ କରନ୍ ଏ ସମ୍ପର୍କରେ ମୁହଁ ଖୋଲିଛନ୍ତି।
କରୋନାରେ ସଂକ୍ରମିତ ହେବା ପରଠାରୁ କରନ୍ ସ୍ତ୍ରୀ ଓ ପୁଅଙ୍କଠାରୁ ନିଜକୁ ଅଲଗା କରିନେଇଥିଲେ। ତାଙ୍କ ପାଇଁ ସେମାନେ ସଂକ୍ରମିତ ନ ହୁଅନ୍ତୁ ତାହା କରନ୍ ଚାହୁଁଥିଲେ। ହେଲେ ଉଭୟ ଅଲଗା ରହୁଥିବାରୁ ସେମାନଙ୍କ ମଧ୍ୟରେ ସମ୍ପର୍କରେ ତିକ୍ତତା ସୃଷ୍ଟି ହୋଇଥିବା ଚର୍ଚ୍ଚା ହୋଇଥିଲା। ହେଲେ ଏବେ କରନ୍ କହିଛନ୍ତି, ଏହି ଖବର ମିଥ୍ୟା। ଆମେ କଠିନ ସମୟ ଦେଇ ଗତି କରୁଛୁ, ହେଲେ ଆମ ଭିତରେ ସବୁକିଛି ଠିକ୍ ଅଛି। କେଉଁଠୁ ଏବଂ କ’ଣ ପାଇଁ ଏଭଳି ଗୁଜବ ସୃଷ୍ଟି ହୋଇଛି ସେନେଇ କରନ୍ କିଛି ଜାଣି ନ ଥିବା କହିଛନ୍ତି। ସେହିଭଳି ନିଶା ମଧ୍ୟ ସମାନ କଥା କହିଛନ୍ତି।
