ବମ୍ବେ: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ଦୁଇ ମାସରୁ ଅଧିକ ସମୟ ବିତିସାରିଛି। ଜୁନ୍ ୧୪ରେ ମୁମ୍ବାଇସ୍ଥିତ ନିଜ ଆପାର୍ଟମେଣ୍ଟରେ ସେ ଆତ୍ମହତ୍ୟା କରିଥିବା କୁହାଯାଉଛି। ଅପରପକ୍ଷେ ଅଭିନେତାଙ୍କ ମୃତ୍ୟୁର କାରଣ ନପୋଟିଜିମ୍(ବଂଶବାଦ) ବୋଲି ଚର୍ଚ୍ଚା ହୋଇଥିଲା। ଏହାକୁ ନେଇ ଷ୍ଟାର କିଡ୍ସଙ୍କ ସମେତ ନିର୍ଦ୍ଦେଶକ କରନ୍ ଜୋହର ଟ୍ରୋଲ ହୋଇଥିଲେ। ଲଗାତାର ଟ୍ରୋଲ ହେବା ପରେ ସେ ସୋସିଆଲ ମିଡିଆରୁ ଦୂରେଇ ଯାଇଥିବା ବେଳେ ଏବେ ପୁଣି ସେ ଫେରିଛନ୍ତି।
ଶନିବାର କରନ୍ ନିଜର ଇନ୍ଷ୍ଟା ପୃଷ୍ଠାରେ ସ୍ବାଧୀନତା ଦିବସକୁ ନେଇ ଏକ ପୋଷ୍ଟ କରିଛନ୍ତି। ତ୍ରିରଙ୍ଗା ଫଟୋ ଶେୟାର କରି ସେ କହିଛନ୍ତି, ‘ଆମ ମହାନ ଦେଶ.. ସଂସ୍କୃତି, ଇତିହାସର ଗନ୍ତାଘର। ସମସ୍ତଙ୍କୁ ଏହି ଦିବସର ଶୁଭକାମନା। ଜୟ ହିନ୍ଦ।’ ଏହା ପରେ ଅଭିନେତାମାନେ ପୋଷ୍ଟରେ କମେଣ୍ଟ ଦେଇଛନ୍ତି।
View this post on Instagram
କହିରଖୁଛୁ ସୁଶାନ୍ତଙ୍କ ମୃତ୍ୟୁ ପରେ କରନ୍ ଉଭୟଙ୍କ ଫଟୋ ପୋଷ୍ଟ କରି ଏକ ଭାବବିହ୍ବଳ ପୋଷ୍ଟ ଲେଖିଥିଲେ। ହେଲେ ଟ୍ରୋଲ ହେବା ପରେ ସେ ଦୁଃଖିତ ଥିବା କରନଙ୍କ ଜଣେ ବନ୍ଧୁ କହିଥିଲେ।
