ମୁମ୍ବାଇ: ଫିଲ୍ମ ନିର୍ମାତା କରଣ ଜୋହର ସୋସିଆଲ ମିଡିଆରେ ବହୁ ଆକ୍ଟିଭ୍। ପ୍ରଂଶସକମାନଙ୍କ ସହ ଯୋଡ଼ି ହୋଇ ରହିବା ପାଇଁ ସେ ସୋସିଆଲ ମିଡିଆରେ ଫଟୋ ଏବଂ ଭିଡିଓ ଶେୟାର କରିଥାନ୍ତି। ଯାହା ଖୁବ୍ ଭାଇରାଲ ହୋଇଥାଏ। ଏବେ ସେ ତାଙ୍କ ଲୁକ୍କୁ ନେଇ ଚର୍ଚ୍ଚାରେ ରହିଥାନ୍ତି। କରଣ ବଲିଉଡ୍ ଅଭିନେତା ରଣବୀର ସିଂଙ୍କ ଲୁକ୍କୁ କପି କରିଛନ୍ତି।
କରଣ ତାଙ୍କ ଇନ୍ଷ୍ଟାଗ୍ରାମରେ କିଛି ଫଟୋ ଶେୟାର କରିଛନ୍ତି। ସେ ନିଜକୁ ରଣବୀର ସିଂଙ୍କ ସହ ତୁଳନା କରିଛନ୍ତି। ଏହି ଫଟୋରେ କରଣ ବିଳାସପୂର୍ଣ୍ଣ ଫ୍ୟାଶନ ବ୍ରାଣ୍ଡ ଗୁଚିଙ୍କ ଆଉଟ୍ଫିଟ୍ରେ ନଜର ଆସିଛନ୍ତି। ଶେୟାର ହୋଇଥିବା ଫଟୋରେ କରଣ ଏକ କଳା ଏବଂ ଧଳା ଚଷମାରେ ନଜର ଆସିଛନ୍ତି।
ଏହା ସହିତ ସେ ନିଜ ଲୁକ୍ ପାଇଁ ହେୟାର ଷ୍ଟାଇଲ, ଫଟୋଗ୍ରାଫର ଏବଂ ଷ୍ଟାଇଲିଷ୍ଟଙ୍କୁ ମଧ୍ୟ ଶ୍ରେୟ ଦେଇଛନ୍ତି। ସେଗୁଡ଼ିକୁ ତାଙ୍କ ପୋଷ୍ଟରେ ଟ୍ୟାଗ୍ କରିଛନ୍ତି। ଅନେକ ସେଲିବ୍ରିଟିଙ୍କ ପ୍ରତିକ୍ରିୟା ଏବେ କରଣ ଜୋହରଙ୍କ ଏହି ଲୁକ୍ ଉପରେ ଆସୁଛି। ଗଜରାଜ ରାଓଙ୍କଠାରୁ ଆରମ୍ଭ କରି ଅନ୍ୟାନ୍ୟ ସେଲିବ୍ରିଟିମାନେ କରଣଙ୍କ ଲୁକ୍ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି। ଏଥିସହିତ କିଛି ୟୁଜର କହିଛନ୍ତି, ରଣବୀର ସିଂ ଏବଂ ବାଦଶାହଙ୍କ ଅପେକ୍ଷା କରଣ ଜୋହର ଖୁବ୍ ସୁନ୍ଦର ଦେଖାଯାଉଛନ୍ତି।
