୨୦୨୩ ବିଶ୍ୱକପରେ ଭାରତର ପରାଜୟ ଭାରତୀୟ ପ୍ରଶଂସକଙ୍କ ହୃଦୟ ଭାଙ୍ଗି ଦେଇଛି। ମାତ୍ର ଯେତେବେଳେ ଟିମ୍ ଇଣ୍ଡିଆର ଅଧିନାୟକ ରୋହିତ ଶର୍ମାଙ୍କ ଆଖିରେ ପ୍ରଶଂସକମାନେ ଲୁହ ଦେଖିଲେ, ସେମାନେ ଭାବପ୍ରବଣ ହୋଇଯାଇଥିଲେ। ଏ ନେଇ ଅନେକ ୟୁଜର୍ସ ଏବଂ ସେଲିବ୍ରିଟି ଲେଖିଛନ୍ତି, ଖେଳରେ ବିଜୟ ଏବଂ ପରାଜୟ ଉଭୟ ରହିଛି। ତେଣୁ ନିରାଶ ହୁଅନ୍ତୁ ନାହିଁ, ଆମେ ଆପଣଙ୍କ ସହିତ ଅଛୁ।
୧୯୮୩ରେ ପ୍ରଥମ ବିଶ୍ୱକପ ଜିତିଥିବା ଦଳର ଅଧିନାୟକ କପିଲ ଦେବ ମଧ୍ୟ ଇନଷ୍ଟାଗ୍ରାମରେ ଏକ ଷ୍ଟୋରୀ ପୋଷ୍ଟ କରିଛନ୍ତି। ଯାହା ଭାଇରାଲ ହେଉଛି। ଏହି ଷ୍ଟୋରୀ ଭାରତୀୟ କ୍ରିକେଟ ପ୍ରଶଂସକଙ୍କ ହୃଦୟ ଜିତିଛ।
କପିଲ ଦେବ ନିଜ ଇନଷ୍ଟାଗ୍ରାମ ଷ୍ଟୋରୀରେ ଟିମ ଇଣ୍ଡିଆ ଅଧିନାୟକ ରୋହିତ ଶର୍ମାଙ୍କ ଏକ ଭାବପ୍ରବଣଭରା ଫଟୋ ରଖି ଇଂରାଜୀରେ ଲେଖିଛନ୍ତି, ରୋହିତ, ତୁମେ ତୁମର କାର୍ଯ୍ୟରେ ଜଣେ ଗୁରୁ। ସଫଳତା ତୁମକୁ ଅପେକ୍ଷା କରିଛି । ମୁଁ ଜାଣେ ଏହା କଷ୍ଟକର, କିନ୍ତୁ ଉତ୍ସାହିତ ରୁହ । ଭାରତ ଆପଣଙ୍କ ସହିତ ଅଛି । ବର୍ତ୍ତମାନ ଏହି ଷ୍ଟୋରୀ ଭାଇରାଲ ହେଉଛି। ଯାହାକୁ ଅନେକ ପସନ୍ଦ କରିଛନ୍ତି।
ଏକ୍ସରେ କପିଲଙ୍କ ଇନ୍ଷ୍ଟାଗ୍ରାମ ଷ୍ଟୋରୀର ଏକ ସ୍କ୍ରିନସଟ ପୋଷ୍ଟ କରି @ କ୍ରିକ୍ରାଜି ଜୋନ ନାମକ ଜଣେ ୟୁଜର୍ସ ଲେଖିଛନ୍ତି, କ୍ୟାପଟେନ ରୋହିତ ଶର୍ମାଙ୍କ ପାଇଁ କପିଲ ଦେବଙ୍କ ଇନଷ୍ଟାଗ୍ରାମ ଷ୍ଟୋରୀ। ଏହା ଲୋକଙ୍କ ହୃଦୟ ଜିତିଛି। ଅନେକ ୟୁଜର୍ସ ଏହା ଉପରେ ପ୍ରତିକ୍ରିୟା ପ୍ରକାଶ କରିଥିଲେ। ଜଣେ ଉପଭୋକ୍ତା ଲେଖିଛନ୍ତି, ଆମ ଅଧିନାୟକଙ୍କୁ ସମର୍ଥନ କରିଥିବାରୁ କପିଲଙ୍କୁ ଧନ୍ୟବାଦ।
