ନୂଆଦିଲ୍ଲୀ,୩୦।୮: ବଲିଉଡ ଅଭିନେତ୍ରୀ ତଥା ଭାଜପା ଏମ୍ପି କଙ୍ଗନା ରାଣାୱତ ଗୁରୁବାର ଗାନ୍ଧୀ ପରିବାରକୁ ତାଙ୍କ ଆଗାମୀ ଚଳଚ୍ଚିତ୍ର ‘ଏମରଜେନ୍ସି’ସ୍କ୍ରିନିଂକୁ ନିମନ୍ତ୍ରଣ କରିବାର ପ୍ରଶ୍ନର ଉତ୍ତର ଦେଇଛନ୍ତି। ସେ କହିଛନ୍ତି ଯେ, ଗାନ୍ଧୀ ପରିବାରର ମନରେ ତାଙ୍କ ପ୍ରତି ବହୁତ ରାଗ ଅଛି।
ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଜୀବନୀ ଉପରେ ଆଧାରିତ କଙ୍ଗନା ଷ୍ଟାରର ‘ଏମରଜେନ୍ସି’ ହେଉଛି ଏକ ରାଜନୈତିକ ଆକ୍ସନ ଥ୍ରୀଲର ଚଳଚ୍ଚିତ୍ର। ଏହି ଚଳଚ୍ଚିତ୍ରର କାହାଣୀ ୧୯୭୫ରୁ ୧୯୭୭ପର୍ଯ୍ୟନ୍ତ ୨୧ମାସ ଚାଲିଥିବା ଭାରତର ‘ଏମରଜେନ୍ସି’ ସହିତ ଜଡିତ। ସେତେବେଳେ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଦେଶର ଆଭ୍ୟନ୍ତରୀଣ ତଥା ବାହ୍ୟ ବିପଦକୁ ଦର୍ଶାଇ ‘ଏମରଜେନ୍ସି’ ଘୋଷଣା କରିଥିଲେ।
ଯେତେବେଳେ କଙ୍ଗନାଙ୍କୁ ପଚରାଗଲା ଆପଣଙ୍କ ପିଲ୍ମ ଏମରଜେନ୍ସିର ସ୍କ୍ରିନିଂ ପାଇଁ ଗାନ୍ଧୀ ପରିବାରକୁ ଆମନ୍ତ୍ରଣ କରିବାକୁ ଯୋଜନା କରୁଛନ୍ତି କି? ଉତ୍ତରରେ କଙ୍ଗନା କହିଲେ ମୁଁ ଏହା କରିବାକୁ ପସନ୍ଦ କରିବି, କିନ୍ତୁ ମୁଁ ନିଶ୍ଚିତ ଯେ ସେ ମୋର ନିମନ୍ତ୍ରଣ ଗ୍ରହଣ କରିବେ ନାହିଁ କାରଣ ମୋ ପ୍ରତି ତାଙ୍କର ବହୁତ ରାଗ ଅଛି । ତାଙ୍କ ମନ୍ତବ୍ୟ ଉପରେ ମୋର ମନ୍ତବ୍ୟ ସମ୍ପର୍କରେ ମୁଁ ସୁପ୍ରିମକୋର୍ଟଙ୍କ ଠାରୁ ଅନେକ ବିଜ୍ଞପ୍ତି ଗ୍ରହଣ କରିସାରିଛି। ମୁଁ ମଧ୍ୟ ଜଣେ ସାଂସଦ। ମୁଁ ତାଙ୍କ ମନ୍ତବ୍ୟ ବିଷୟରେ ମଧ୍ୟ ମନ୍ତବ୍ୟ ଦେବା ଉଚିତ୍। କିନ୍ତୁ ଏଥିରେ ମଧ୍ୟ ତାଙ୍କର ଆପତ୍ତି ରହିଛି।
କଙ୍ଗନା କହିଛନ୍ତି, ମୁଁ ଆଶା କରୁଛି ଯେ ଯଦିଓ ସେ ମୋ ସ୍କ୍ରିନିଂକୁ ଆସନ୍ତି ନାହିଁ, ତେବେ ସେ ଫିଲ୍ମ ଦେଖିବେ ଏବଂ ଏହାର ଅବଜେକ୍ଟିଭ ମୂଲ୍ୟାଙ୍କନ କରିବେ, ସେ ଫିଲ୍ମକୁ ପସନ୍ଦ କରିବେ।
