ନବରଙ୍ଗପୁର,୧୯ ।୬(ବି.ପ୍ର.): ଭାଇ ଭାଉଜ ଓ ସେମାନଙ୍କ ପିଲାମାନେ ଘର ତିଆରି କରାଇ ଦେଉ ନ ଥିବା ଅଭିଯୋଗ ନେଇ ନବରଙ୍ଗପୁର ସହରର ୧ ନମ୍ବର ୱାର୍ଡର ଚାଉଁରିଆଗୁଡ଼ାରେ ରହୁଥିବା ଦୟାମଣି ହରିଜନ ଉପଜିଲାପାଳ ଅକ୍ଷୟ ସୁନୀଲ ଅଗ୍ରୱାଲଙ୍କୁ ଭେଟିଥିଲେ। ବରିଷ୍ଠ ନାଗରିକ ଆଇନ-୨୦୦୭ରେ ବୃଦ୍ଧାଙ୍କୁ ଉକ୍ତ ଜାଗାରେ ଘର ତିଆରି କରିବାକୁ ଅନୁମତି ଦିଆଯାଇଛି। ଏଥିସହ ବୃଦ୍ଧା ଜଣକ ବଞ୍ଚତ୍ଥିବା ପର୍ଯ୍ୟନ୍ତ ତାଙ୍କ ୪ ବିବାହିତା ଝିଅ ମାସିକ ୧ହଜାର ଟଙ୍କା ଲେଖାଏ ମା’ଙ୍କୁ ଦେବେ ବୋଲି ଉପଜିଲାପାଳ ନିଜ ରାୟରେ କହିଛନ୍ତି।
ସୂଚନାନୁଯାୟୀ, ଦୟାମଣିଙ୍କ ନାମରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ତିଆରି କରିବାକୁ କାର୍ଯ୍ୟାଦେଶ ଆସିଛି। କିନ୍ତୁ ଭାଇ, ଭାଉଜ ଓ ସେମାନଙ୍କ ପୁଅମାନେ ସେହି ସ୍ଥାନରୁ ତଡ଼ି ଦେଉଛନ୍ତି। ମାନସିକ ଓ ଶାରୀରିକ ନିର୍ଯାତନା ଦେଉଛନ୍ତି ବୋଲି ଚଳିତ ବର୍ଷ ମେ’ ୨ରେ ଦୟାମଣି ନବରଙ୍ଗପୁର ଉପଜିଲାପାଳଙ୍କ ଅଦାଲତର ଦ୍ୱାରସ୍ଥ ହୋଇଥିଲେ। ଦୟାମଣିଙ୍କ ଏହି ପିଟିଶନ ପରେ ନବରଙ୍ଗପୁର ଉପଜିଲାପାଳ ଘଟଣାର ତଦନ୍ତ କରି ଶନିବାର ବରିଷ୍ଠ ନାଗରିକ ଆଇନ-୨୦୦୭ ଅନୁଯାୟୀ ରାୟ ଶୁଣାଇଛନ୍ତି। ଦୟାମଣି ତାଙ୍କ ଜାଗାରେ ଘର କରିବେ ଏବଂ ସେ ବଞ୍ଚତ୍ଥିବା ପର୍ଯ୍ୟନ୍ତ ତାଙ୍କ ୪ ବିବାହିତା ଝିଅ ମାସିକ ୧ ହଜାର ଟଙ୍କା ଲେଖାଏଁ ମା’ଙ୍କୁ ଦେବେ। ଏଥିସହ ଭରଣପୋଷଣ ଦାୟିତ୍ୱ ତୁଲାଇବେ ବୋଲି ଦୟାମଣିଙ୍କ ସପକ୍ଷରେ ଉପଜିଲାପାଳ ରାୟ ଶୁଣାଇଛନ୍ତି। ସମ୍ମାନର ସହ ବଞ୍ଚତ୍ବା ପାଇଁ ବରିଷ୍ଠ ନାଗରିକଙ୍କ ଲାଗି ଆଇନ ରହିଛି, ଆବଶ୍ୟକ ସ୍ଥଳେ ବରିଷ୍ଠ ନାଗରିକମାନେ ଏହାର ଉପଯୋଗ କରନ୍ତୁ ବୋଲି ନବରଙ୍ଗପୁର ଉପଜିଲାପାଳ କହିଛନ୍ତି।
