ଜୁନିୟର ମହିଳା ହକି: ଡୁଙ୍ଗ୍‌ଡୁଙ୍ଗ୍‌ଙ୍କ ହ୍ୟାଟ୍ରିକ୍‌: ଚିଲିକୁ ହରାଇଲା ଭାରତ
6:01 amJanuary 19, 2021January 19, 2021 / 21

ସାଣ୍ଟିଆଗୋ (ଚିଲି), ୧୯ା୧ (ପି.ଟି.)-ଷ୍ଟ୍ରାଇକର ବିୟୁଟି ଡୁଙ୍ଗ୍‌ଡୁଙ୍ଗ୍‌ଙ୍କ ହ୍ୟାଟ୍ରିକ ଗୋଲ ସହାୟତାରେ ଭାରତର ଜୁନିୟର ମହିଳା ହକି ଦଳ ୫-୩ ଗୋଲରେ ଚିଲିକୁ ପରାସ୍ତ କରିଛି। ଏହି ବିଜୟ ଦ୍ୱାରା କୋଭିଡ୍‌ ଯୋଗୁ ପ୍ରାୟ ଏକ ବର୍ଷ ପାଖାପାଖି ଛୁଟିରେ ଥିବା ଭାରତ ପ୍ରତିଯୋଗିତାକୁ ସଫଳ ପ୍ରତ୍ୟାବର୍ତ୍ତନ କରିପାରିଛି। ଝାଡ଼ଖଣ୍ଡ ଷ୍ଟ୍ରାଇକର ଡୁଙ୍ଗ୍‌ଡୁଙ୍ଗ୍‌ ୨୯ତମ, ୩୮ତମ ଏବଂ ୫୨ତମ ମିନିଟ୍‌ରେ ଗୋଲ ସ୍କୋର କରିଥିବା ବେଳେ ଭାରତ ତରଫରୁ ଅନ୍ୟ ଦୁଇଟି ଗୋଲ ଲାଲରିଣ୍ଡିକି (୧୪ତମ) ଏବଂ ସଙ୍ଗୀତା କୁମାରୀ (୩୦ତମ ମିନିଟ) ଗୋଟିଏ ଲେଖାଏ ଗୋଲ ଦେଇଥିଲେ। ଏହି ହାଇସ୍କୋରିଂ ମ୍ୟାଚରେ ଚିଲି ତରଫରୁ ସିମୋନ୍‌ ଆଭେଲି (୧୦ମ), ପାଉଲା ସାଞ୍ଜ୍‌ (୨୫ତମ) ଓ ଫର୍ନାଣ୍ଡା ଆରିଟା (୪୯ତମ) ଗୋଟିଏ ଲେଖାଏ ଗୋଲ୍‌ ସ୍କୋର କରିଥିଲେ। ଭାରତ ମ୍ୟାଚର ଶେଷ ଦୁଇ କ୍ୱାର୍ଟରରେ ଖେଳକୁ ନିଜ ନିୟନ୍ତ୍ରଣରେ ରଖିଥିଲା। ଏଥିସହିତ ଆକ୍ରମଣାତ୍ମକ ଖେଳି ବିପକ୍ଷ ଦଳ ଉପରେ ଚାପ ସୃଷ୍ଟି କରିଥିଲା।