ମୂକସାକ୍ଷୀ ପାଲଟିଛି ନୌବାଣିଜ୍ୟ କେନ୍ଦ୍ର ଜମ୍ବୁ ଦ୍ୱୀପ

ମହାକାଳପଡ଼ା, ୭ା୧୧(ଡି.ଏନ୍‌.ଏ.): ଦିନ ଥିଲା ବଙ୍ଗୋପସାଗର ପୂର୍ବ ଉପକୂଳ ପ୍ରାଚୀନ ଐତିହ୍ୟ ନୌବାଣିଜ୍ୟ ପେଣ୍ଠସ୍ଥଳ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକର ଜମ୍ବୁ ଦ୍ୱୀପ ଦେଇ ସୁଦୂର ବିଦେଶକୁ ସାଧବ ପୁଅମାନେ ବେପାର ବଣିଜ ପାଇଁ ବୋଇତରେ ଯାଉଥିଲେ। ସେମାନେ ବୋଇତରେ ଓଡ଼ିଶାର ଖାଦ୍ୟଶସ୍ୟ, ଜଙ୍ଗଲଜାତ ଦ୍ରବ୍ୟ ଝୁଣା, ମହୁ , ଲାଖ, ଶିଙ୍ଘ, ସାମୁଦ୍ରିକ ଜୀବ ତଥା କଉଡ଼ି ଆଦି ନେଇ ଜାଭା, ସୁମାତ୍ରା, ବାଲି, ଇଣ୍ଡୋନେସିଆ ପ୍ରଭୃତି ସ୍ଥାନକୁ ଯାଇ ପ୍ରତିବଦଳରେ ବିଭିନ୍ନ ମୂଲ୍ୟବାନ୍‌ ସମ୍ପତ୍ତି ଆଣୁଥିଲେ। କାର୍ତ୍ତିକ ପୂର୍ଣ୍ଣିମାରେ ଓଡ଼ିଶାର ସାଧବପୁଅମାନେ ବିଦେଶରେ ନୌବାଣିଜ୍ୟ ସାରି ନିଜ ଭିଟାମାଟିକୁ ଫେରୁଥିଲେ। ସୁଦୂର ସାତ ସମୁଦ୍ର ତେର ନଈ ପାର ହୋଇ ବିଦେଶରୁ ଧନଦୌଲତ ବୋଇତରେ ଧରି ସାଧବପୁଅମାନେ ଆସିଥାନ୍ତି। ଧନଦୌଲତ ଆଣି ଜମ୍ବୁ ଦ୍ୱୀପରେ ସାଧବମାନେ ବୋଇତ ଧରି ପହଞ୍ଚତ୍ବା ପରେ ଓଡ଼ିଆ ସଂସ୍କୃତି ଓ ପରମ୍ପରା ଅନୁସାରେ ସାଧବାଣୀମାନେ ସେମାନଙ୍କୁ ବନ୍ଦାପନା କରିଥାନ୍ତି। ଦିନ ଚାଲିଯାଇଛି ଆଉ ନୌବାଣିଜ୍ୟ କରିବାକୁ ସାଧବପୁଅମାନେ ଯାଉନାହାନ୍ତି। କିନ୍ତୁ ମୂକସାକ୍ଷୀ ରହିଯାଇଛି ଜମ୍ବୁ ଦ୍ୱୀପ। ସଡ଼କ ଓ ରେଳପଥର ବହୁ ପୂର୍ବରୁ ଯାତାୟାତର ମୁଖ୍ୟ ମାଧ୍ୟମ ଥିଲା ନୌବାଣିଜ୍ୟ। ସେଇ ସ୍ମୃତିକୁ ଉଜ୍ଜୀବିତ ରଖିବାକୁ ଓଡ଼ିଶାର ପୁରପଲ୍ଲୀରେ କାର୍ତ୍ତିକ ପୂର୍ଣ୍ଣିମାରେ ନଦୀ, ନାଳ, ପୁଷ୍କରିଣୀରେ ରୀତିନୀତି ଅନୁସାରେ ବୋଇତ ବନ୍ଦାଣ ଉତ୍ସବ ପାଳନ କରାଯାଏ। ପିଢ଼ି ପରେ ପିଢ଼ି ନିଜର କୌଳିକ ବୃତ୍ତିକୁ ଆଦରି ଯେଉଁମାନେ ସୋଲ ଡଙ୍ଗା ନିର୍ମାଣ କରୁଥିଲେ ସେମାନଙ୍କ ଜୀବନଜୀବିକା ଏବେ ଦୁର୍ବିଷହ ହୋଇପଡ଼ିଛି। ସୋଲଡଙ୍ଗା ପାଇଁ କଞ୍ଚାମାଲ ମିଳୁ ନ ଥିବାରୁ ଚିନ୍ତାରେ ପଡ଼ିଛନ୍ତି କାରିଗର।
ମହାକାଳପଡ଼ା ବ୍ଲକ ବଳିପାଳ ପଞ୍ଚାୟତ ପୋଷେଇ ଗଁାରେ ୧୫ରୁ ଅଧିକ ମାଳୀ ସମ୍ପ୍ରଦାୟ ପରିବାର ରହିଛନ୍ତି। ସେମାନେ ନିଜ କୌଳିକ ବୃତ୍ତି ସୋଲଡଙ୍ଗା ତିଆରି କରି ପରିବାର ପ୍ରତିପୋଷଣ କରିଥାନ୍ତି। ଦିନ ଥିଲା ବ୍ଲକର ବିଭିନ୍ନ ଅଞ୍ଚଳର ଖାଲ, ଗହୀରପାଟ ଓ ଚାଷ ଜମିଗୁଡିକରେ ସୋଲଗଛ ପ୍ରଚୁର ପରିମାଣରେ ଦେଖିବାକୁ ମିଳୁଥିଲା। ଏହି ସୋଲକୁ ମାସେ ପୂର୍ବରୁ ସଂଗ୍ରହ କରି ଖରାରେ ଶୁଖାଇ ରଖାଯାଏ। ପରେ କାର୍ତ୍ତିକ ପ୍ରାରମ୍ଭରେ କାରିଗରମାନେ ଏହି ସୋଲକୁ ଡଙ୍ଗା ପ୍ରସ୍ତୁତ ପାଇଁ ଚିରିଥାନ୍ତି। ସୋଲରେ ଭଳିକି ଭଳି ରଙ୍ଗ ଦେଇ ଡଙ୍ଗା ତିଆରି କରାଯାଏ। ପରେ ସେମାନେ ଗଁା ଗଁା ବୁଲି ବିକ୍ରି କରି ଦୁଇ ପଇସା ରୋଜଗାର କରୁଥିଲେ। ମାତ୍ର ଏବେ ଡଙ୍ଗା ତିଆରି ପାଇଁ କଞ୍ଚାମାଲ (ସୋଲ)ର ଅଭାବ ପରିଲକ୍ଷିତ ହେଉଛି। କାରଣ ଚାଷଜମିରେ ପ୍ରଚୁର ପରିମାଣରେ ରାସାୟନିକ ସାରର ବ୍ୟବହାର ଯୋଗୁ ସୋଲ ଗଛଗୁଡ଼ିକ ନଷ୍ଟ ହେଉଛି ବୋଲି ପୋଷେଇ ଗ୍ରାମର କାରିଗର ନିରାକାର ରଣା, ସହଦେବ ରଣା କହିଛନ୍ତି। କାରିଗରମାନଙ୍କ କହିବା କଥା, ମହାକାଳପଡ଼ା ଅଞ୍ଚଳରେ ପୂର୍ବରୁ ବହୁଳ ପରିମାଣରେ ସୋଲଗଛ ଦେଖାଯାଉଥିଲା। ଏବେ ସୋଲଗଛ ଆଉ ଆଗଭଳି ଦେଖିବାକୁ ମିଳୁନି। ବାଧ୍ୟହୋଇ ପଡ଼ୋଶୀ ଜିଲା ଯାଜପୁର, ଜଗତ୍‌ସିଂହପୁର ଅଞ୍ଚଳରୁ ଏହାକୁ ସଂଗ୍ରହ କରୁଛୁ। ମଜୁରି ଓ ଗାଡ଼ି ଭଡ଼ା ଦେଇ ଦୂର ସ୍ଥାନରୁ ଏହି ସୋଲ ସଂଗ୍ରହ କରିବାକୁ ପଡୁଛି। ପାରିଶ୍ରମିକ ତୁଳନାରେ ଆଗ ଅପେକ୍ଷା ବେପାରରେ ଲାଭ କମିଛି। ତଥାପି ଆମେ କୌଳିକ ବୃତ୍ତିକୁ ବଞ୍ଚାଇ ରଖିଛୁ। ଅପରପକ୍ଷରେ କୋଲକାତାର ବିଭିନ୍ନ ଅଞ୍ଚଳରୁ ପ୍ଲାଷ୍ଟିକ୍‌ ଓ ପେପର ନିର୍ମିତ ଡଙ୍ଗା ବଜାରରେ ଉପଲବ୍ଧ ହେବାରୁ ସୋଲ ଡଙ୍ଗାର ଚାହିଦା କମିଛି ବୋଲି ସେମାନେ କହିଛନ୍ତି। ଏହି ଡଙ୍ଗା କାରିଗର ପରିବାରକୁ ସରକାରୀ ସହାୟତା ଯୋଗାଇଦେବାକୁ ସେମାନେ ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

ହକି ଇଣ୍ଡିଆ ନିର୍ବାଚନ ସ୍ଥଗିତ: ଅନ୍ତରୀଣ ରହିତାଦେଶ ହଟାଇବାକୁ ହୋଇଥିବା ଆବେଦନ ଖାରଜ କଲେ ହାଇକୋର୍ଟ

କଟକ,୧୮।୧୧: ହକି ଇଣ୍ଡିଆ ନିର୍ବାଚନ ପ୍ରକ୍ରିୟାକୁ ସ୍ଥଗିତ ରଖିଛନ୍ତି ମାନ୍ୟବର ଓଡ଼ିଶା ହାଇକୋର୍ଟ । ନିର୍ବାଚନ ଉପରେ ପୂର୍ବରୁ ଲାଗିଥିବା ଅନ୍ତରୀଣ ରହିତାଦେଶକୁ ପ୍ରତ୍ୟାହାର କରିବା ପାଇଁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?