ମୁମ୍ବାଇ: ଧୁମ ମୁଭି ସିରିଜର ଦର୍ଶକଙ୍କ ପାଇଁ ଖୁସି ଖବର। ଧୁମ, ଧୁମ-୨, ଓ ଧୁମ-୩ ପରେ ଧୁମ-୪ର ଘୋଷଣା ବି କରାଯାଇଛି। ୨୦୦୪ରେ ରିଲିଜ ହୋଇଥିବା ‘ଧୁମ’ରେ ପ୍ରଥମ ଏପିସୋଡରେ ଜନ ଆବ୍ରାହମ ନେଗେଟିଭ ରୋଲରେ ନଜର ଆସିଥିଲେ। ଧୁମ-୨ରେ ହ୍ରିତିକ ରୋଶନ ଓ ଧୁମ-୩ରେ ଆମିର ଖାଁ ନେଗେଟିଭ ରୋଲରେ ନଜର ଆସିଥିଲେ। ଏବେ ଚର୍ଚ୍ଚା ହେଉଛି କି ଜନ ଆବ୍ରାହମ ପୁଣିଥରେ ଫେରୁଛନ୍ତି। ସେ ପୁଣିଥରେ ବାଇରେ ଚୋରି କରୁଥିବା ନଜର ଆସିବେ।
ମିଡିଆ ରିପୋର୍ଟ ଅନୁଯାୟୀ,ଚଳିତ ବର୍ଷ ଆରମ୍ଭରେ ଜନ ଶାହାରୁଖ ଖାଁ ଷ୍ଟାରର ମୁଭି ‘ପଠାନ’ରେ ତାଙ୍କ ଦମଦାର ପରଫରମାନ୍ସରେ ଦର୍ଶକଙ୍କ ଦିଲ ଜିତି ନେଇଥିଲେ। ଦର୍ଶକେ ଜନଙ୍କୁ ନେଗେଟିଭ ରୋଲରେ ବି ବହୁତ ପସନ୍ଦ କରିଥିଲେ। ସେଥିପାଇଁ ଯଦି ୟଶରାଜ ଫିଲ୍ମସ ଜନଙ୍କୁ ଧୁମ ଫ୍ରାଞ୍ଚାଇଜରେ ପୁଣି ନିଏ ତେବେ ଏଥିରେ କିଛି ଆଶ୍ଚର୍ଯ୍ୟ ହେବାର ନାହିଁ।
ଜନ କିଛିଦନ ହେବ ଓ୍ବାଇଆରଏଫ ସହ ସମ୍ପର୍କରେ ରହିଛନ୍ତି ଓ ତାଙ୍କ ସହ କିଛି ମିଟିଂ ବି କରୁଥିବା ଦେଖାଯାଇଛି। ସୂଚନାଯୋଗ୍ୟ, ପଠାନରେ ତାଙ୍କ ଅଭିନୟକୁ ନିର୍ମାତା ଆଦିତ୍ୟ ଚୋପ୍ରା ବି ପ୍ରଶଂସା କରିଥିଲେ। ସେ ଆହୁରି ମଧ୍ୟ କହିଥିଲେ କି ସେ ଜନଙ୍କୁ ପୁଣିଥରେ ଧୁମରେ ଦେଖିବାକୁ ପସନ୍ଦ କରିବେ।
