ନୂଆଦିଲ୍ଲୀ,୫।୧୧: ଆମେରିକାର ରାଷ୍ଟ୍ରପତି ଜୋ ବାଇଡେନ୍ ବିଶ୍ୱର ସବୁଠାରୁ ଧନୀ ବ୍ୟକ୍ତି ଏଲନ ମସ୍କଙ୍କ ନିଷ୍ପତ୍ତିକୁ ସମାଲୋଚନା କରିଛନ୍ତି। ଟୁଇଟର କିଣିବା ନେଇ ସେ କହିଛନ୍ତି ଯେ, ଦୁନିଆର ସବୁଠାରୁ ଧନୀ ବ୍ୟକ୍ତି ଏମିତି ଏକ ପ୍ଲାଟଫର୍ମ କିଣିଛନ୍ତି ଯାହା ଦୁନିଆକୁ ମିଥ୍ୟା ପଠାଇବା ସହ ତାକୁ ବିସ୍ତାର କରୁଛି। ଏହାଛଡ଼ା ସୋସିଆଲ ମିଡିଆରେ ମିଥ୍ୟା ବିସ୍ତାରକୁ ନେଇ ସେ ଗଭୀର ଚିନ୍ତା ପ୍ରକଟ କରିଛନ୍ତି।
ବାଇଡେନ୍ କହିଛନ୍ତି, ସୋସିଆଲ ମିଡିଆରେ ଭୁଲ ତଥ୍ୟର ପ୍ରବାହକୁ ହ୍ରାସ କରାଯିବା ଉଚିତ। ଉପଭୋକ୍ତାମାନେ ଫେସବୁକ୍, ଟୁଇଟର ଏବଂ ଅନ୍ୟାନ୍ୟ ସୋସିଆଲ ମିଡିଆ ପ୍ଲାଟଫର୍ମରୁ ଭୁଲ ତଥ୍ୟ ବିସ୍ତାର କରିପାରିବେ। ଏଣୁ ଏହା ବନ୍ଦ ହେବା ଉଚିତ ବୋଲି ସେ ଗୁରୁତ୍ୱାରୋପ କରିଛନ୍ତି।
