ନୂଆଦିଲ୍ଲୀ,୨୩ ।୮: ଦିଲ୍ଲୀର ଜବାହରଲାଲ ନେହେରୁ ବିଶ୍ୱବିଦ୍ୟାଳୟ(ଜେଏନୟୁ)ର କୁଳପତି ଶାନ୍ତିଶ୍ରୀ ଧୁଲିପୁଡି ପଣ୍ଡିତ କହିଛନ୍ତି, ମାନବଶାସ୍ତ୍ରୀୟ ରୂପରେ ଦେଖିଲେ ହିନ୍ଦୁ ଦେବତା ଉଚ୍ଚ ଜାତିରୁ ଆସି ନାହାନ୍ତି । ସୋମବାର କେନ୍ଦ୍ରୀୟ ସମାଜିକ ଅଧିକାରିତା ମନ୍ତ୍ରଣାଳୟ ପକ୍ଷରୁ ଆୟୋଜିତ ବିଆର ଆମ୍ବେଦକର ଲେକ୍ଚର ସିରିଜରେ କହୁଥିବା ଲେକଚରର ବିଷୟ ଥିଲା ‘Dr BR Ambedkar’s Thought on Gender Justice: Decoding the Uniform Civil Code’.
ଜେଏନୟୁ କୁଳପତି କହିଛନ୍ତି ଯଦି ମାନବ ଶାସ୍ତ୍ରୀୟ ଓ ବୈଜ୍ଞାନକ ଦୃଷ୍ଟି କୋଣରୁ ଭଗବାନଙ୍କ ଉତ୍ପତିକୁ ଦେଖାଯାଏ, ତେବେ କୌଣସି ଭଗବାନ ବ୍ରାହ୍ମଣ ନୁହଁନ୍ତି ବୋଲି କୁଳପତି କହିଛନ୍ତି । ଏହାସହ ଭଗବାନ ଶିବଙ୍କୁ ନେଇ ସେ ଯେଉଁ ଆପତ୍ତି ଉଠାଇଛନ୍ତି ତାହା ଶିବଭକ୍ତଙ୍କ ଉପରେ ଗଭିର ପ୍ରଭାବ ପକାଇଛି । କୁଳପତି କହିଛନ୍ତି, ଭଗବାନ ଶିବ ଅନୁସୂଚିତ ଜାତି ଅବା ଅନୁସୂଚିତ ଜନଜାତି । ସେ ସବୁବେଳେ ବେକରେ ସାପ ଗୁଡାଇ ହୋଇ ଶ୍ମଶାନରେ ବସିଥାଆନ୍ତି । ତାଙ୍କୁ ପିନ୍ଧିବା ପାଇଁ ବି କମ କପଡା ଦିଆଯାଇଥାଏ । ତେଣୁ ମୋତେ ଲାଗୁନାହିଁ ଯେ ଭଗବାନ ଶିବ ବ୍ରାହ୍ମଣ ହୋଇଥିବେ । ତେଣୁ ମାନବଶାସ୍ତ୍ରୀୟ ଦୃଷ୍ଟିକୋଣରୁ ଦେଖିଲେ କୌଣସି ବି ଭଗବାନ ଉଚ୍ଚ ଜାତିର ନୁହେଁ ବୋଲି କୂଳପତି କହିଛନ୍ତି ।
