ଶ୍ରୀନଗର,୧୦।୭: ଆତଙ୍କବାଦୀ ସଂଗଠନ ପାଇଁ କାର୍ଯ୍ୟ କରୁଥିବା ଅଭିଯୋଗରେ ଜମ୍ମୁ-କଶ୍ମୀର ପ୍ରଶାସନ ପକ୍ଷରୁ ୧୧ ଜଣ କର୍ମଚାରୀଙ୍କୁ ଚାକିରିରୁ ବହିଷ୍କାର କରାଯାଇଛି। ବହିଷ୍କୃତ କର୍ମଚାରୀଙ୍କ ମଧ୍ୟରେ ହିଜବୁଲ୍ ମୁଜାହିଦ୍ଦିନ ମୁଖ୍ୟ ସୟେଦ ସଲାହୁଦ୍ଦିନ୍ଙ୍କ ପୁଅ ଏବଂ ପୋଲିସ ବିଭାଗର ୨ ଜଣ ଅଛନ୍ତି। ଅନ୍ୟମାନେ ଶିକ୍ଷା, କୃଷି, ଦକ୍ଷତା ବିକାଶ, ବିଦ୍ୟୁତ୍ ଏବଂ ସ୍ବାସ୍ଥ୍ୟ ବିଭାଗରେ କାର୍ଯ୍ୟ କରୁଥିଲେ। ସେମାନଙ୍କ ମଧ୍ୟରୁ ୪ ଜଣ ଅନନ୍ତନାଗର ହୋଇଥିଲା ବେଳେ ବଡଗାମ୍ରୁ ୩, ବାରମୁଲ୍ଲା, ଶ୍ରୀନଗର, ପୁଲଓ୍ବାମା, କୁପଓ୍ବାଡା ଜିଲାରୁ ଜଣେ ଲେଖାଏଁ ଅଛନ୍ତି। ସମ୍ବିଧାନର ଅନୁଚ୍ଛେଦ ୩୧୧ ଅନୁଯାୟୀ ସେମାନଙ୍କୁ ବହିଷ୍କାର କରାଯାଇଛି।
