Posted inଖେଳ

ଦୃଷ୍ଟି ଆଢ଼ୁଆଳରେ ଦୃଷ୍ଟିବାଧିତ ମହିଳା କ୍ରିକେଟର

ସମ୍ପ୍ରତି କେନ୍ଦ୍ର ଓ ଓଡ଼ିଶା ସରକାର ଖେଳର ବିକାଶ ସହ ଖେଳାଳିଙ୍କ ଉନ୍ନତି ପାଇଁ ଅନେକ ପଦକ୍ଷେପ ନେଉଛନ୍ତି। ଦେଶ କିପରି ଖେଳରେ ଆଗକୁ ବଢ଼ିବ ଏଥିପାଇଁ କେନ୍ଦ୍ର ସରକାର ବିଭିନ୍ନ ଯୋଜନାମାନ ପ୍ରସ୍ତୁତ କରୁଛନ୍ତି। ସେହିପରି ଓଡ଼ିଶାକୁ କ୍ରୀଡ଼ା ହବ୍‌ରେ ପରିଣତ କରିବାପାଇଁ ରାଜ୍ୟ ସରକାରଙ୍କ ଉଦ୍ୟମ ଅବ୍ୟାହତ ରହିଛି। କ୍ରୀଡ଼ାକୁ ପ୍ରୋତ୍ସାହନ ପାଇଁ ଦେଶରେ ଉଦାହରଣ ପାଲଟିଛି ଓଡ଼ିଶା। ତୃଣମୂଳ ସ୍ତରରୁ ପ୍ରତିଭା ଚିହ୍ନଟ ସହ ଉଚ୍ଚମାନର ଟ୍ରେନିଂ ଆଦି ଅନେକ ଯୋଜନା ହାତକୁ ନିଆଯାଇଛି। ଆର୍ଥିକ ପ୍ରୋତ୍ସାହନ ଯୋଗୁ ଅନେକ ଖେଳାଳି ଉପକୃତ ହୋଇପାରିଛନ୍ତି ଏବଂ ଆଗକୁ ବଢ଼ିବାର ସୁଯୋଗ ପାଉଛନ୍ତି। ରାଜ୍ୟର ପାରା ଆଥଲେଟ୍‌ମାନେ ମଧ୍ୟ ଚମତ୍କାର ପ୍ରଦର୍ଶନ ଦ୍ୱାରା ରାଜ୍ୟ ଓ ଦେଶକୁ ଗର୍ବିତ କରୁଛନ୍ତି। ଦୃଷ୍ଟିବାଧିତ ମହିଳା ଓ ପୁରୁଷ କ୍ରିକେଟ ଖେଳାଳିମାନେ ଜାତୀୟ ଦଳରେ ପ୍ରଦର୍ଶନର ଛାପ ଛାଡ଼ୁଛନ୍ତି। ମାତ୍ର ଏବେ ମଧ୍ୟ ଅନେକ ଖେଳାଳି ଦୃଷ୍ଟି ଆଢ଼ୁଆଳରେ ରହିଯାଇଛନ୍ତି। ସେମାନଙ୍କ ମଧ୍ୟରୁ ଅନ୍ୟତମ ହେଉଛନ୍ତି ଓଡ଼ିଶାର ପ୍ରତିଭାସମ୍ପନ୍ନ ଦୃଷ୍ଟିବାଧିତ ମହିଳା କ୍ରିକେଟ ଖେଳାଳି ଝିଲି ବିରୁଆ। ସମ୍ପ୍ରତି ନେପାଳରେ ଚାଲିଥିବା ଦ୍ୱିପାକ୍ଷିକ ସିରିଜରେ ଖେଳୁଥିବା ଭାରତୀୟ ଦଳରେ ସାମିଲଥିବା ୪ ଓଡ଼ିଶା ଖେଳାଳିଙ୍କ ମଧ୍ୟରୁ ସେ ଅନ୍ୟତମ। ଅନ୍ୟ ୩ ଜଣ ହେଲେ ଫୁଲ ସୋରେନ, ବାସନ୍ତି ହାଁସଦା ଓ ପଦ୍ମିନୀ ଟୁଡୁ।
ଝିଲିଙ୍କ ବୟସ ମାତ୍ର ୧୩ ବର୍ଷ। ଘର କେନ୍ଦୁଝର। ଦୁଇ ଭାଇରେ ଗୋଟିଏ ଭଉଣୀ। ସେ ଛୋଟ ହୋଇଥିବାବେଳେ ମା’ ଘରଛାଡ଼ି ଅନ୍ୟତ୍ର ଚାଲି ଯାଇଥିବାବେଳେ ମଜୁରି କରି ପରିବାର ପୋଷୁଥିବା ବାପା ଗତ କରୋନା ମହାମାରୀରେ ଆଖି ବୁଜିଛନ୍ତି। ଅସୁସ୍ଥ ଜେଜେମା’ଙ୍କ ଉପରେ ଏବେ ପରିବାରର ବୋଝ। ଓଡ଼ିଶା ଦୃଷ୍ଟିବାଧିତ କ୍ରିକେଟ ସଂଘର ସଭାପତି ଜାଫର ଇକ୍‌ବାଲଙ୍କ ସୂଚନା ଅନୁସାରେ ଆର୍ଥିକ ଅବସ୍ଥା ଭଲ ନ ଥିବାରୁ ଦୈନିକ ଗୁଜୁରାଣ ମେଣ୍ଟାଇବା ଲାଗି ଦୁଇଭାଇ ନିର୍ମାଣକାର୍ଯ୍ୟ ସ୍ଥଳରେ ଦିନମଜୁରିଆ ଭାବେ କାର୍ଯ୍ୟ କରୁଛନ୍ତି। ଅଧାରୁ ପାଠପଢ଼ା ଛାଡ଼ି ଏଥିରେ ମଧ୍ୟ ଝିଲି ସାମିଲ ହୋଇଛନ୍ତି। କୋଭିଡ୍‌ ସମୟରେ ସେ ମଧ୍ୟ ଶ୍ରମିକଭାବେ କାମକରୁଥିବା ନଜରକୁ ଆସିଥିଲା। ମାତ୍ର କ୍ରିକେଟ ଖେଳରେ ତାଙ୍କର ବହୁତ ସଉକ। ସେ ସ୍କୁଲରେ ପଢୁଥିବାବେଳେ କ୍ରିକେଟ ଖେଳିବା ଆରମ୍ଭ କରିଥିଲେ। ରାଜ୍ୟ ସ୍ତରରେ ପ୍ରଭାବୀ ପ୍ରଦର୍ଶନ କରିବାପରେ ପ୍ରଥମଥରପାଇଁ ଗଠିତ ହୋଇଥିବା ଭାରତୀୟ ଦୃଷ୍ଟିବାଧିତ ଜାତୀୟ ମହିଳା କ୍ରିକେଟ ଦଳରେ ସୁଯୋଗ ପାଇଛନ୍ତି। ତାଙ୍କର ଆଦର୍ଶ ହେଉଛନ୍ତି ବିରାଟ କୋହଲି। ପିଲାଦିନେ କାଠରେ ତିଆରି ଏକ ଧନୁତୀରକୁ ନେଇ ଖେଳୁଥିବା ବେଳେ ଏଥିରେ ଆଘାତପ୍ରାପ୍ତ ହୋଇ ସେ ତାଙ୍କ ବାମ ଆଖି ଦୃଷ୍ଟିଶକ୍ତି ହରାଇଥିଲେ। ଭୋପାଳଠାରେ ଆୟୋଜିତ ଟ୍ରେନିଂ କ୍ୟାମ୍ପ ମନୋନୀତ ୩୮ଜଣ କ୍ରିକେଟରଙ୍କ ମଧ୍ୟରେ ସେ ଥିଲେ ଅନ୍ୟତମ।
ଭାରତୀୟ ଦଳର ଅଧିକାଂଶ ଖେଳାଳି ବିବିଧ ପୃଷ୍ଠଭୂମିରୁ ଆସିଛନ୍ତି। ଦୃଷ୍ଟିବାଧିତ ପୁରୁଷ କ୍ରିକେଟ ଦୁଇ ଦଶନ୍ଧି ହେଲା ଖେଳାଯାଇ ଆସୁଛି। ଏବେ ଦୃଷ୍ଟିବାଧିତ ମହିଳା କ୍ରିକେଟ ଦଳ ଗଠନ କରାଯାଇଛି। ଏହି ଦଳ ଏବେ ନେପାଳରେ ଦ୍ୱିପାକ୍ଷିକ ସିରିଜ ଖେଳୁଛି। ସ୍ବଳ୍ପ ବୟସରେ କଠିନ ପରିସ୍ଥିତିର ସମ୍ମୁଖୀନ ହେବାକୁ ପଡ଼ୁଥିଲେ ହେଁ ସେଥିପ୍ରତି ଝିଲିଙ୍କର ପରବାୟ ନାହିଁ। କ୍ରିକେଟ ତାଙ୍କ ଜୀବନ ଶୈଳୀରେ ପରିବର୍ତ୍ତନ ଆଣିଦେବ ମନରେ ବିଶ୍ୱାସ ରହିଛି।
ନେପାଳରେ ଖେଳୁଥିବା ଭାରତୀୟ ଦୃଷ୍ଟିବାଧିତ ମହିଳା ଦଳର ଅଧିନାୟିକା ଅଛନ୍ତି ୨୦ ବର୍ଷୀୟା ସୁଷମା ପଟେଲ। ମଧ୍ୟପ୍ରଦେଶ ରାଜ୍ୟ ଦାମୋ ଜିଲାର ଦୁର୍ଗମ ଅଞ୍ଚଳରେ ଥିବା ଏକ ଗ୍ରାମରେ ତାଙ୍କର ଜନ୍ମ। ଟିଭି ଧାରାବାହିକ ରାମାୟଣ ଦ୍ୱାରା ଅନୁପ୍ରାଣିତ ହୋଇ ସୁଷମା ଓ ତାଙ୍କର ୩ ଭାଇ ଧନୁତୀର ଖେଳିଥାନ୍ତି। ଦିନେ ଏକ ତୀର ଆସି ତାଙ୍କ ଡାହାଣ ଆଖିରେ ବାଜିଥିଲା। ଆଘାତପ୍ରାପ୍ତ ହୋଇ ସେ ଆଂଶିକ ଦୃଷ୍ଟିଶକ୍ତି ହରାଇ ବସିଥିଲେ। ସେତେବେଳକୁ ତାଙ୍କୁ ମାତ୍ର ୬ବର୍ଷ ବୟସ ହୋଇଥିଲା। ସେ କେବଳ ତାଙ୍କ ବାମ ଆଖିରେ ଦେଖିପାରୁଥିଲେ। ମାତ୍ର କ୍ରମେ ତାଙ୍କ ଦୃଷ୍ଟିଶକ୍ତି ହ୍ରାସ ପାଇବାରେ ଲାଗିଥିଲା। ନିଜ ଭବିଷ୍ୟତ ନେଇ ସେ ଚିନ୍ତିତ ଥିଲେ। କିନ୍ତୁ କ୍ରିକେଟ ତାଙ୍କ ଜୀବନରେଖାକୁ ବଦଳାଇ ଦେଇଛି। ଭାଇମାନେ କ୍ରିକେଟର ହୁଅନ୍ତୁ ବୋଲି ତାଙ୍କ ପିତା ଚହୁଁଥିଲେ। ତାହା ହୋଇପାରି ନ ଥିଲା। ବର୍ତ୍ତମାନ ସେ ତାଙ୍କ ସ୍ବପ୍ନକୁ ସାକାର କରିପାରିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ପାନ ଦୋକାନିଙ୍କ ପୁଅ ଆଜି ମ୍ୟାଚ ଓ୍ବିନର

ନୂଆଦିଲ୍ଲୀ,୨୯।୩: ଆଇପିଏଲ ୨୦୨୪ର ନବମ ମ୍ୟା ରେ ରାଜସ୍ଥାନ ରୟାଲ୍ସକୁ ଜିତାଇବାରେ ଆବେଶ ଖାନ ଏକ ଗୁରୁତ୍ୱପୂର୍ଣ୍ଣ ଅବଦାନ ରହିଛି। ଦଳ ପାଇଁ ଶେଷ ଓଭରରେ...

ବିବାହ ପୂର୍ବରୁୁ ଦୀପିକାଙ୍କ ସହ ଥିଲା ଧୋନିଙ୍କର ସମ୍ପର୍କ?

ନୂଆଦିଲ୍ଲୀ,୨୯।୩: ମହେନ୍ଦ୍ର ସିଂ ଧୋନି ଆଇପିଏଲ ୨୦୨୪ ରେ ଚେନ୍ନାଇ ସୁପର କିଙ୍ଗ୍ସ ପାଇଁ ଖେଳାଳି ଭାବରେ ଖେଳୁଛନ୍ତି। ୧୭ ତମ ସିଜିନ ଆରମ୍ଭ ହେବାର...

ଦୁଇଫାଳ ମୁମ୍ବାଇ ଇଣ୍ଡିଆନ୍ସ: ହାର୍ଦ୍ଦିକ ପାଣ୍ଡ୍ୟାଙ୍କ ସମର୍ଥନରେ ମାଲିକ

ନୂଆଦିଲ୍ଲୀ,୨୯।୩: ପାଞ୍ଚ ଥର ଚାମ୍ପିଅନ୍ ତଥା ତାରକା ବ୍ୟାଟ୍ସମ୍ୟାନ୍ ରୋହିତ ଶର୍ମାଙ୍କଠାରୁ ଅଧିନାୟକତ୍ୱ ଦାୟିତ୍ୱ ଛଡ଼ାଇବା ନିଷ୍ପତିକୁ ମୁମ୍ବାଇ ଇଣ୍ଡିଆନ୍ସର ପ୍ରଶଂସକମାନେ ଗ୍ରହଣ କରି ପାରୁ...

ଏହି ମହଙ୍ଗା ବୋଲରଙ୍କୁ ଘାରିଛି କୋହଲି ଭୟ: ଆଇପିଏଲ ଇତିହାସରେ ପ୍ରଥମଥର ହେବ ସାମ୍ନା

ବେଙ୍ଗାଲୁରୁ,୨୯।୩: ଆଇପିଏଲ ୨୦୨୪ର ଦଶମ ମ୍ୟାଚ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ କୋଲକାତା ନାଇଟ ରାଇଡର୍ସ ମଧ୍ୟରେ ଖେଳାଯିବ। ଆରସିବି ଚଳିତ ସିଜନରେ ଏପର୍ଯ୍ୟନ୍ତ ଦୁଇଟି...

ରାଗିଯାଇ କାନ୍ଥରେ ବ୍ୟାଟ୍‌ ପିଟିଦେଲେ ରିଷଭ ପନ୍ତ: ଦେଖନ୍ତୁ ଭିଡିଓ

ନୂଆଦିଲ୍ଲୀ,୨୯।୩; ରାଜସ୍ଥାନ ରୟାଲ୍ସ ବିପକ୍ଷରେ ଦିଲ୍ଲୀ କ୍ୟାପିଟାଲ୍ସକୁ ପରାଜୟର ସାମ୍ନା କରିବାକୁ ପଡିଥିଲା। ରାଜସ୍ଥାନ ରୟାଲ୍ସ ଦିଲ୍ଲୀ କ୍ୟାପିଟାଲକୁ ୧୨ ରନରେ ପରାସ୍ତ କରିଛି। ଏହିପରି...

ଜାତୀୟ ପିକଲବଲ୍‌ରେ ଓଡ଼ିଶାର ସଫଳତା

ଭୁବନେଶ୍ୱର, ୨୮।୩(ତପନ ସ୍ବାଇଁ):ପିକଲବଲ୍‌ ଆସୋସିଏଶନ ଅଫ୍‌ ଓଡ଼ିଶା ଆନୁକୂଲ୍ୟରେ ଆୟୋଜିତ ପ୍ରଥମ ଜାତୀୟ ପିକଲବଲ୍‌ ଟୁର୍ନାମେଣ୍ଟରେ ଓଡ଼ିଶା ପ୍ରତିଯୋଗୀମାନେ ପ୍ରଦର୍ଶନର ଛାପ ଛାଡ଼ିଛନ୍ତି। ଏହି ସମ୍ମାନଜନକ...

ଲାଟିନ୍‌ ଆମେରିକା ଲିଗ୍‌ରେ ବିଜୟ ପ୍ରଥମ ଭାରତୀୟ

ଚେନ୍ନାଇ,୨୮ା୩(ପି.ଟି.):ଡିଫେଣ୍ଡର ବିଜୟ ଛେତ୍ରୀ ପ୍ରଥମ ଭାରତୀୟ ଖେଳାଳି ଭାବରେ ଏକ ଲାଟିନ୍‌ ଆମେରିକୀୟ କ୍ଲବରେ ସାମିଲ ହେବାକୁ ଯାଉଛନ୍ତି। ଉରୁଗୁଏର କ୍ଲବ କଲୋନା ଏଫ୍‌ସି ସହିତ...

ଭାରତୀୟ ହକି ଦଳକୁ ଓସ୍‌ଜାର ‘ପ୍ୟାରିସ ଅଲିମ୍ପିକ୍ସ ଶୁଭେଚ୍ଛା’

ଭୁବନେଶ୍ବର, ୨୯ା୩ (ବିଜୟ ରଣା):ଭାରତୀୟ ପୁରୁଷ ହକି ଦଳକୁ ‘ପ୍ୟାରିସ ଅଲିମ୍ପିକ୍ସ ଶୁଭେଚ୍ଛା’ ଜଣାଇଛି ଓ ଓଡ଼ିଶା ସ୍ପୋଟର୍‌ସ ଜର୍ନାଲିଷ୍ଟ ଆସୋସିଏଶନ (ଓସ୍‌ଜା)। ଗୁରୁବାର ସଂଧ୍ୟାରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri