ଦେବଗଡ,୮।୧୦(ଶଶାଙ୍କ ଶେଖର ଝାଙ୍କର): ତିଲେଇବଣି ବ୍ଲକ ଗଜୁରିବଣୀ ଗ୍ରାମରେ ପିଜି କ୍ଲବ ଆନୁକୂଲ୍ୟରେ ଆୟୋଜିତ ଦ୍ୱିଦିବସୀୟ ହକି ପ୍ରତିଯୋଗିତା ଉଦଯାପିତ ହୋଇଯାଇଛି । ୧୬ ଟି ଦଳକୁ ନେଇ ଅନୁଷ୍ଠିତ ଏହି ପ୍ରତିଯୋଗିତାର ଫାଇନାଲ ମ୍ୟାଚରେ ରାଜଗାଙ୍ଗପୁର ରାମବାହାଳ ଆର୍ଏମ୍ବିଏଲ କ୍ଲବକୁ ପରାସ୍ତ କରି ଠେଲ୍କୋଛାପଲ ଜୀବନ ଜ୍ୟୋତି କ୍ଲବ ଚାମ୍ପିୟନ ହୋଇଥିବା ଜଣାପଡିଛି । ଏହି ଅବସରରେ ବିଜେତା ଦଳକୁ ଟ୍ରଫି ସହିତ ବଡ ଖାସି ଏବଂ ଉପବିଜେତା ଦଳକୁ ଟ୍ରଫି ସହିତ ଛୋଟ ଖାସି ପୁରସ୍କାର ପ୍ରଦାନ କରାଯାଇଛି। ଆୟୋଜକ ଅନୁଷ୍ଠାନର ସଭାପତି ହେରମନ ବାର୍ଲାଙ୍କ ସଭାପତିତ୍ୱରେ ଅନୁଷ୍ଠିତ ଉଦଯାପନୀ ତଥା ପୁରସ୍କାର ବିତରଣୀ ଉତ୍ସବରେ ମୁଖ୍ୟଅତିଥି ଭାବେ ତିଲେଇବଣି ବ୍ଲକ ଅଧ୍ୟକ୍ଷା ବୃନ୍ଦାବତୀ ଭୋଇ ଏବଂ ସମ୍ମାନୀତ ଅତିଥି ଭାବେ ଉପାଧ୍ୟକ୍ଷା ଆରତୀ ପ୍ରଧାନ, ସମ୍ବଲପୁର ଏମପିଙ୍କ ତିଲେଇବଣି ବ୍ଲକ ପ୍ରତିନିଧି ଯୋଗେଶ ଚନ୍ଦ୍ର ପ୍ରଧାନ ପ୍ରମୁଖ ମଞ୍ଚାସିନ ରହି ପୁରସ୍କାର ପ୍ରଦାନ କରିଥିଲେ। ରେଫରୀ ଭାବେ ବେଲାସ ଏକ୍କା, ସୁଜିତ ଟପ୍ପୋ, ସଚିନ ଟପ୍ପୋ, ରସନ ମିଞ୍ଜ ପ୍ରମୁଖ ଖେଳ ପରିଚାଳନା କରିଥିଲେ । ଆୟୋଜକ ଅନୁଷ୍ଠାନର ସମ୍ପାଦକ ଭିମସେନ ବାଆ, ବ୍ଲାସିୟସ ମିଞ୍ଜ, କେଲମେଟ ଖେସ, ଲିବିନ ବାର୍ଲାଙ୍କ ସମେତ ଅନ୍ୟ ସମସ୍ତ ସଦସ୍ୟ ହକି ପ୍ରତିଯୋଗିତା ପରିଚାଳନାରେ ସକ୍ରିୟ ସହଯୋଗ କରିଥିଲେ।
Dharitri – Odisha’s No.1 Trusted Odia Daily
