ନୂଆଦିଲ୍ଲୀ,୩୧।୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୈନିକ ୧୮ ଘଣ୍ଟା କାମ କରନ୍ତି। ତାଙ୍କ ଦିନ ସକାଳ ୫ଟାରୁ ଆରମ୍ଭ ହୁଏ। ପ୍ରଧାନମନ୍ତ୍ରୀ ତାଙ୍କ ମନ୍ତ୍ରୀଙ୍କ ପ୍ରତ୍ୟେକ କାର୍ଯ୍ୟ ଉପରେ ମଧ୍ୟ ନଜର ରଖନ୍ତି। ବୈଦେଶିକ ମନ୍ତ୍ରୀ ଏସ ଜୟଶଙ୍କର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବ୍ୟସ୍ତବହୁଳ କାର୍ଯ୍ୟସୂଚୀ ଶେୟାର କରିଛନ୍ତି। ଏକ ସ୍ବତନ୍ତ୍ର ସାକ୍ଷାତକାରରେ ଏସ ଜୟଶଙ୍କର ପିଏମ ମୋଦିଙ୍କ ସହ କାମ କରିବାର ଅଭିଜ୍ଞତା ବାଣ୍ଟିଛନ୍ତି। ଏହା ସହିତ ସେ ନିଜ ବ୍ୟସ୍ତବହୁଳ କାର୍ଯ୍ୟସୂଚୀରେ ମଧ୍ୟ ନିଜ ଫିଟନେସର ଯତ୍ନ ନେଉଛନ୍ତି ବୋଲି କହିଛନ୍ତି।
ପିଏମ ମୋଦିଙ୍କ ସହ ବ୍ୟସ୍ତବହୁଳ କାର୍ଯ୍ୟ କରୁଥିବା ବୈଦେଶିକ ମନ୍ତ୍ରୀ କିପରି ଛୁଟିଦିନ ପରିଚାଳନା କରନ୍ତି? ଏହି ପ୍ରଶ୍ନର ଉତ୍ତରରେ ଏସ ଜୟଶଙ୍କର ହସିଲେ ଏବଂ କହିଥିଲେ, ଏକ ସପ୍ତାହ କିମ୍ବା ଦୁଇ ସପ୍ତାହ ଛୁଟିରେ ଯିବା … ମୋଦି ସରକାରରେ ଏହା ସମ୍ଭବ ନୁହେଁ। ସେ ଆମେ ଏହା ଆରମ୍ଭରୁ ଜାଣିଥିଲୁ। ଏହି ପରିସ୍ଥିତି କେବଳ ମନ୍ତ୍ରୀଙ୍କ ପାଇଁ ନୁହେଁ, ମୁଁ ସଚିବ ଥିବାବେଳେ ମଧ୍ୟ ଅନେକ ଦିନ ଛୁଟି ନେବା ସମ୍ଭବ ନ ଥିଲା। ତେଣୁ ଜିନିଷଗୁଡିକ ପରିଚାଳନା କରିବା ପାଇଁ ଆପଣଙ୍କୁ ବିଭିନ୍ନ ଉପାୟ ଖୋଜିବାକୁ ପଡ଼ିବ।
ଏସ ଜୟଶଙ୍କର କହିଛନ୍ତି, ମୁଁ ପ୍ରତିଦିନ ସକାଳେ ଅତି କମରେ ଏକ ଘଣ୍ଟା ସ୍କ୍ବାସ କିମ୍ବା ବ୍ୟାଡମିଣ୍ଟନ ଖେଳେ। ଯଦି ମୁଁ ଷ୍ଟ୍ରେଚିଂ କରିପାରେ ନାହିଁ, ତେବେ ଅନ୍ତତଃ ପକ୍ଷେ ଏମିତି କିଛି କରେ ଯାହା ମୋତେ ଫିଟ ରଖେ। ମୁଁ ସଙ୍ଗୀତ ଶୁଣେ। ପୁସ୍ତକ ପଢେ। ମୁଁ ସର୍ବଦା ଦୁନିଆ ବିଷୟରେ ଜାଣିବାକୁ ଆଗ୍ରହୀ ଥାଏ। ସେଥିପାଇଁ ମୁଁ ବୈଦେଶିକ ସେବାରେ ଯୋଗ ଦେଇଥିଲି। ଭ୍ରମଣ ମଧ୍ୟ ଆମକୁ ଏକ ଉପାୟରେ ଶାନ୍ତି ପ୍ରଦାନ କରିଥାଏ। ଏହା ବ୍ୟତୀତ ଆପଣ ବିଭିନ୍ନ ଦେଶ ବିଷୟରେ ବିଭିନ୍ନ ଜିନିଷ ଜାଣିପାରିବେ। ସାମଗ୍ରିକ ଜ୍ଞାନ ବଢିଥାଏ।
