ନୂଆଦିଲ୍ଲୀ,୧୨।୨: ବଲିଉଡର ଭେଟେରାନ ଅଭିନେତ୍ରୀ ତଥା ରାଜ୍ୟ ସଭା ଏମ୍ପି ଜୟା ବଚ୍ଚନ ସୋସିଆଲ ମିଡିଆରେ ନିଜ ରାଗ ପାଇଁ ଅନେକ ସମୟରେ ଚର୍ଚ୍ଚାରେ ରହିଛନ୍ତି। କେତେବେଳେ ଫଟୋଗ୍ରାଫରଙ୍କ ଉପରେ ତ ଆଉ କେତେବେଳେ ତାଙ୍କ ପ୍ରଶଂସକଙ୍କ ଉପରେ ରାଗିଥାନ୍ତି ଜୟା। ଏବେ ସେ ରାଜ୍ୟ ସଭା ଅଧ୍ୟକ୍ଷ ତଥା ଉପରାଷ୍ଟ୍ରପତି ଜଗଦୀପ ଧନଖରଙ୍କୁ ଆଙ୍ଗୁଠି ଦେଖାଇ ଚର୍ଚ୍ଚାକୁ ଆସିଛନ୍ତି। ଏହାର ଭିଡିଓ ମଧ୍ୟ ଭାଇରାଲ ହୋଇଛି।
ଟୁଇଟର୍ରେ ଲୋକମାନେ ସମାଜବାଦୀ ପାର୍ଟି ଏମ୍ପି ଜୟାଙ୍କ ଏହି ଆଚରଣକୁ ସମାଲୋଚନା କରୁଛନ୍ତି। ଏହି ଭାଇରାଲ ଭିଡିଓ ଫେବୃଆରୀ ୯ରେ ରାଜ୍ୟ ସଭା ପ୍ରକ୍ରିୟାର ବୋଲି ଜଣାପଡିଛି। ଆଦାନୀ ପ୍ରସଙ୍ଗକୁ ନେଇ ସଂସଦରେ ଉତ୍ତେଜନା ମଧ୍ୟରେ କଂଗ୍ରେସ ରାଜ୍ୟ ସଭା ଏମ୍ପି ରଜନୀ ପାଟିଲ ବାଚସ୍ପତିଙ୍କ ନିର୍ଦ୍ଦେଶ ଉଲ୍ଲଂଘନ ପାଇଁ ନିଲମ୍ବିତ ହୋଇଥିଲେ। ଜୟା ବଚ୍ଚନ କଂଗ୍ରେସ ଏମ୍ପିଙ୍କୁ ସମର୍ଥନ ଜଣାଇ କହିଛନ୍ତି. ତାଙ୍କୁ ତାଙ୍କ ସ୍ପଷ୍ଟୀକରଣ ଉପସ୍ଥାପନ କରିବାର ସୁଯୋଗ ମଧ୍ୟ ଦିଆଯାଇ ନାହିଁ। ଏହି ସମୟରେ ଜୟା ବଚ୍ଚନ ମଧ୍ୟ ଅଧ୍ୟକ୍ଷଙ୍କୁ ଆଙ୍ଗୁଠି ଦେଖାଇଥିଲେ।
ଗୃହର କ୍ଲିପ ଭାଇରାଲ ହେବା ପରେ ୟୁଜର୍ସ ଜୟାଙ୍କୁ ସମାଲୋଚନା କରିଛନ୍ତି। ଜଣେ ୟୁଜର୍ସ ତାଙ୍କୂ ଅହଂକାରୀ ବୋଲି କହିଛନ୍ତି।
