ଲଡ୍ସ,୨୪।୮: ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଉଥିବା ପାଞ୍ଚ ଟେଷ୍ଟ ସିରିଜର ତୃତୀୟ ମ୍ୟାଚ ହେଡିଙ୍ଗଲେରେ ଖେଳାଯିବ। ଉଭୟ ଦଳ ମଧ୍ୟରେ ଏହି ଟେଷ୍ଟ ଅଗଷ୍ଟ ୨୫ରୁ ଅର୍ଥାତ୍ ଆଜିଠୁ ଆରମ୍ଭ ହେବ। ଇଂଲଣ୍ଡ ଦଳ ବିପକ୍ଷ ତୃତୀୟ ମ୍ୟାଚ ଟିମ ଇଣ୍ଡିଆର ଦ୍ରୁତ ବୋଲର ଜଶପ୍ରୀତ ବୁମ୍ରାଙ୍କ ପାଇଁ ସ୍ବତନ୍ତ୍ର। ସେ ଏହି ମ୍ୟାଚରେ ଭାରତ ଲାଗିଦ୍ରୁତତମ ୧୦୦ ଉଇକେଟ ପାଇଁ ରେକର୍ଡ ସୃଷ୍ଟି କରିବାର ସୁଯୋଗ ରହିଛି। ଯଦି ବୁମରା ଏହା କରିବାରେ ସଫଳ ହୁଅନ୍ତି, ତେବେ ସେ ପୂର୍ବତନ ଅଧିନାୟକ ତଥା କିମ୍ବଦନ୍ତୀ ଅଲରାଉଣ୍ଡର କପିଲ ଦେବଙ୍କୁ ପଛରେ ପକାଇ ଦେବେ।
ବୁମ୍ରା ଏବେ ଭଲ ଫର୍ମରେ ଅଛନ୍ତି ଏବଂ ସେ ୨୨ଟି ମ୍ୟାଚରେ ୯୫ ଉଇକେଟ ନେଇଛନ୍ତି। ହେଡିଙ୍ଗଲେରେ ଖେଳାଯିବାକୁ ଥିବା ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟରେ ସେ ନିଜର ଫର୍ମ ବଜାୟ ରଖିବାକୁ ଚେଷ୍ଟା କରିବେ। ୧୯୮୩ ମସିହାରେ ଭାରତ ପାଇଁ ବିଶ୍ୱକପ ଜିତିଥିବା ଅଧିନାୟକ କପିଲ ଦେବ ୨୫ଟି ଟେଷ୍ଟ ମ୍ୟାଚରେ ଏହି ସଫଳତା ହାସଲ କରିଥିଲେ। ଯଦି ବୁମରା ଏହି ସଫଳତା ହାସଲ କରନ୍ତି, ତେବେ ସେ ଭେଙ୍କଟେଶ ପ୍ରସାଦଙ୍କ ୯୫ ଉଇକେଟ ଏବଂ ମନୋଜ ପ୍ରଭାକରଙ୍କ ୯୬ ଟେଷ୍ଟ ଉଇକେଟ ମଧ୍ୟ ଅତିକ୍ରମ କରିବେ। ଲର୍ଡସରେ ଇଂଲଣ୍ଡ ବିପକ୍ଷରେ ଖେଳାଯାଇଥିବା ଦ୍ୱିତୀୟ ଟେଷ୍ଟ ମ୍ୟାଚ ବୁମ୍ରାଙ୍କ ପାଇଁ ବହୁତ ଭଲ ଥିଲା। ଏହି ମ୍ୟାଚ୍ରେ ସେ କେବଳ ବୋଲିଂରେ ଭଲ କରି ନ ଥିଲେ, ବରଂ ବ୍ୟାଟିଂରେ ମଧ୍ୟ ଦମଦାର ପ୍ରଦର୍ଶନ କରିଥିଲେ।
