କାନପୁର,୩।୪: ଭାରତରେ କରୋନାର ଦୋହରା ସଂକ୍ରମଣ ଆରମ୍ଭ ହୋଇଛି। ସୁରକ୍ଷାକୁ ଦୃଷ୍ଟିରେ ରଖି ସାର୍ବଜନୀକ ଟିକାକରଣ ଅଭିଯାନ ମଧ୍ୟ ଜାରି ରହିଛି। ତେବେ ଉତ୍ତରପ୍ରଦେଶ ଲକ୍ଷ୍ନୌର ଦେହାତ ଅଞ୍ଚଳରେ ଜଣେ ଏଏନ୍ଏମ୍ ମୋବାଇଲ୍ରେ ଗପୁଥିବା ସମୟରେ ଭୁଲରେ ୨ ଥର କରୋନା ଟିକା ଦେଇଛନ୍ତି। କମଳେଶ ଦେବୀ ନାମକ ଜଣେ ମହିଳାଙ୍କୁ ଥରେ ନୁହେଁ ଦୁଇଥର ଟିକା ଦିଆଯାଇଛି। ପ୍ରଥମେ ଏଏନ୍ଏମ୍ ମୋବାଇଲ୍ ଗପିଗପି ଟିା ଦେଇଥିଲେ। କମଳେଶ ସେଠାରେ ବସି ରହିଥିଲେ। ଏଏନ୍ଏମ୍ ତାଙ୍କୁ ସେଠାରୁ ଯିବାକୁ କହି ନ ଥିଲେ। ଏହାର କିଛି ସମୟ ପରେ ସେ ପୁଣି କମଳେଶଙ୍କୁ ଟିକା ଦେଇଥିଲେ। କମଳେଶ ଟିକା ପୂର୍ବରୁ ନେଇଥିବା କହିବାରୁ ଏଏନ୍ଏମ୍ ବିରକ୍ତ ହୋଇ କାହିଁକି ବସି ରହିଥିଲ ବୋଲି ପ୍ରଶ୍ନ କରିଥିଲେ। ଏହାପରେ ଏଏନ୍ଏମ୍ ଭୁଲରେ ଏଭଳି କରିଥିବା ସ୍ବୀକାର କରିଥିଲେ। ତେବେ ଘଟଣା ଜଣାପଡ଼ିବା ପରେ କମଳେ୍Sଙ୍କପରିବାର ସଦସ୍ୟ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚି ହଙ୍ଗାମା କରିଥିଲେ। ଘଟଣା ସମ୍ପର୍କରେ ସିଏମ୍ଓ ରାଜେଶ କୁମାରଙ୍କୁ ଅବଗତ କରାଯାଇଛି। ଜଣଙ୍କୁ ଦୁଇଥର ଟିକା ଦିଆଯିବା ଏକ ବଡ଼ ଧରଣର ଦାୟିତ୍ୱହୀନତା ବୋଲି ସେ କହିଛନ୍ତି। ସେ ଏହାର ତଦନ୍ତ ନିର୍ଦ୍ଦେଶ ଦେଇଛନ୍ତି। ଏବେ କମଳେଶ ସୁସ୍ଥ ଥିବା ତାଙ୍କ ପରିବାର ପକ୍ଷରୁ ସୂଚନା ଦିଆଯାଇଛି। ତେବେ ତାଙ୍କ ସ୍ବାସ୍ଥ୍ୟାବସ୍ଥା ଉପରେ ତୀକ୍ଷ୍ଣ ନଜର ରଖାଯାଇଛି।
