ଇସଲାମାବାଦ,୮ା୧୦: ପାକିସ୍ତାନ ସେନା ମୁଖ୍ୟ ଜେନେରାଲ କମର ଜାଭେଦ ବାଜଓ୍ବା ଶନିବାର ଏକ ବଡ଼ ଚେତାବନୀ ଦେଇଛନ୍ତି। ସେ କହିଛନ୍ତି, ସ୍ଥିତି ବଦଳାଇବା ଖର୍ଚ୍ଚ ଆମ ସମସ୍ତଙ୍କ ପାଇଁ ବିପଦପୂର୍ଣ୍ଣ ହେବ। ଏହା ସହିତ ବାଜୱା ଆଞ୍ଚଳିକ ଶାନ୍ତିର ଆବଶ୍ୟକତା ଉପରେ ଗୁରୁତ୍ୱାରୋପ କରିଛନ୍ତି। ଦେଶ ମଧ୍ୟରେ ଶାନ୍ତିପୂର୍ଣ୍ଣ ଭାବେ ସମସ୍ତ ଦ୍ୱିପାକ୍ଷିକ ସମସ୍ୟାର ସମାଧାନ ପାଇଁ ଏକ କୌଶଳ ପ୍ରସ୍ତୁତ କରିବା ଆବଶ୍ୟକ ବୋଲି ସେ କହିଛନ୍ତି।
ତେବେ ବାଜଓ୍ବା କୌଣସି ଦେଶର ନାମ ନେଇନାହାନ୍ତି। ୬୧ ବର୍ଷୀୟ ପାକିସ୍ତାନୀ ସେନା ମୁଖ୍ୟ ଆଞ୍ଚଳିକ ଶାନ୍ତିର ଆବଶ୍ୟକତା ଏବଂ ସମସ୍ତ ଦ୍ୱିପାକ୍ଷିକ ସମସ୍ୟାର ଶାନ୍ତିପୂର୍ଣ୍ଣ ଭାବେ ସମାଧାନ ପାଇଁ ଏକ ତନ୍ତ୍ର ବିକାଶର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। କୌଶଳ ବିକାଶ କରି ଶାନ୍ତି ଫେରାଇ ଆଣିବା ପାଇଁ ଆମକୁ ଏକ ସୁଯୋଗ ଦେବା ଉଚିତ ବୋଲି ସେ କହିଛନ୍ତି।
ବାଜଓ୍ବା ପାକିସ୍ତାନର କାକୁଲରେ ଏକ ପ୍ରତିଷ୍ଠିତ ପାକିସ୍ତାନୀ ମିଲିଟାରୀ ଏକାଡେମୀକୁ ସମ୍ବୋଧିତ କରି ଏହି କଥା କହିଛନ୍ତି। ସେ ନଭେମ୍ବର ଶେଷରେ ଅବସର ନେବାକୁ ଯାଉଛନ୍ତି।
