ଦାଦନ ଖଟୁଛନ୍ତି ନଗଡ଼ା ଶିଶୁ

ଯାଜପୁର/କାଳିଆପାଣି (ହର୍ଷବର୍ଦ୍ଧନ ବେହେରା/ଅସିତ ମହାନ୍ତ),୭ା୫:ଯାଜପୁର ଜିଲା ସୁକିନ୍ଦା ବ୍ଲକ ଚିଙ୍ଗୁଡିପାଳ ପଞ୍ଚାୟତ ନଗଡ଼ା ଗ୍ରାମରେ ୨୦୧୬ରେ ଅପପୃଷ୍ଟିରୁ ଶିଶୁ ମୃତ୍ୟୁ ଘଟଣା ଅନ୍ତର୍ଜାତୀୟ ଖବର ପାଲଟିଥିଲା। ଏହାପରେ ରାଜ୍ୟ ସରକାରଙ୍କ ପକ୍ଷରୁ ଏକାଧିକ ଯୋଜନା ନଗଡ଼ାରେ କରାଯାଇଥିଲା। ପ୍ରାୟ ୨୩ କୋଟି ଟଙ୍କା ବିନିଯୋଗରେ ରାସ୍ତା, ପାଣି, ବିଜୁଳି ଆଦି କ୍ଷେତ୍ରରେ ବିକାଶ ଉଦ୍ୟମ ହୋଇଥିଲା। ହେଲେ ନଗଡ଼ାବାସୀଙ୍କ ଆର୍ଥିକସ୍ଥିତିରେ କୌଣସି ପରିବର୍ତ୍ତନ ଆସିନାହିଁ। ଫଳରେ ନଗଡ଼ାର ଶିଶୁମାନେ ଏବେ ଦାଦନ ଖଟିବାକୁ ଜିଲା ବାହାରକୁ ଯାଇଥିବା ଜଣାପଡିଛି। ଜଣେ ନାବାଳକ କୌଶଳକ୍ରମେ ସେଠାରୁ ଖସି ଆସିବାରେ ଏହା ଜଣାପଡ଼ିଛି। ପ୍ରତି ୫ ବର୍ଷରେ ସାଧାରଣ ନିର୍ବାଚନ ହେଉଥିଲେ ହେଁ ସୁକିନ୍ଦା ବ୍ଲକର ଆଦିବାସୀ ବହୁଳ ଅଞ୍ଚଳର ସ୍ଥିତି ବଦଳେ ନାହିଁ ବୋଲି ଏହି ଦାଦନ ଘଟଣାରୁ ସ୍ପଷ୍ଟ ହେଉଛି।
ସୁକିନ୍ଦା ଖଣି ସମୃଦ୍ଧ ହୋଇଥିବାବେଳେ ଏହାର ଅଧିବାସୀ ଅଭାବ ଅନଟନରେ କାଳାତିପାତ କରୁଛନ୍ତି। ଖଣିରେ ଯାନ୍ତ୍ରିକ ବ୍ୟବହାରକୁ ଅଧିକ ପ୍ରାଧାନ୍ୟ ଦିଆଯାଇଥିବାରୁ ଖଣି ପ୍ରଭାବିତ ଅଞ୍ଚଳବାସୀ ସେଠାରେ ରୋଜଗାର ପାଉନାହାନ୍ତି। ଏହାସହ ରାଜ୍ୟ ବାହାର ଠିକାସଂସ୍ଥା ଜରିଆରେ ଅଣଓଡ଼ିଆମାନଙ୍କୁ ଅଧିକ ନିଯୁକ୍ତି ମିଳୁଛି। ଏଥିଯୋଗୁ ସୁକିନ୍ଦାର ଗରିବ ପରିବାରର ମୁରବିମାନେ ରାଜ୍ୟ ବାହାରକୁ ଦାଦନ ଖଟିଯିବାକୁ ବାଧ୍ୟ ହେଉଛନ୍ତି। ସେମାନଙ୍କ ସହିତ ଶିଶୁମାନେ ମଧ୍ୟ ବାଧ୍ୟ ହେଉଛନ୍ତି। ଫଳରେ ସେମାନଙ୍କ ଭବିଷ୍ୟତ ଧୂଳିସାତ ହୋଇଯାଉଛି। ମିଳିଥିବା ସୂଚନା ଅନୁସାରେ ନଗଡ଼ାରେ ଗତ ୯ ବର୍ଷ ମଧ୍ୟରେ ପ୍ରାୟ ୧୦୦ କୋଟିରୁ ଊର୍ଦ୍ଧ୍ୱ ଟଙ୍କା ବିକାଶ ନାମରେ ଖର୍ଚ୍ଚ କରାଯାଇଛି। ହେଲେ ବାସ୍ତବ ପକ୍ଷେ ଏଠାକାର ଜୁଆଙ୍ଗ ଆଦିବାସୀଙ୍କ ଜୀବନଶୈଳୀରେ କୌଣସି ପରିବର୍ତ୍ତନ ହୋଇପାରିନାହିଁ। ରହିବା ପାଇଁ ପକ୍କାଘର, ବିଜୁଳି, ଆଲୋକ ଏବଂ ପିଇବା ପାଣିର ବ୍ୟବସ୍ଥା ସୁନିଶ୍ଚିତ ହୋଇଛି ସତ, ହେଲେ ନିଜର ପରମ୍ପରାଗତ ବୃତ୍ତିକୁ ସେମାନେ ହରାଇ ବସିଛନ୍ତି। ଜଙ୍ଗଲଜାତ ଦ୍ରବ୍ୟକୁ ସାହାରା କରି ବଞ୍ଚିଆସୁଥିବା ଜୁଆଙ୍ଗ ଲୋକଙ୍କୁ ଆଜି ରୋଜଗାର ପାଇଁ ବାରଦୁଆର ହେବାକୁ ପଡୁଛି। ସରକାରଙ୍କ ପକ୍ଷରୁ ଚାଉଳ ଗଣ୍ଡାକ ମିଳୁଛି ସତ, ହେଲେ ଭାତ ସହିତ କେବଳ ଲୁଣ ବ୍ୟତୀତ ଅନ୍ୟ କିଛି ସେମାନଙ୍କୁ ମିଳୁନି। ମୁଗ, ବିରି, କୋଳଥ, ମାଣ୍ଡିଆ ଇତ୍ୟାଦି ପ୍ରଧାନ ଖାଦ୍ୟକୁ ସେମାନେ ଭୁଲି ଭୁଲିଗଲେଣି। ଦିନଥିଲା ଏ ସବୁ ଚାଷ କରି ଏହି ଉତ୍ପାଦଗୁଡ଼ିକୁ ବଦଳକରି ବା ବିକ୍ରିକରି ସେମାନେ ବର୍ଷକ ପାଇଁ ତେଲ ଲୁଣ ସଂଗ୍ରହ କରୁଥିଲେ। ଏବେ ନିଜର ଦୈନନ୍ଦିନ ତେଲ ଲୁଣ ଏବଂ ପୋଷାକ ନିମନ୍ତେ ସେମାନେ ନିଜ ଅଞ୍ଚଳ ଛାଡି ଅନ୍ୟତ୍ର ରୋଜଗାର ସନ୍ଧାନରେ ଯିବାକୁ ବାଧ୍ୟ ହୋଇଛନ୍ତି। ଖବର ଅନୁଯାୟୀ ନଗଡ଼ାର ତିନୋଟି ସାହି ତଳ ନଗଡ଼ା, ମଝି ନଗଡ଼ା ଆଉ ଉପର ନଗଡ଼ାରୁ ପ୍ରାୟ ୨୮ ଜଣ ଶିଶୁ ଶ୍ରମିକ ଜିଲା ବାହାରକୁ ଯାଇ ବାଲେଶ୍ୱର ଓ ଭୁବନେଶ୍ୱର ଅଞ୍ଚଳର ଏକ ମାଛ ଫ୍ୟାକ୍ଟ୍ରିରେ ନିୟୋଜିତ ଅଛନ୍ତି। ଏ ଅଞ୍ଚଳରେ ସକ୍ରିୟ ଥିବା ଦଲାଲଙ୍କ ପ୍ରଲୋଭନରେ ପଡି ସେଠାରେ ଦିନକୁ ୧୨ ଘଣ୍ଟା ଖଟିବାକୁ ବାଧ୍ୟ ହେଉଛନ୍ତି। ଜଣେ ଶିଶୁଙ୍କ ଅଭିଭାବକ ବାଟ ପ୍ରଧାନ କୁହନ୍ତି, ନଗଡ଼ାର ତିନୋଟି ସାହିର ପ୍ରାୟ ୨୮ ଜଣ ଯୁବତୀଯୁବକ ଉକ୍ତ ଜାଗାରେ କାମ କରୁଛନ୍ତି । ଏମାନଙ୍କ ମଧ୍ୟରୁ ଅଧିକାଂଶ ନାବାଳିକା ନାବାଳକ ଅଛନ୍ତି l ଜଣେ ନାବାଳକଙ୍କ କହିବା ମୁତାବକ, ତାଙ୍କୁ ଏବଂ ତାଙ୍କ ସାଙ୍ଗମାନଙ୍କୁ ଦଲାଲ ଜଣକ ମାସକୁ ୭ ହଜାର ଟଙ୍କା ଦରମା ଦେବାକୁ କହି କାମ କରିବାକୁ ନେଇଛନ୍ତି। ଦୁଇମାସ ଦୈନିକ ୧୨ ଘଣ୍ଟା ଖଟେଇବା ପରେ ତାଙ୍କୁ କେବଳ ଦିନକୁ ୩ ଥର ଖାଇବାକୁ ଦେଉଥିଲେ ଏବଂ ଦରମା ମାଗିବାରୁ ୨ ମାସର ମାତ୍ର ୩ ହଜାର ଟଙ୍କା ଦେଇଥିଲେ। ତେଣୁ ସେ ଏବଂ ତାଙ୍କ ଅନ୍ୟ ଜଣେ ସାଙ୍ଗ କାମ ଛାଡ଼ି ସେଠାରୁ ପଳେଇ ଆସିଛନ୍ତି l ତେବେ ସେ ଆଶଙ୍କା ପ୍ରକାଶ କରିଛନ୍ତି ଯେ, ଅନ୍ୟ ପିଲାମାନଙ୍କୁ ମଧ୍ୟ ଠିକ ସେଇ ପରିଣାମ ଭୋଗିବାକୁ ପଡ଼ୁଥିବ l ଏ ସଂକ୍ରାନ୍ତରେ ସୁକିନ୍ଦା ବିଡିଓ ଅଭିଷେକ ସ୍ବାଇଁଙ୍କ ମତାମତ ନେବାକୁ ତାଙ୍କ ମୋବାଇଲକୁ ଯୋଗାଯୋଗ କରାଯାଇଥିଲେ ହେଁ ସେ ଫୋନ୍‌ କଲ୍‌ ଗ୍ରହଣ କରି ନ ଥିଲେ।


Enter your email to get our daily news in your inbox.

All Right Reserved By Dharitri.Com

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?