ଲକ୍ଷ୍ନୌ,୮।୬ : ପୁଣିଥରେ ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂ ରାୱତ ଏକ ବିବାଦୀୟ ବିବୃତ୍ତି ଦେଇଛନ୍ତି। ତ୍ରିବେନ୍ଦ୍ର ସିଂ ରାୱତ ଜାତିର ପିତା ମହାତ୍ମା ଗାନ୍ଧୀଙ୍କ ହତ୍ୟାକାରୀ ନାଥୁରାମ ଗୋଡସେଙ୍କୁ ଦେଶଭକ୍ତ ବୋଲି କହିଛନ୍ତି। ଯେ ପର୍ଯ୍ୟନ୍ତ ମୁଁ ଗଡସେଙ୍କୁ ଜାଣିଛି ଏବଂ ତାଙ୍କ ବିଷୟରେ ପଢ଼ିଛି. ସେ ମଧ୍ୟ ଜଣେ ଦେଶପ୍ରେମୀ। ଗାନ୍ଧିଜୀଙ୍କ ହତ୍ୟାରେ ଆମେ ସହମତ ନୁହଁ।
ଉତ୍ତରପ୍ରଦେଶର ବାଲିଆସ୍ଥିତ ଦଳର ଜିଲା ମୁଖ୍ୟାଳୟରେ ଖବରଦାତାମାନଙ୍କ ସହ ଆଲୋଚନା ସମୟରେ ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ କଡ଼ା ସମାଲୋଚନା କରିଛନ୍ତି। ରାହୁଲଙ୍କୁ ପରିହାସ କରି ରାୱତ କହିଛନ୍ତି ସେ କେବଳ ଗାନ୍ଧୀ ଉପନାମ ରଖିଛନ୍ତି। ମହାତ୍ମାଙ୍କ ଆଦର୍ଶ କେବଳ ଗାନ୍ଧୀ ଉପନାମରେ ରଖିଲେ ହୋଇପାରିବ ନାହିଁ। ତାଙ୍କ ମଧ୍ୟରେ ଗାନ୍ଧୀଙ୍କ ଚିନ୍ତାଧାରା ଆସିବା ଭାବିବା ସମ୍ପୂର୍ଣ୍ଣ ଭୁଲ।
ସେ କହିଛନ୍ତି ପଇତାକୁ ବାହାରେ ଝୁଲାଇ ରଖିଲେ ତାଙ୍କର ପରିଚୟ ପରିବର୍ତ୍ତନ କରାଯାଇପାରିବ ନାହିଁ। ରାହୁଲ କେବଳ ବଡ଼ ବଡ଼ କଥା କୁହନ୍ତି। ଗାନ୍ଧୀଙ୍କ ନାମରେ ସେ ଫାଇଦା ପାଇବାର ପ୍ରୟାସ କରୁଛନ୍ତି।
ରାହୁଲ ଗାନ୍ଧୀ ନିକଟରେ ଆମେରିକାରେ ଦେଇଥିବା ବିବୃତ୍ତି ଉପରେ ପ୍ରତିକ୍ରିୟା ଦେଇ ରାୱତ କହିଛନ୍ତି କଂଗ୍ରେସ ନେତାଙ୍କ ଉଦ୍ୟମ ଦଳ ପାଇଁ ଲାଭଦାୟକ ହେବ ନାହିଁ ଏବଂ ଖୁବ ଶୀଘ୍ର ଏହା ଅତୀତ ଦିନ ଭଳି ଫଳ ପାଇବ। ରାହୁଲ ଗାନ୍ଧୀ ତାଙ୍କ ଦଳର ଖରାପ ଅବସ୍ଥା ଦେଖି ନିରାଶ ହୋଇ ଏଭଳି କହୁଛନ୍ତି। ସେ ମାନସିକ ଚାପରେ କହୁଛନ୍ତି। ମାନସିକ ଚାପ ଦେଇ ଗତି କରୁଥିବା ବ୍ୟକ୍ତିଙ୍କୁ ଜନସାଧାରଣ ଗ୍ରହଣ କରିବେ ନାହିଁ।
ସମାଜବାଦୀ ପାର୍ଟି (ଏସପି) ଜାତୀୟ ସଭାପତି ଅଖିଳେଶ ଯାଦବଙ୍କ ସହ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେନଜରିୱାଲଙ୍କ ସହ ବୈଠକରେ ନେଇ ରାୱତ କହିଛନ୍ତି ଦେଶରେ କେଜରିୱାଲଙ୍କ ଭଳି ଅଭିନୟ କରୁଥିବା ନେତା କେହି ନାହାନ୍ତି।
ଅଖିଳେଶ ଯାଦବ ତାଙ୍କଠାରୁ ନାଟକ ଶିକ୍ଷା କରିବାକୁ ଚାହୁଁଛନ୍ତି। ସମାଜବାଦୀ ପାର୍ଟିର ମିଥ୍ୟା ମୁଖା ସହିତ ଜନସାଧାରଣ ପରିଚିତ। ସମାଜବାଦୀ ପାର୍ଟି ତାଙ୍କ ଶାସନ କାଳରେ ୟୁପିକୁ ଗୁଣ୍ଡା ରାଜରେ ପରିଣତ କରିବା କାମ କରିଛି। ଏସପି ମାଫିଆଙ୍କୁ ଏହାର କ୍ୟାଡର କରିଥିଲା ଏବଂ ପରେ ମାଫିଆଙ୍କୁ ସମ୍ମାନଜନକ କରିଥିଲା। ଆଗାମୀ ସମୟରେ ରାଜ୍ୟର ଜନସାଧାରଣ ପୁଣିଥରେ ସମାଜବାଦୀ ପାର୍ଟିକୁ ପ୍ରତ୍ୟାଖ୍ୟାନ କରିବେ।
