ନୂଆଦିଲ୍ଲୀ,୫।୧୦: ଜାମିନ ଆବେଦନ ଖାରଜ ସମୟରେ ଅପରାଧୀଙ୍କ ଅପରାଧର ଗମ୍ଭୀରତା ଉପରେ ବିଚାର କରିବା ଜରୁରୀ। ଏନେଇ ସୁପ୍ରିମ୍କୋର୍ଟଙ୍କ ପକ୍ଷରୁ ରାଜ୍ୟ ସରକାରଙ୍କୁ ପରାମର୍ଶ ଦିଆଯାଇଛି। ଏହା ଅପରାଧୀଙ୍କ ଆଚରଣ ଏବଂ ଏହା ଦ୍ୱାରା ସମାଜ ଉପରେ ପଡୁଥିବା ପ୍ରଭାବକୁ ମଧ୍ୟ ଧ୍ୟାନରେ ରଖିବା ଆବଶ୍ୟକ ବୋଲି ଶୀର୍ଷକୋର୍ଟ କହିଛନ୍ତି।
ଜାମିନ ଆବେଦନ ଖାରଜ କରିବା ସମୟରେ ଯୁକ୍ତିଯୁକ୍ତ ଏବଂ ଅପରିହାର୍ଯ୍ୟ କାରଣକୁ ବିଚାର ପରିସର ଭୁକ୍ତ କରିବା ଉପରେ କୋର୍ଟ ଗୁରୁତ୍ୱାରୋପ କରିଛନ୍ତି। ଏକ ମାମଲାର ବିଚାର କରି ସୁପ୍ରିମ୍କୋର୍ଟ ପ୍ରଧାନ ବିଚାରପତି ଏନ୍.ଭି. ରମନା, ବିଚାରପତି ସୂର୍ଯ୍ୟକାନ୍ତ ଏବଂ ହିମା ଖୋଲିଙ୍କ ନେତୃତ୍ୱରେ ଗଠିତ ଖଣ୍ଡପୀଠ ଏଭଳି କହିଛନ୍ତି।
ଖଣ୍ଡପୀଠ ବିପିନ କୁମାର ଧୀରଙ୍କ ଦ୍ୱାରା ଦାଖଲ ହୋଇଥିବା ଏକ ଆବେଦନର ବିଚାର କରି ଏଭଳି କହିଛନ୍ତି। ପଞ୍ଜାବ ଏବଂ ହରିୟାଣା ହାଇକୋର୍ଟ ଦ୍ୱାରା ଏକ ଯୌତୁକ ହତ୍ୟା ମାମଲାରେ ମୃତ ମହିଳାଙ୍କ ଶାଶୁଙ୍କୁ ଆଗୁଆ ଜାମିନ ପ୍ରଦାନ କରାଯିବା ନେଇ ସୁପ୍ରିମ୍କୋର୍ଟରେ ଆବେଦନ କରାଯାଇଛି।
