ମହିଳାଙ୍କୁ ସ୍ବାବଲମ୍ବୀ କରିବାର ଲକ୍ଷ୍ୟ

ସ୍ବାବଲମ୍ବୀ ହେବାକୁ ତାଙ୍କ ଭିତରେ ଥିଲା ଆତ୍ମବିଶ୍ୱାସ। ତେଣୁ ଘର କଣରେ ବସି ନ ରହି ନିଜ ସ୍ବପ୍ନକୁ ସାକାର କରିବାକୁ ସେ ଅଣ୍ଟା ଭିଡ଼ିଲେ। ଆଉ ନିଜ ସହ ୫ ହଜାରରୁ ଊର୍ଦ୍ଧ୍ୱ ମହିଳାଙ୍କୁ ସ୍ବାବଲମ୍ବୀ କରାଇ ସମାଜରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଲେ। ସେ ହେଉଛନ୍ତି ଗୋପ ବ୍ଲକ ଅଧୀନ ଗଣେଶ୍ୱରପୁର ପଞ୍ଚାୟତ ଅନ୍ତର୍ଗତ ସୁବର୍ଣ୍ଣପୁର ଗ୍ରାମର ମିନାକ୍ଷୀ ପୁଷ୍ଟି । ୨୦୦୧ ମସିହାରେ ମିନାକ୍ଷୀ ମାତ୍ର କେତେ ଜଣ ମହିଳାଙ୍କୁ ନେଇ ମା’ ଭଗବତୀ ସ୍ବୟଂ ସହାୟକ ଗୋଷ୍ଠୀ ଗଠନ କରିଥିଲେ । ପରେ ଧାରକରଜ କରି ଗୋଟିଏ ସିଲେଇ ମେଶିନ ଆଣି ଅଳ୍ପ କିଛି କାମ ଆରମ୍ଭ କରିଥିଲେ। ପ୍ରଥମେ ରୋଜଗାର ହୋଇଥିବା ଅଳ୍ପ କେଇ ଟଙ୍କା ତାଙ୍କୁ ଆଗକୁ ବଢ଼ିବାର ଉତ୍କଣ୍ଠା ବଢ଼ାଇଲା। ସେବେଠୁ ସେ ଆଉ ପଛକୁ ଫେରି ଚାହିଁ ନାହାନ୍ତି। ଦୀର୍ଘ ୨୦ବର୍ଷ ଅକ୍ଳାନ୍ତ ପରିଶ୍ରମ ଦ୍ୱାରା ସେ ଆଜି ଆଉ କେବଳ ନିଜ ଗାଁରେ ସୀମିତ ହୋଇ ରହି ନାହାନ୍ତି ବରଂ ରାଜ୍ୟ ସହିତ ଦେଶର ବିଭିନ୍ନ ସ୍ଥାନରେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ସେ ମହିଳାମାନଙ୍କୁ ସ୍ବାବଲମ୍ବୀ କରିବା ଲାଗି ଟ୍ରେନିଂ ଦେଉଛନ୍ତି ଏବଂ ମହିଳାମାନଙ୍କୁ ସ୍ବାବଲମ୍ବୀ ହେବାର ବାଟ ଦେଖାଇପାରିଛନ୍ତି । ୨୦୦୧ ମସିହାରେ ମାତ୍ର ଗୋଟିଏ ସିଲେଇ ମେଶିନରୁ ନିଜର ଯାତ୍ରା ଆରମ୍ଭ କରିଥିବା ମିନାକ୍ଷୀ ବର୍ତ୍ତମାନ ୧୦୦ରୁ ଅଧିକ ସିଲେଇ ମେଶିନ କିଣି ଶତାଧିକ ମହିଳାଙ୍କୁ କାମ ଶିଖାଇ ପାରୁଛନ୍ତି । ଏହି ମହିଳାମାନେ ପ୍ରତ୍ୟେକ ଦିନ ୩ ଶହ ଟଙ୍କାରୁ ୪ ଶହ ଟଙ୍କା ରୋଜଗାର କରିପାରୁଛନ୍ତି । ତେବେ ବର୍ତ୍ତମାନ ସୁଦ୍ଧା ସେ ଗୋପ ବ୍ଲକ ଅଧୀନରେ ପ୍ରାୟ ୪ ହଜାରରୁ ଅଧିକ ସ୍ବୟଂ ସହାୟକ ଗୋଷ୍ଠୀ ସୃଷ୍ଟି କରିପାରିଥିବା ବେଳେ ୫ ହଜାରରୁ ଅଧିକ ମହିଳା ଓ ଯୁବତୀଙ୍କୁ ଆତ୍ମନିର୍ଭରଶୀଳ କରାଇପାରିଛନ୍ତି। ସେ ଗୋପ ବ୍ଲକ୍‌ ଏବଂ ପୁରୀ ଜିଲା ମହିଳା ମହାସଂଘର ସଭାପତି ଦାୟିତ୍ୱ ତୁଲାଉଛନ୍ତି। ସେତିକିରେ ଅଟକି ଯାଇ ନାହାନ୍ତି ମିନାକ୍ଷୀ। ପ୍ରଥମ କରି ରାଜ୍ୟ ସରକାରଙ୍କ ଦ୍ୱାରା ସେ ୨୦୧୨ ମସିହାରେ ଇଉରୋପ, ବେଲଜିଅମ ଦେଶ ସହିତ ଆଉ କେତେକ ଦେଶକୁ ଯାଇଥିବା ବେଳେ ୨୦୧୬ ମସିହାରେ ବ୍ୟାଙ୍ଗକକ୍‌, ପଟାୟା, ଇନ୍ଦୋର ଆଦି ଯାତ୍ରା କରିଥିବା ବେଳେ ୨୦୧୯ରେ ମଧ୍ୟ ଥାଇଲାଣ୍ଡ ସହିତ ଆଉ କେତେକ ଦେଶକୁ ଯାଇ ସେଠାକାର ମହିଳାଙ୍କୁ ସ୍ବାବଲମ୍ବୀ କରିବାରେ ସହଯୋଗ କରିପାରିଛନ୍ତି। ଆଉ ଏଥିପାଇଁ ଜିଲା, ରାଜ୍ୟ ଓ ବିଦେଶରେ ମଧ୍ୟ ଅନେକ ସଂସ୍ଥା ପକ୍ଷରୁ ସମ୍ମାନିତ ହୋଇଛନ୍ତି। ସେ କୁହନ୍ତି, ‘ଆଜିକାଲି ସମାଜରେ ମହିଳାମାନେ ନିହାତି ସ୍ବାବଲମ୍ବୀ ହେବା ଦରକାର। କାହିଁକି ନା ସେମାନେ ଆତ୍ମନିର୍ଭରଶୀଳ ହେଲେ ପରିବାର ଉପରେ ବୋଝ ହୋଇ ରହିବେ ନାହିଁ। ମୁଁ ଯେତେବେଳେ ମହିଳାମାନଙ୍କୁ ଆତ୍ମନିର୍ଭରଶୀଳ କରିବା ଲାଗି ଚିନ୍ତା କରିଥିଲି ସେ ସମୟରେ ସେମାନେ ଘରୁ ବାହାରକୁ ଆସି ପାରୁ ନ ଥିଲେ, ହେଲେ ଏବେ ତ ମହିଳାମାନଙ୍କୁ ପ୍ରତି କ୍ଷେତ୍ରରେ ଅଗ୍ରାଧିକାର ଦିଆଯାଉଛି। ତେଣୁ ଆଗକୁ ଅଧିକରୁ ଅଧିକ ମହିଳାଙ୍କୁ ରୋଜଗାରକ୍ଷମ କରିବାକୁ ଉଦ୍ୟମ ଜାରି ରଖିଥିବା ମିନାକ୍ଷୀ ନିଜ ସଫଳତା ପଛରେ ସ୍ବାମୀ ନିବାସ କୁମାର ପୃଷ୍ଟି ଏବଂ ପୁଅବୋହୁଙ୍କ ସମ୍ପୂର୍ଣ୍ଣ ସହଯୋଗ ଥିବା ପ୍ରକାଶ କରନ୍ତି।
– ଭାରତୀ ଭୂଷଣ ଉପାଧ୍ୟାୟ


Enter your email to get our daily news in your inbox.

All Right Reserved By Dharitri.Com

ବିବାହ ପୂର୍ବରୁ ଜାଣି ନିଅନ୍ତୁ ଏସବୁ, ନଚେତ୍‌…

ସୁଖମୟ ଦାମ୍ପତ୍ୟ ଜୀବନ ପାଇଁ ସ୍ତ୍ରୀ-ସ୍ବାମୀ ମଧ୍ୟରେ ସମନ୍ବୟ ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଚାଣକ୍ୟ ତାଙ୍କ ନୀତି ଶାସ୍ତ୍ରୀରେ ଜୀବନସାଥୀଙ୍କ ଅନେକ ଗୁଣ ବିଷୟରେ ଉଲ୍ଲେଖ...

କ୍ୟାନସର୍‌ ଦୂର କରେ କଲରା

ଅଧିକାଂଶ ଲୋକ କଲରା ଖାଇବାକୁ ପସନ୍ଦ କରି ନ ଥାନ୍ତି। କିନ୍ତୁ କଲରାର ଅନେକ ଉପକାରୀ ଗୁଣ ରହିଛି। ଏହାକୁ ଖାଇଲେ କିମ୍ବା ଏହାର ଜୁସ୍‌...

ଲଚ୍ଛା

ଆବଶ୍ୟକ ସାମଗ୍ରୀ : କାଜୁ, ପିସ୍ତାବାଦାମ, ଚେରି, କେଶର, ଗୁଜୁରାତି, ଚିନି, କ୍ଷୀର ଓ ଲଚ୍ଛା ପ୍ରସ୍ତୁତି ପ୍ରଣାଳୀ : ପ୍ରଥମେ ଆବଶ୍ୟକ ଅନୁଯାୟୀ କ୍ଷୀର...

ହୋମ୍‌ ମ୍ୟାନେଜର

କିଏ କହେ କଞ୍ଜୁସ୍‌ ତ କିଏ କହେ ମିତବ୍ୟୟୀ। କିନ୍ତୁ ସାମ୍ପ୍ରତିକ ବଜାର ସ୍ଥିତିକୁ ଦେଖି ଏବେ ସତର୍କ ହୋଇଛନ୍ତି ସେମାନେ। ଆବଶ୍ୟକତା ଦେଖି କିଣାକିଣି...

ଆଣ୍ଠୁ ଗଣ୍ଠି ଦରଜ ଦୂର କରେ ଲେମ୍ବୁ

ଅନେକ ଘରୋଇ ଉପଚାର ମାଧ୍ୟମରେ ବେଳେ ବେଳେ କିଛି ଜଟିଳ ସମସ୍ୟାରୁ ମୁକ୍ତି ମିଳିଥାଏ । ଏମିତି ଅନେକ ଲୋକ ଅଛନ୍ତି ଯେଉଁମାନେ ପ୍ରାୟ ପ୍ରତିଦିନ...

ସନ୍ଧ୍ୟାପରେ ଅଙ୍ଗୁର ଖାଇଲେ ସ୍ବାସ୍ଥ୍ୟ ଉପରେ ପଡ଼େ ଏହି ପ୍ରଭାବ …

ଅଙ୍ଗୁର ଖାଇବା ସ୍ବାସ୍ଥ୍ୟ ପାଇଁ ହିତକର। ଏହାକୁ ଦିନ ବେଳେ ଖାଦ୍ୟ ଖାଇ ସାରିବାର କିଛି ସମୟ ପରେ ଖାଇଲେ ସୁଫଳ ମିଳିଥାଏ। ଅଙ୍ଗୁରରେ ଟାରଟରିକ୍‌...

ସିକ୍ସ ପ୍ୟାକ୍‌ ନିଶାରେ କି…

ସାଧାରଣତଃ ଯୁବକମାନେ ସେମାନଙ୍କ ସ୍ବାସ୍ଥ୍ୟ ପ୍ରତି ସେତେଟା ସଚେତନ ନ ଥାନ୍ତି। ଅନେକ ସମୟରେ ଫିଟ୍‌ ରହିବା ସହ ସିକ୍ସ ପ୍ୟାକ୍‌ କରିବା ନିଶାରେ ସେମାନେ...

ଏହି ୪ ପ୍ରକୃତିର ଲୋକଙ୍କ ସହ ମିଶିଲେ ହୋଇଯିବେ ବରବାଦ: ବିଷଧର ସର୍ପଠାରୁ ବି ଏମାନେ ଭୟଙ୍କର

ଜଣେ ମହାନ ରାଜନେତା ଭାବରେ ବିବେଚିତ ହୋଇଥିବା ଆଚାର୍ଯ୍ୟ ଚାଣକ୍ୟ ତାଙ୍କ ନୀତିରେ ମନୁଷ୍ୟ ଜୀବନ ସହ ଜଡ଼ିତ ଅନେକ ବିଷୟରେ ଉଲ୍ଲେଖ କରିଛନ୍ତି। ସେଥିରୁ...

Advertisement
Archives

Model This Week