ବାହାନଗା, ୬ା୨(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକ କଲ୍ୟାଣୀ ସେବା ସମିତିରେ ଧାନକିଣାରେ ଅନିୟମିତତା ହୋଇଥିବା ଘଟଣା ପଦାକୁ ଆସିଛି। ଏନେଇ କେତେଜଣ ଚାଷୀ ବାଲେଶ୍ୱର ଜିଲାପାଳଙ୍କଠାରେ ଅଭିଯୋଗ କରିବା ପରେ ଜିଲାପାଳଙ୍କ ନିର୍ଦ୍ଦେଶ ଅନୁସାରେ ଶୁକ୍ରବାର ତଦନ୍ତ ଆରମ୍ଭ ହୋଇଛି ା
ଗତ ଗୁରୁବାର ଚାଷୀମାନେ ସମିତିରେ ତାଲା ପକାଇ ଧାରଣାରେ ବସିଥିଲେ। ଖବରପାଇ ଭଦ୍ରକ-ବାଲେଶ୍ୱର ସମବାୟ ବ୍ୟାଙ୍କ ଅଧିକାରୀମାନେ ପହଞ୍ଚି ସମସ୍ୟାର ସମାଧାନ ବିଷୟରେ ଆଲୋଚନା କରଥିଲେ। ଧାନ କିଣିବାକୁ ବାକିଥିବା ସମସ୍ତ ଚାଷୀଙ୍କ ପାଇଁ ଅଧିକ ୧୬ ଶହ କୁଇଣ୍ଟାଲ ଟାର୍ଗେଟ ଦେବା ପରେ ଧାରଣାରତ ଚାଷୀମାନେ ଧାରଣା ପ୍ରତ୍ୟାହାର କରିନେଇଥିଲେ। ମାତ୍ର ସେହି କଲ୍ୟାଣୀ ଗ୍ରାମର ଶତ୍ରୁଘ୍ନ ଦାସଙ୍କ ପୁଅ କରୁଣାକର ଦାସ, ବିଦ୍ୟାଧର ଦାସ, ସୁଧାକର ଦାସ ନିଜେ ଚାଷ କରୁଥିଲେ ମଧ୍ୟ ସେମାନେ ଧାନ ବିକ୍ରି କରିବା ପାଇଁ କେହି ନିଜ ତରଫରୁ ଅନଲାଇନରେ ଆବେଦନ କରି ନ ଥିଲେ। କଲ୍ୟାଣୀ ସେବା ସମବାୟ ସମିତିରେ ସେମାନେ ଧାନ ବିକ୍ରି କରି ନ ଥିବା ବେଳେ ସେମାନଙ୍କ ଜମିର କାଗଜପତ୍ର ଜାଲିଆତି କରି ଗ୍ରାମର ଅନ୍ୟ ଜଣେ ଚାଷୀ ନାମରେ ଅନଲାଇନ କରି ପଞ୍ଜିକୃତ କରାଯାଇଛି। ମାତ୍ର ତାଙ୍କ ପରିବାର ସଂଖ୍ୟ ଅଧିକ ଥିଲେ ମଧ୍ୟ ଯେଉଁ ଚାଷୀ ନାମରେ କାଗଜପତ୍ର ଜାଲିଆତି କରାଯାଇ ଧାନ ବିକ୍ରି କରାଯାଇଛି ତାଙ୍କ ପରିବାର ସଦସ୍ୟ ୧ ବୋଲି ଦର୍ଶାଯାଇଛି। ଏ ବିଷୟରେ ୩ ଚାଷୀ ଜାଣିବା ପରେ ଗତ ୧ତାରିଖରେ ବାଲେଶ୍ୱର ଜିଲାପାଳ କେ. ସୁର୍ଦଶନ ଚକ୍ରବର୍ତ୍ତୀଙ୍କଠାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପରେ ଜିଲାପାଳ ତଦନ୍ତ ପାଇଁ ବାଲେଶ୍ୱର ଡିଭିଜନ ସମବାୟ ସମିତିର ଡେପୁଟି ରେଜିଷ୍ଟ୍ରାରଙ୍କୁ ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ। ଜିଲାପାଳଙ୍କ ନିର୍ଦ୍ଦେଶ ଅନୁଯାୟୀ ଗତ ତା ୨ା୨ା୨୦୨୧ ରିଖ ଚିଠି ନମ୍ବର ୩୪୧ରେ ଶୁକ୍ରବାର ବାଲେଶ୍ୱର-ଭଦ୍ରକ କେନ୍ଦ୍ର ସମବାୟ ବ୍ୟାଙ୍କର ଉପନିବନ୍ଧକ (ଡେପୁଟି ରେଜିଷ୍ଟ୍ରର କୋପରେଟିଭ ସୋସାଇଟି) ପ୍ରଶାନ୍ତ କୁମାର ମହାନ୍ତି ତଦନ୍ତ କରିବାକୁ ଆସିଥିଲେ। ମାତ୍ର ପ୍ରଥମ ପର୍ଯ୍ୟାୟରେ ତଦନ୍ତ କରିଥିଲେ ମଧ୍ୟ ସମିତିରୁ ସେଭଳି କିଛି କାଗଜପତ୍ର ପାଇ ନ ଥିଲେ।
