ପାରଳାଖେମୁଣ୍ଡି,୧୩।୭(ଗିରିଧାରୀ ପରିଛା): ଗଜପତି ଜିଲା ମୋହନା ବ୍ଳକର ଚାନ୍ଦିପୁଟ ପଞ୍ଚାୟତରେ ସରକାରଙ୍କ ଖାଉଟି କଲ୍ୟାଣ ବିଭାଗ ତରଫରୁ ପ୍ରତି ହିତାଧିକାରୀମାନଙ୍କ କାର୍ଡ ପିଛା ୧.୭୫୦ ଗ୍ରାମ ମାଣ୍ଡିଆ ଯୋଗାଣ ବ୍ୟବସ୍ଥା କରାଯାଇଛି । ହେଲେ ଯୋଗାଣ ସହାୟକ ବଦ୍ରିନାଥ ନାୟକ ଜାଣିଶୁଣି ଅଖା ଓଜନ କାଟୁଥିବା କହି ଖାଉଟି ମାନଙ୍କୁ କାର୍ଡ ପିଛା ଆନୁମାନିକ ୧ କେଜିର ମାଣ୍ଡିଆ ଦେଉଥିଲେ । ଖାଉଟିମାନେ ବାହାରକୁ ଯାଇ ଅନ୍ୟ ଦୋକାନରେ ଓଜନ କରିବାରେ ୧.୨ କିଗ୍ରା ଥିବା ଜଣାପଡିଥିଲା । ଯାହାକୁ ନେଇ ଖାଉଟି ମାନଙ୍କ ମଧ୍ୟରେ ତୀବ୍ର ଜନ ଅସନ୍ତୋଷ ଦେଖିବାକୁ ମିଳିଥିଲା । ଏ ନେଇ ବ୍ଳକ ଯୋଗାଣ ଅଧିକାରୀଙ୍କୁ ସମସ୍ୟା ଜଣାଇବା ସହ ପଞ୍ଚାୟତରେ ଆସି ହୋହାଲ୍ଲା କରିଥିଲେ । ତେବେ ସେଠାରେ ଯୋଗାଣ ସହାୟକ ନିଜ ଭୁଲ ସ୍ବିକାର କରିବା ସହ ଯାନ୍ତ୍ରିକ ତୃଟି ଯୋଗୁ ଏଭଳି ଘିଟିଥିବା ପ୍ରକାଶ କରିଛନ୍ତି। ଏହା ସହ ଆସିଥିବା ହିତାଧିକାରୀଙ୍କୁ ୧.୨ କିଗ୍ରା ବଦଳରେ .୭୫୦ ଗ୍ରାମ ମାଣ୍ଡିଆ ବଣ୍ଟନ କରିଛନ୍ତିି । ଚାନ୍ଦିପୁଟ ଗ୍ରାମପଞ୍ଚାୟତର ସରକାରୀ ସୂଲଭ ମୂଲ୍ୟ ଦୋକାନରେ ପୁର୍ବରୁ ଅନେକ ଥର ଖାଦ୍ୟ ସାମଗ୍ରୀ ବଣ୍ଟନରେ ବ୍ୟାପକ ଅନିୟମିତା ହେଉଥିବା ଘଟଣା ନଜିର ରହିଛି। ତେବେ ପୁଣି ଏହି ଘଟଣା ଘଟିବା ପରେ ଜନସାଧାରଣ ପାଇଁ ଆସୁଥିବା ଖାଉଟି ସାମଗ୍ରୀକୁ ଅସାଧୁ ଉପାୟରେ ବାଟମାରଣା ହେଉଥିବା ପଦାରେ ପକାଉଛି । ଏନେଇ ହିତାଧିକାରୀମାନେ ଅସନ୍ତୋଷ ପ୍ରକଟ କରିବା ସହ ତଦନ୍ତ କରି ତୁରନ୍ତ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି।
ଅନ୍ୟ ପକ୍ଷରେ ପଞ୍ଚାୟତର ସୂଚନା ଫଳକରେ କୈାଣସି ମାର୍ଗଦର୍ଶିକା ମଧ୍ୟ ଉଲ୍ଲେଖ କରାଯାଉ ନ ଥିବା ଦେଖିବାକୁ ମିଳିଛି । ଯୋଗାଣ ସହାୟକ ଓ ବିଭାଗୀୟ ଅଧିକାରୀଙ୍କ ମିଳିତଭାବରେ ସରକାର ଖାଉଟି ସାମଗ୍ରୀ ବାଟମାରଣା ହେଉଥିବା ଠକାମୀର ଶିକାର ହୋଇଥିବା ଶିବରାମ ସାହୁଙ୍କ ସହ ଅନେକ ଖାଉଟି ଅଭିଯୋଗ କରିଛନ୍ତି।
