ନୂଆଦିଲ୍ଲୀ,୧୧।୩: ଇରାନ ଏବଂ ଇସ୍ରାଏଲ ମଧ୍ୟରେ ଚାଲିଥିବା ଯୁଦ୍ଧ ଦିନକୁ ଦିନ ଉଗ୍ର ହେବାରେ ଲାଗିଛି । ଏହି ସଂଘର୍ଷ ମଧ୍ୟରେ ଇରାନ ହୋର୍ମୁଜ୍ ଷ୍ଟ୍ରେଟ ଉପରେ ନଜର ରଖିଛି। ବୁଧବାର ଦିନ ଇରାନ ହର୍ମୁଜ୍ ଷ୍ଟ୍ରେଟରେ ଏକ ଥାଇଲାଣ୍ଡ ମାଲବାହୀ ଜାହାଜକୁ ଟାର୍ଗେଟ କରିଥିଲା। ଏହି ଆକ୍ରମଣରେ ମାଲବାହୀ ଜାହାଜଟି ବହୁତ କ୍ଷତିଗ୍ରସ୍ତ ହୋଇଥିବା ଜଣାପଡ଼ିଛି। ଜାହାଜରେ ୨୩ ଜଣ କ୍ର୍ୟୁ ସଦସ୍ୟ ଥିଲେ। ଏହି କ୍ର୍ୟୁ ସଦସ୍ୟଙ୍କ ମଧ୍ୟରୁ ୨୦ ଜଣଙ୍କୁ ଉଦ୍ଧାର କରାଯାଇଛି, ଯେତେବେଳେ ତିନି ଜଣ କ୍ର୍ୟୁ ସଦସ୍ୟ ନିଖୋଜ ଅଛନ୍ତି ବୋଲି ଜଣାପଡ଼ିଛି ।
ରୟାଲ୍ ଥାଇ ନୌସେନା ପକ୍ଷରୁ ଆକ୍ରମଣ ସମ୍ପର୍କରେ ଏକ ବିବୃତ୍ତି ଜାରି କରିଛି। ବିବୃତ୍ତି ଅନୁଯାୟୀ, ଥାଇ କମ୍ପାନୀ ପ୍ରିସିୟସ୍ ସିପିଂ ପିସିଏଲର ମାଲିକାନାରେ ଥିବା ଏକ ବଡ଼ ମାଲବାହୀ ଜାହାଜ, ମୟୁରୀ ନାରି ଜାହାଜ । ସଂଯୁକ୍ତ ଆରବ ଏମିରେଟ୍ସର ଖଲିଫା ବନ୍ଦରରୁ ବାହାରି ଭାରତର କାଣ୍ଡଲା ବନ୍ଦରକୁ ଯାଉଥିବା ବେଳେ ହୋର୍ମୁଜ୍ ଷ୍ଟ୍ରେଟ ଦେଇ ଗତି କରୁଥିବା ସମୟରେ ଏହା ଉପରେ ଆକ୍ରମଣ କରାଯାଇଥିଲା।
ରୟାଲ୍ ଥାଇ ନୌସେନା ଦ୍ୱାରା ପ୍ରକାଶିତ ଚିତ୍ରଗୁଡ଼ିକ ଜାହାଜର ହୁଲ୍ ଏବଂ ସୁପରଷ୍ଟ୍ରକ୍ଚରରୁ ଘନ, କଳା ଧୂଆଁ ବାହାରୁଥିବା ଏବଂ ଆଖପାଖ ପାଣିରେ ଲାଇଫ୍ ରାଫ୍ଟ ଭାସୁଥିବା ଦେଖାଯାଉଛି। ରୟାଲ୍ ଥାଇ ନୌସେନା ଏକ ବିବୃତ୍ତିରେ କହିଛି ଯେ ଆକ୍ରମଣର ନିର୍ଦ୍ଦିଷ୍ଟ ବିବରଣୀ ଏବଂ କାରଣ ବର୍ତ୍ତମାନ ତଦନ୍ତାଧୀନ ଅଛି।
Dharitri – Odisha’s No.1 Odia Daily
