ମୁମ୍ବାଇ,୧୧।୪(ପି.ଟି.): ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍)ର ୧୪ତମ ସଂସ୍କରଣରେ ସ୍ଥାନୀୟ ଓ୍ବାଙ୍ଖଡେ ଷ୍ଟାଡିୟମରେ ଏଥର ୧୦ଟି ମ୍ୟାଚ୍ ଆୟୋଜନ ହେବ। ଏହି ମ୍ୟାଚ୍ଗୁଡିକ ଦେଖିବାକୁ ଏବେ ସୁଯୋଗ ସୃଷ୍ଟି ହୋଇଛି। କୋଭିଡ୍-୧୯ ନେଭେଟିଭ ରିପୋର୍ଟ ଦେଖାଇପାରିଲେ ଦର୍ଶକ ଓ୍ବାଙ୍ଖଡେରେ ଏହି ମ୍ୟାଚ୍ଗୁଡିକ ଦେଖିପାରିବେ ବୋଲି ମୁମ୍ବାଇ କ୍ରିକେଟ ଆସୋସିଏଶନ (ଏମ୍ସିଏ) ତରଫରୁ କୁହାଯାଇଛି। ଏନେଇ ଏମ୍ସିଏ ନିଜ ଆପେକ୍ସ କାଉନସିଲ ସଦସ୍ୟମାନଙ୍କୁ କହିଛି।
ଶନିବାର ଓ୍ବାଙ୍ଖଡେରେ ମହେନ୍ଦ୍ର ସିଂ ଧୋନୀ ଓ ରିଷଭ ପନ୍ତଙ୍କ ଦିଲ୍ଲୀ କ୍ୟାପିଟାଲ୍ସ ପରସ୍ପରକୁ ଭେଟିଛନ୍ତି। ନେଗେଟିଭ ରିପୋର୍ଟ ଦେଖାଇପାରିଲେ ସଦସ୍ୟମାନେ ଷ୍ଟାଡିୟମ ଭିତରକୁ ପ୍ରବେଶ କରିପାରିବେ। ମ୍ୟାଚ ଦିବସର ୪୮ ଘଣ୍ଟା ମଧ୍ୟରେ ହୋଇଥିବା ଆରଟି- ପିସିଆର ଟେଷ୍ଟର ନେଗେଟିଭ ରିପୋର୍ଟ ଦେଖାଇବା ଜରୁରୀ ବୋଲି ଏମ୍ସିଏ ସମ୍ପାଦକ ସଞ୍ଜୟ ନାଏକ କହିଛନ୍ତି। ଟିକା ନେଇଥିବା ବ୍ୟକ୍ତିମାନେ ମଧ୍ୟ ପରୀକ୍ଷା କରାଇବା ବାଧ୍ୟତାମୂଳକ ବୋଲି କୁହାଯାଇଛି। ଷ୍ଟାଡିୟମରେ ପ୍ରବେଶ କରିବାବେଳେ ରିପୋର୍ଟ ଦେଖାଇବାକୁ ହେବ। ପୂର୍ବରୁ ଓ୍ବାଙ୍ଖଡେର ୧୦ଜଣ ଗ୍ରାଉଣ୍ଡ୍ସମ୍ୟାନ ଟେଷ୍ଟରେ ପଜିଟିଭ ବୋଲି ଜଣାପଡିଥିଲେ। ଏମାନଙ୍କ ମଧ୍ୟରୁ ଅଧିକାଂଶ ପରେ ନେଗେଟିଭ ବୋଲି ପରୀକ୍ଷାରୁ ଜଣାପଡିଥିଲା। ଏହାପରେ ଆଉ ଦୁଇଜଣ ଗ୍ରାଉଣ୍ଡ୍ସମ୍ୟାନ ଓ ପ୍ଲମ୍ବର ପଜିଟଭ୍ ବୋଲି ଜଣାପଡିଥିଲା। ମୁମ୍ବାଇ ଓ ମହାରାଷ୍ଟ୍ରରେ କରୋନା ସ୍ଥିତି ଉଦ୍ବେଗଜନକ ରହିଛି।
