Posted inଖେଳ

ଆଇପିଏଲ୍‌, କୋଲକାତା- ହାଇଦ୍ରାବାଦ୍‌ ମୁକାବିଲା: ଫୋକସ୍‌ରେ କାର୍ତ୍ତିକଙ୍କ ନେତୃତ୍ୱ

ଆବୁଧାବି,୨୬।୯(ପି.ଟି.): ଚଳିତ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ଅଷ୍ଟମ ମ୍ୟାଚ୍‌ରେ ଶନିବାର ଦିନେଶ କାର୍ତ୍ତିକଙ୍କ ନେତୃତ୍ୱାଧୀନ କୋଲକାତା ନାଇଟ ରାଇଡର୍ସ (କେକେଆର) ଓ ଡେଭିଡ୍‌ ଓ୍ବାର୍ନରଙ୍କ ସନରାଇଜର୍ସ ହାଇଦ୍ରାବାଦ୍‌ ପରସ୍ପରକୁ ଭେଟିବେ। ସ୍ଥାନୀୟ ଶେଖ ଜାଏଦ୍‌ ଷ୍ଟାଡିୟମରେ ଖେଳାଯିବାକୁ ଥିବା ଏହି ମ୍ୟାଚ୍‌ରେ କାର୍ତ୍ତିକଙ୍କ କିଭଳି ନେତୃତ୍ୱ ନେଉଛନ୍ତି ତାହା ଉପରେ ସମସ୍ତଙ୍କ ନଜର ରହିବ। ପୁନର୍ଗଠିତ କୋଲକାତା ଦଳ ପୂର୍ବପରି ଦମ୍‌ଦାର ପ୍ରଦର୍ଶନ କରିବ ବୋଲି ଆଶା କରାଯାଉଥିଲେ ମଧ୍ୟ ପ୍ରଶଂସକମାନେ ନିରାଶ ହୋଇଛନ୍ତି। କାର୍ତ୍ତିକ ଆଶାନୁରୂପ ପ୍ରଦର୍ଶନ କରିପାରି ନାହାନ୍ତି ଦଳକୁ ଅଧିନାୟକ ଭାବେ ସଠିକ୍‌ ଦିଗ୍‌ଦର୍ଶନ ଦେଇପାରିନାହାନ୍ତି। ସେ ତାଙ୍କ ପୁରୁଣା ତ୍ରୁଟିରୁ ଶିକ୍ଷା କରିପାରି ନାହାନ୍ତି। ଗତ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ସେ କେତୋଟି ଅବର୍ଣ୍ଣନୀୟ ନିଷ୍ପତ୍ତି ନେଇଥିଲେ। ଫଳରେ ଦଳ ବଡ଼ ବ୍ୟବଧାନରେ ପରାସ୍ତ ହୋଇଥିଲା। ମୁମ୍ବାଇଠାରୁ ଦଳ ୪୯ ରନରେ ପରାସ୍ତ ହୋଇଥିଲା। ଫଳରେ ପୁଣି ଥରେ ବିଗ୍‌ ହିଟର ଆନ୍ଦ୍ରେ ରସେଲଙ୍କ ବ୍ୟାଟିଂ ପୋଜିସନ ନେଇ ଚର୍ଚ୍ଚା ସୃଷ୍ଟି ହୋଇଛି।
ଗତ ସଂସ୍କରଣରେ ରସେଲ ୨୪୯ଟି ବଲର ସମ୍ମୁଖୀନ ହୋଇ ମୋଟ ଉପରେ ୫୧୦ ରନ ସଂଗ୍ରହ କରିଥିଲେ। ତାଙ୍କର ଷ୍ଟ୍ରାଇକ୍‌ରେଟ୍‌ ୨୦୪.୮୧ ରହିଥିଲା ଓ ଏହା ଟୁର୍ନାମେଣ୍ଟର ସର୍ବାଧିକ ଥିଲା। ତାଙ୍କ ୬ ନମ୍ବରରେ ବ୍ୟାଟିଂ କରିବାର ସୁଯୋଗ ଦିଆଯାଇଥିଲା। କିନ୍ତୁ ସେତେବେଳକୁ ଟାର୍ଗେଟ ହାସଲ କରିବା ନିହାତି କଷ୍ଟକର ଥିଲା। ଗତ ମ୍ୟାଚ୍‌ରେ ବିଶ୍ୱକପ ବିଜୟୀ ଇଂଲଣ୍ଡ ଅଧିନାୟକ କୋଲକାତା ପାଇଁ ୫ ନମ୍ବରରେ ବ୍ୟାଟିଂ କରିବାକୁ ଆସିଥିଲେ। ସେତେବେଳକୁ ଆବଶ୍ୟକ ରନ ହାର ୧୩ରୁ ଊର୍ଦ୍ଧ୍ୱ ଥିଲା। ଫଳରେ ସେ ମଧ୍ୟ ଅଧିକ କଛି କରି ନ ପାରି ବିଫଳ ହୋଇଥିଲେ। ବୋଲିଂରେ ମଧ୍ୟ କାର୍ତ୍ତିକ ତ୍ରୁଟି କରିଥିଲେ। ତାରକା ସ୍ପିନର ସୁନୀଲ ନାରିନଙ୍କୁ ଠିକ୍‌ ରୂପେ ହ୍ୟାଣ୍ଡେଲ ନ କରି ତାଙ୍କୁ ପାଓ୍ବାର ପ୍ଲେ’ ଶେଷ ଓଭରରେ ବୋଲିଂ କରିବାକୁ ଦେଇଥିଲେ। ସର୍ବାଧିକ ମୂଲ୍ୟରେ ଦଳରେ ସାମିଲ ହୋଇଥିବା ପ୍ୟାଟ୍‌ କୁମିନ୍ସ ସାଂଘାତିକ ଭାବେ ବିଫଳ ହୋଇଛନ୍ତି। ରୋହିତ ଶର୍ମା ଭଲଭାବେ ସେଟ୍‌ ହେବା ପରେ ନାରିନଙ୍କୁ ବୋଲିଂ କରିବାର ସୁଯୋଗ ଦିଆଯାଇଥିଲା। ପୂର୍ବତନ ନ୍ୟୁଜିଲାଣ୍ଡ କ୍ରିକେଟର ବ୍ରେଣ୍ଡନ୍‌ ମ୍ୟାକୁଲମ ଦଳର କୋଚ୍‌ ରହିଛନ୍ତି। ଆକ୍ରମଣାତ୍ମକ ବ୍ୟାଟିଂ ଓ ମାନସିକତା ପାଇଁ ସେ ଜଣାଶୁଣା ଥିବାବେଳେ ତାଙ୍କର ଏଭଳି ରକ୍ଷଣାତ୍ମକ ରଣନୀତି ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
ଅପରପକ୍ଷରେ ହାଇଦ୍ରାବାଦ ଏକ ସନ୍ତୁଳିତ ଦଳ ବୋଲି ବିବେଚିତ ହେଉଛି। ତେବେ ଏହି ଦଳରେ ଗଭୀରତା ଓ ଅଭିଜ୍ଞତାର ଅଭାବ ପରିଲକ୍ଷିତ ହେଉଛି। ଫଳରେ ଦଳ ରୟାଲ ଚ୍ୟାଲେଞ୍ଜର୍ସ ବିପକ୍ଷ ମ୍ୟାଚ୍‌ରେ ସାଂଘାତିକ ଭାବେ ବିଫଳ ହୋଇଥିଲା। ଅନ୍ତିମ ୫ ଓଭରରେ ବିଜୟ ପାଇଁ ୪୩ ରନ ଆବଶ୍ୟକ ହେଉଥିବା ବେଳେ ହାଇଦ୍ରାବାଦ ତା’ର ଅନ୍ତିମ ୭ଟି ଉଇକେଟ ମାତ୍ର ୩୨ ରନରେ ହରାଇଥିଲା ଓ ଶେଷରେ ୧୦ ରନରେ ପରାସ୍ତ ହୋଇଥିଲା। ପୁଣି ଅଲରାଉଣ୍ଡର ମିଚେଲ ମାର୍ଶ ଆହତ ହେବ ଦଳର ସମସ୍ୟାକୁ ଦ୍ୱିଗୁଣିତ କରିଛି।
ଅଧିନାୟକ ଡେଭିଡ୍‌ ଓ୍ବାର୍ନର ଦୁର୍ଭାଗ୍ୟଜନକ ଭାବେ ରନ୍‌ଆଉଟ୍‌ ହେବା ଦଳ ପାଇଁ ଅବଶ୍ୟ ମହଙ୍ଗା ସାବ୍ୟସ୍ତ ହୋଇଥିଲା। ପୁଣି କେନ୍‌ ଓ୍ବିଲିୟମସନ ଇଞ୍ଜୁରିମୁକ୍ତ ହୋଇଛନ୍ତି କି ନା ତାହା ଦେଖିବାକୁ ବାକି ରହିଲା। ସେ ଦଳରେ ସାମିଲ ହେଲେ ବ୍ୟାଟିଂ ଲାଇନ୍‌ ଆହୁରି ଦୃଢ ହୋଇପାରିବ। ହାଇଦ୍ରାବାଦ୍‌ର ବୋଲିଂ ସବୁବେଳେ ଉଚ୍ଚକୋଟୀର ସାବ୍ୟସ୍ତ ହୋଇଆସିଛି। ସ୍ପିନର ରସିଦ୍‌ ଖାନଙ୍କ ସମେତ ମହମ୍ମଦ ନବିଙ୍କୁ ବୋଲିଂ କରିବାକୁ ମ୍ୟାନେଜମେଣ୍ଟ ସୁଯୋଗ ଦେବ ବୋଲି ଆଶା କରାଯାଉଛି। ଭୁବନେଶ୍ୱର କୁମାର ଦଳର ଦ୍ରୁତ ବୋଲିଂର ନେତୃତ୍ୱ ନେବେ।
କୋଲକାତା ନାଇଟ ରାଇଡର୍ସ ଦଳ:
ଦୀନେଶ କାର୍ତ୍ତିକ (ଅଧିନାୟକ), ଆନ୍ଦ୍ରେ ରସେଲ, କମଳେଶ ନାଗରକୋଟୀ, କୁଲଦୀପ ଯାଦବ, ଲୋକି ଫର୍ଗୁସନ, ନୀତୀଶ ରାଣା, ପ୍ରସିଦ୍ଧ କ୍ରିଷ୍ଣା, ରିଙ୍ଗୁ ସିଂ, ସନ୍ଦୀପ ଓ୍ବାରିୟର, ଶିବମ ମାଭି, ସୁନୀଲ ନାରିନ, ପ୍ୟାଟ୍‌ କୁମିନ୍ସ, ଇଅନ ମୋର୍ଗାନ, ବରୁଣ ଚକ୍ରବର୍ତ୍ତୀ, ଟମ୍‌ ବାଣ୍ଟନ (ଉଇକେଟକିପର), ରାହୁଲ ତ୍ରିପାଠୀ, କ୍ରିସ୍‌ ଗ୍ରୀନ୍‌, ଏମ୍‌. ସିଦ୍ଧାର୍ଥ, ନିଖିଲ ନାଏକ ଓ ଅଲି ଖାନ।
ସନରାଇଜର୍ସ ହାଇଦ୍ରାବାଦ ଦଳ:
ଡେଭିଡ୍‌ ଓ୍ବାର୍ନର (ଅଧିନାୟକ), ଜନି ବେୟାରଷ୍ଟୋ (ଉଇକେଟକିପର), କେନ୍‌ ଓ୍ବିଲିୟମସନ, ଭୁବନେଶ୍ୱର କୁମାର, ମହମ୍ମଦ ନବି, ରସିଦ୍‌ ଖାନ, ମନୀଷ ପାଣ୍ଡେ, ବିରାଟ ସିଂ, ଶାହାବାଜ ନଦିମ, ମିଚେଲ ମାର୍ଶ, ଫାବିଆନ ଆଲେନ, ବିଜୟ ଶଙ୍କର, ସଞ୍ଜୟ ଯାଦବ, ରିଦ୍ଧିମାନ ଶାହା, ଶ୍ରୀବତ୍ସ ଗୋସ୍ବାମୀ, ବଭନକ ସନ୍ଦୀପ, ବାସିଲ ଥମ୍ପି, ପ୍ରିୟମ ଗାର୍ଗ, ଅବଦୁଲ ସମାଦ, ଖଲିଲ ଅହମ୍ମଦ, ସନ୍ଦୀପ ଶର୍ମା, ସିଦ୍ଧାର୍ଥ କାଉଲ, ବିଲି ଷ୍ଟାନଲେକ, ଟି. ନଟରାଜନ ଓ ଅଭିଷେକ ଶର୍ମା।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ପ୍ରଦୀପ ବିଶ୍ୱକପ୍‌ରୁ ଆଉଟ୍‌

ଲଣ୍ଡନ, ୩୦ା୬ (ପି.ଟି.)-ହାଡ଼ଫୁଟିରେ ପୀଡ଼ିତ ଯୋଗୁ ଶ୍ରୀଲଙ୍କା ପେସ୍‌ ବୋଲର ନୁଓ୍ବାନ ପ୍ରଦୀପ ଶନିବାର ଚଳିତ ଆଇସିସି ବିଶ୍ୱକପ୍‌ରୁ ଆଉଟ୍‌ ହୋଯାଇଛନ୍ତି। ତାଙ୍କ ସ୍ଥାନରେ ଦଳରେ...

ସୋଏବ ଅଖତର ଶେୟାର କଲେ ଦ୍ୱିତୀୟ ପୁଅର ଫଟୋ, ଏମିତି କହିଲେ ହରଭଜନ ସିଂ

ଭାରତ ଏବଂ ପାକିସ୍ତାନ ଖେଳାଳିମାନେ କେବଳ ପଡିଆରେ ନୁହେଁ, ପଡିଆ ବାହାରେ ମଧ୍ୟରେ ପରସ୍ପର ଟିପ୍ପଣୀ ଦେବା ଦେଖାଯାଏ। ଏହା ସଦ୍ୟତମ ଉଦାହରଣ ଦେଖିବାକୁ ମିଳିଛି।...

ଜାପାନ ଲିଗ୍‌ ଫୁଟବଲ ଆରମ୍ଭ

ଟୋକିଓ, ୫।୭(ଏପି)-କରୋନା ଭାଇରସ ସଂକ୍ରମଣ ଜନିତ ପ୍ରଭାବ ଯୋଗୁ ଦୀର୍ଘ ୪ ମାସ ବ୍ୟବଧାନ ପରେ ଶନିବାରଠାରୁ ଆରମ୍ଭ ହୋଇଛି ଜାପାନ ପେସାଦାର ଫୁଟବଲ ଲିଗ୍‌।...

୧୭ ବର୍ଷରୁ କମ୍‌ ମହିଳା ଫିଫା ବିଶ୍ୱକପ୍‌ ଭେନ୍ୟୁ ତାଲିକାରେ କଳିଙ୍ଗ ଷ୍ଟାଡିୟମ୍‌

ପଣଜୀ,୨୧ା୫- ଆସନ୍ତା ୨୦୨୦ ଜୁନ୍‌ରେ ଭାରତ ୧୭ ବର୍ଷରୁ କମ୍‌ ଫିଫା ମହିଳା ବିଶ୍ୱକପ୍‌ ଆୟୋଜନ କରିବ। ଏଥିନେଇ ସର୍ବଭାରତୀୟ ଫୁଟ୍‌ବଲ ଫେଡେରେଶନ (ଏଆଇଏଫ୍‌ଏଫ୍‌) ୫...

ଏହି କ୍ରିକେଟ ଖେଳାଳି ପଡିଆକୁ ଆସିବା ପୂର୍ବରୁ ପିଉଥିଲେ ମଦ

କିଛି ଖେଳାଳି ଅଛନ୍ତି ଯେଉଁମାନେ ନିଜ ପରିଶ୍ରମରେ କ୍ରିକେଟରେ ସ୍ବତନ୍ତ୍ର ପରିଚୟ ହାସଲ କରିଛନ୍ତି। ଆଉ କିଛି ଖେଳାଳି ଅଛନ୍ତି ପ୍ରାରମ୍ଭରେ ନିଜ ପ୍ରଦର୍ଶନ ଦ୍ୱାରା...

ଦିନେ ଏହି ଖେଳାଳିଙ୍କୁ ରିଜେକ୍ଟ କରିଥିଲେ ଚାପେଲ

ନୂଆଦିଲ୍ଲୀ,୨୨।୭: ପେସର ଦୀପକ ଚହର ଶ୍ରୀଲଙ୍କା ବିପକ୍ଷ ଦ୍ୱିତୀୟ ମ୍ୟାଚ୍‌ରେ ଟିମ୍‌ ଇଣ୍ଡିଆ ପାଇଁ ହିରୋ ସାଜିଥିଲେ। ତାଙ୍କର ୬୯ ରନ୍‌ର ଇନିଂସ ଯୋଗୁ ୩...

ମହିଳା କ୍ରିକେଟ ଖେଳାଳିଙ୍କୁ ରାହାନେଙ୍କ ଟିପ୍ସ

ନୂଆଦିଲ୍ଲୀ, ୧୫।୬(ପି.ଟି.)-ଭାରତୀୟ ମହିଳା କ୍ରିକେଟ ଦଳ ଦୀର୍ଘ ୭ ବର୍ଷ ବ୍ୟବଧାନରେ ଟେଷ୍ଟ ମ୍ୟାଚ ଖେଳିବାକୁ ଯାଉଛି। ଇଂଲଣ୍ଡ ବିପକ୍ଷ ଏହି ଗୁରୁତ୍ୱପୂର୍ଣ୍ଣ ମ୍ୟାଚ ପୂର୍ବରୁ...

କୋଟି କୋଟି ପ୍ରଶଂସକଙ୍କୁ ନିରାଶ କରିବା ପରେ ଅଧିନାୟକ କୋହଲି ରଖିଲେ ଏଭଳି ପ୍ରତିକ୍ରିୟା, କହିଲେ..

ଆଡିଲେଡ୍‌,୧୯।୧୨: ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ପ୍ରଥମ ଦିବାରାତ୍ର ଟେଷ୍ଟରେ ଭାରତ ୮ ଉଇକେଟରେ ପରାଜିତ ହୋଇଛି। ବିରାଟ କୋହଲୀଙ୍କ ନେତୃତ୍ୱାଧୀନ ଭାରତୀୟ ଟିମ୍‌ ଟସ୍‌ ଜିତି...

Advertisement
Archives

Model This Week