Posted inଖେଳ

ଆଇପିଏଲ୍‌: ଫାଙ୍କା ଷ୍ଟାଡିୟମରେ କ୍ରିକେଟର କ୍ୱାଲିଟି ପ୍ରଭାବିତ ହେବନି: ଲକ୍ଷ୍ମଣ

ଦୁବାଇ,୨୫।୮(ପି.ଟି.): କୋଭିଡ୍‌-୧୯ ମହାମାରୀ କାରଣରୁ ୟୁନାଇଟେଡ୍‌ ଆରବ ଏମିରେଟ୍ସ (ୟୁଏଇ)ରେ ଆୟୋଜନ ହେବାକୁ ଯାଉଥିବା ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ୧୩ତମ ସଂସ୍କରଣ ଫାଙ୍କା ଷ୍ଟାଡିୟମରେ ଆୟୋଜନ ହେବ। ଏହା ସତ୍ତ୍ୱେ ଆଇପିଏଲ୍‌ରେ କ୍ରିକେଟର କ୍ୱାଲିଟି ତଥା ଗୁଣବତ୍ତା ପ୍ରଭାବିତ ହେବ ନାହିଁ ବୋଲି ସନ୍‌ ରାଇଜର୍ସ ହାଇଦ୍ରାବାଦ୍‌ ବ୍ୟାଟିଂ ମେଣ୍ଟର ଭି.ଭି.ଏସ୍‌. ଲକ୍ଷ୍ମଣ କହିଛନ୍ତି। ମହାମାରୀ କାରଣରୁ ଏହି ଲିଗ୍‌କୁ ଭାରତରୁ ୟୁଏଇକୁ ସ୍ଥାନାନ୍ତର କରାଯାଇଥିଲା। ସେପ୍ଟେମ୍ବର ୧୯ରୁ ଆରମ୍ଭ ହୋଇ ଆଇପିଏଲ୍‌ ନଭେମ୍ବର ୧୦ ତାରିଖରେ ଶେଷ ହେବ। ମ୍ୟାଚ୍‌ଗୁଡିକ ଦୁବାଇ, ଆବୁଧାବି ଓ ଶାରଜାରେ ଆୟୋଜନ ହେବ।
ଷ୍ଟାଡିୟମରେ ଉପସ୍ଥିତ ନ ରହିଲେ ମଧ୍ୟ ପ୍ରଶଂସକମାନେ ପୂର୍ବଭିଳି ଆଇପିଏଲ୍‌କୁ ଉପଭୋଗ କରିପାରିବେ ବୋଲି ସେ ହାଇଦ୍ରାବାଦ୍‌ ଫ୍ରାଞ୍ଚାଇଜ୍‌ ଦ୍ୱାରା ଜାରି କରାଯାଇଥିବା ଏକ ଭିଡିଓରେ କହିଛନ୍ତି। କ୍ରିକେଟର ଶକ୍ତି ବା ଗୁଣବତ୍ତାରେ ଅବନତି ହେବ ନାହିଁ ବୋଲି ସେ ସ୍ପଷ୍ଟ କରିଛନ୍ତି। ତେବେ ୟୁଏଇରେ କିଭଳି ପିଚ୍‌ ମିଳିବ ଓ ଏହି ପିଚ୍‌ଗୁଡିକ ଧର୍ମ କିପରି ହେବ ସେ ନେଇ ଲକ୍ଷ୍ମଣ ଆଶଙ୍କା ପ୍ରକାଶ କରିଛନ୍ତି। ଗ୍ରାଉଣ୍ଡ ଷ୍ଟାଫ୍‌ମାନେ କିଭଳି କାର୍ଯ୍ୟ କରିଛନ୍ତି ତାହା ଜାଣିବାକୁ ହେଲେ ଆମକୁ ଅପେକ୍ଷା କରିବାକୁ ହେବ। ଉଇକେଟଗୁଡିକ ସାମାନ୍ୟ ମନ୍ଥର ହୋଇପାରେ। କିନ୍ତୁ ଆଉଟ୍‌ଫିଲ୍ଡ ଅତି ସୁନ୍ଦର ହେବ ବୋଲି ସେ ପୂର୍ବାନୁମାନ କରିଛନ୍ତି। ହାଇଦ୍ରାବାଦ୍‌ ଫ୍ରାଞ୍ଚାଇଜ୍‌ର ଭାରତୀୟ ଖେଳାଳିମାନେ ରବିବାର ଦୁବାଇରେ ପହଞ୍ଚିଛନ୍ତି। ଆଇପିଏଲ୍‌ର ଅନ୍ତିମ ଦୁଇ ଦଳ ଭାବେ ହାଇଦ୍ରାବାଦ ଓ ଦିଲ୍ଲୀ କ୍ୟାପିଟାଲ୍ସ ୟୁଏଇରେ ପହଞ୍ଚିଛନ୍ତି। ୨୦୨୦ ନିଲାମରେ ମିଡଲ ଅର୍ଡର ପାଇଁ ଯୁବ ବ୍ୟାଟ୍ସମ୍ୟାନମାନଙ୍କୁ ଚୟନ କରିବାକୁ ଲକ୍ଷ୍ମଣ ଓ ବାକି ଟମ୍‌ ମ୍ୟାନେଜମେଣ୍ଟ ଚିନ୍ତା କରିଥିଲେ। ଫଳରେ ଦଳରେ ପ୍ରିୟମ ଗର୍ଗ, ବିରାଟ ସିଂ ଓ ବି. ସନ୍ଦୀପ ଓ ଅନ୍ୟ କେତେଜଣ ଯୁବ ଖେଳାଳି ସାମିଲ ହୋଇଛନ୍ତି। ଏମାନେ ସମସ୍ତେ ଘରୋଇ କ୍ରିକେଟରେ ଜବରଦସ୍ତ ପ୍ରଦର୍ଶନ କରିଛନ୍ତି। ତେବେ ଦଳରେ ଦେଶର ଓ ବିଦେଶର ଅଭିଜ୍ଞ ଖେଳାଳିମାନେ ମଧ୍ୟ ସାମିଲ ହୋଇଥିବା ବୋଲି ସେ କହିଛନ୍ତି।
ହାଇଦ୍ରାବାଦ୍‌ ସପୋର୍ଟ ଷ୍ଟାଫ୍‌ ନିଯୁକ୍ତିରେ ମଧ୍ୟ ପରିବର୍ତ୍ତନ କରିଛି। ହେଡ୍‌ କୋଚ୍‌ ହିସାବରେ ଟମ୍‌ ମୁଡିଙ୍କ ବଦଳରେ ଟ୍ରେଭର ବେଲିସ୍‌ଙ୍କୁ ନିଯୁକ୍ତି କରାଯାଇଛି। ସହକାରୀ କୋଚ୍‌ ଭାବେ ସାଇମନ ହେଲମୋଟଙ୍କ ବଦଳରେ ବ୍ରାଡ୍‌ ହାଡିନଙ୍କୁ ଦଳରେ ସାମିଲ କରାଯାଇଛି। ହାଡିନ୍‌ ପୂର୍ବରୁ ବେଲିସ୍‌ଙ୍କ ସହ କାର୍ଯ୍ୟ କରିଛନ୍ତି। ବେଲିସ୍‌ ହେଉଛନ୍ତି ବିଶ୍ୱର ଅନ୍ୟତମ ସଫଳତମ କୋଚ୍‌। ତାଙ୍କ ତତ୍ତ୍ୱାବଧାନରେ ଇଂଲଣ୍ଡ ପ୍ରଥମଥର ପାଇଁ ବିଶ୍ୱକପ୍‌ ଜିତିବାର ସୌଭାଗ୍ୟ ଅର୍ଜନ କରିଛି ବୋଲି ଲକ୍ଷ୍ମଣ କହିଛନ୍ତି। ସେ ଜଣେ ଥଣ୍ଡା ମିଜାଜ୍‌ର ବ୍ୟକ୍ତି। ସବୁ ପ୍ରକାର ପରିସ୍ଥିତିରେ ଦଳକୁ ସେ ଠିକ୍‌ ଭାବେ ଦିଗ୍‌ଦର୍ଶନ ଦେଇପାରିବେ। ସେହିପରି ଆସିଷ୍ଟାଣ୍ଟ କୋଚ୍‌ ଭାବେ ହାଡିନ୍‌ ଶତପ୍ରତିଶତରୁ ଅଧିକ ପ୍ରଦାନ କରିବେ ବୋଲି ଲକ୍ଷ୍ମଣ ଆଶା ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଭାରତୀୟ ଦଳ ପାଇଁ ମୁଣ୍ଡବିନ୍ଧା ସାଜିପାରନ୍ତି ୧୪୦ କିଲୋ କ୍ରିକେଟର୍‌

ପୋର୍ଟ-ଅଫ୍‌-ସ୍ପେନ୍‌,୧୨।୮:ଭାରତୀୟ କ୍ରିକେଟ ଦଳ ଏବେ ଓ୍ବେଷ୍ଟଇଣ୍ଡିଜ୍‌ ଗସ୍ତରେ ଯାଇଛି। ଟି-୨୦ ସିରିଜ୍‌ ହାତେଇବା ପରେ ଏବେ ଏକଦିବସୀୟ ସିରିଜ୍‌ ଖେଳୁଛି। ଏହାପରେ ଆରମ୍ଭ ହେବ ଟେଷ୍ଟ...

୭୫ ଦିନପରେ ଇଂଲଣ୍ଡକୁ ପ୍ରତିଦ୍ୱନ୍ଦ୍ୱିତାମୂଳକ ପ୍ରତିଯୋଗିତା ଫେରିଲା

ଲଣ୍ଡନ, ୨ା୬(ଏପି)-କରୋନା ଭାଇରସ୍‌ ସଂକ୍ରମଣ ଜନିତ ପ୍ରଭାବରୁ ୭୫ ଦିନ ଶଟ୍‌ଡାଉନ୍‌ ପରେ ଇଂଲଣ୍ଡକୁ ପ୍ରତିଦ୍ୱନ୍ଦ୍ୱିତାମୂଳକ ପ୍ରତିଯୋଗିତା ଫେରିଛି। ଇଂଲଣ୍ଡ କ୍ରୀଡ଼ା ପ୍ରଶଂସକଙ୍କ ପାଇଁ ଏହା...

ମହିଳା ଟି୨୦: ଭାରତ ସିରିଜ ବିଜୟୀ

ସୁରଟ,୨।୧୦(ପି.ଟି.)- ୧୫ ବର୍ଷୀୟା ସେଫାଳି ବର୍ମାଙ୍କ ଉପଯୋଗୀ ବ୍ୟାଟିଂ ଓ ପୁନମ ଯାଦବଙ୍କ ଦମ୍‌ଦାର ବୋଲିଂ ବଳରେ ଭାରତୀୟ ମହିଳା ଦଳ ମଙ୍ଗଳବାର ଏଠାରେ ଅନୁଷ୍ଠିତ...

ଇତିହାସ ରଚିଲେ ଏହି ଅଷ୍ଟ୍ରେଲିୟ କ୍ରିକେଟର: ପଛରେ ପଡ଼ିଲେ ସଚିନ-ସେହ୍ବାଗ…

ଲାହୋର,୨୨।୩: ପାକିସ୍ତାନ ବିପକ୍ଷ ତୃତୀୟ ଟେଷ୍ଟରେ ଇତିହାସ ରଚିଛନ୍ତି ଅଷ୍ଟ୍ରେଲିଆ ବ୍ୟାଟ୍ସମ୍ୟାନ୍‌ ଷ୍ଟିଭ ସ୍ମିଥ୍‌। ଟେଷ୍ଟର ପ୍ରଥମ ଇନିଂସରେ ସ୍ମିଥ ୫୯ ରନର ଇନିଂସ ଖେଳି...

ଆଜିଠୁ ଭାରତ-ଇଂଲଣ୍ଡ ମଧ୍ୟରେ ତୃତୀୟ ଟେଷ୍ଟ: ଜାଣନ୍ତୁ କେଉଁଠି, କେମିତି ଦେଖିପାରିବେ ମ୍ୟାଚ୍‌

ଲିଡ୍ସ,୨୫।୮: ଭାରତ ଏବଂ ଇଂଲଣ୍ଡ ମଧ୍ୟରେ ତୃତୀୟ ଟେଷ୍ଟ ମ୍ୟାଚ ଅଗଷ୍ଟ ୨୫ଠାରୁ ଲିଡ୍ସରେ ଖେଳାଯିବ। ଭାରତ ଆତ୍ମବିଶ୍ୱାସ ବଢ଼ାଇ ମ୍ୟାଚକୁ ଆସିବ ଏବଂ ସିରିଜରେ...

ଟେଷ୍ଟ ବଦଳରେ ଆଇପିିଏଲ୍‌ ବାଛିଲେ

ଜୋହାନ୍ସବର୍ଗ,୧୯।୩: ଆଗାମୀ ଆଇପିଏଲରେ ଖେଳିବାକୁ ଥିବା ଦକ୍ଷିଣ ଆଫ୍ରିକୀୟ ଖେଳାଳିମାନେ ଟେଷ୍ଟ ସିରିଜ୍‌କୁ ମନା କରି ଦେଇଛନ୍ତି। ଏଥି ଯୋଗୁ ଫ୍ରାଞ୍ଚାଇଜ ବନାମ ଦେଶ ଯୁକ୍ତି...

ଭାରତ ଗସ୍ତ ପାଇଁ ଦକ୍ଷିଣ ଆଫ୍ରିକାର ଦିନିକିଆ ଦଳ ଘୋଷଣା

ନୂଆଦିଲ୍ଲୀ,୨ା୩- ଆଗାମୀ ଭାରତ ବିପକ୍ଷ ୩ ମ୍ୟାଚ୍‌ ବିଶିଷ୍ଟ ଦିନିକିଆ ସିରିଜ ଲାଗି ସୋମବାର ଦକ୍ଷିଣ ଆଫ୍ରିକା ଦଳ ଘୋଷଣା କରାଯାଇଛି। ଦଳକୁ ସିନିୟର ବ୍ୟାଟ୍ସମ୍ୟାନ...

ଆରମ୍ଭ ହେଲା ଖେଲୋ ଇଣ୍ଡିଆ ଇ-ପାଠଶାଳା

ନୂଆଦିଲ୍ଲୀ, ୨ା୬ (ପି.ଟି.)- ଖେଲୋ-ଇଣ୍ଡିଆ ପାଠଶାଳା ପ୍ରୋଗ୍ରାମ୍‌ ସୋମବାରଠାରୁ ଆରମ୍ଭ ହୋଇଛି। କ୍ରୀଡ଼ାମନ୍ତ୍ରୀ କିରେନ ରିଜିଜୁ ଓ ଜନଜାତି ବ୍ୟାପାର ମନ୍ତ୍ରୀ ଅର୍ଜୁନ ମୁଣ୍ଡା ଏକ...

Advertisement
Archives

Model This Week