କିଙ୍ଗସ ଏକାଦଶ ପଞ୍ଜାବ ବିପକ୍ଷରେ ଦିଲ୍ଲୀ କ୍ୟାପିଟାଲ୍ସକୁ ରୋମାଞ୍ଚକର ବିଜୟ ଆଣିଥିବା ଅଷ୍ଟ୍ରେଲୀୟ ଅଲରାଉଣ୍ଡର ମାର୍କସ ଷ୍ଟୋନିସ କହିଛନ୍ତି ଯେ ବିଗ ବାଶ୍ ଲିଗ(ବିବିଏଲ୍) ଯୋଗୁ ସେ ଦିଲ୍ଲୀ କ୍ୟାପିଟାଲ୍ସ ପାଇଁ ଭଲ ପ୍ରଦର୍ଶନ କରୁଛନ୍ତି। କିଙ୍ଗସ ଏକାଦଶ ପଞ୍ଜାବ ବିପକ୍ଷ ପ୍ରଥମ ମ୍ୟାଚରେ ଷ୍ଟୋନିସ ୨୧ଟି ବଲରୁ ୫୩ ରନ ସଂଗ୍ରହ କରିଥିଲେ। ପରେ ସୁପର ଓଭରରେ ଦିଲ୍ଲୀ ପାଇଁ ସେ ୨ଟି ଉଇକେଟ୍ ନେଇଥିଲେ। ବିବିଏଲରେ ମେଲବୋର୍ଣ୍ଣ ଷ୍ଟାର୍ସ ପାଇଁ ୭୦୫ ରନ ସ୍କୋର କରିଥିବା ମାର୍କସ ଷ୍ଟୋନିସ ଏଥର ଆତ୍ମବିଶ୍ୱାସୀ ଥିବା କହିଛନ୍ତି। ଏହା ବ୍ୟତୀତ ସେ ନିଜ ଉପରେ ଅଧିକ ଦାୟିତ୍ୱ ମୁଣ୍ଡାଇବାକୁ ଚାହୁଁ ନ ଥିବା କହିଛନ୍ତି। ଯୁବାବସ୍ଥାରେ ଅଧିକ ହାସଲ କରିବା ଚକ୍କରରେ ବେଳେବେଳେ ଭୁଲ୍ କରି ବସନ୍ତି। ମୁଁ ଏମିତି କରିବାକୁ ଚାହୁଁନାହିଁି, ଅନ୍ୟଥା ହିରୋରୁ ଖଳନାୟକ ହେବାକୁ ଅଧିକ ସମୟ ଲାଗେ ନାହିଁ। ମୋର ଧ୍ୟାନ ପୂରା ଖେଳକୁ ଉପଭୋଗ କରିବା ଉପରେ ରହିଛି ବୋଲି ମାର୍କସ କହିଛନ୍ତି।
