ଶାସ୍ତ୍ରରେ ପାତାଳ ଲୋକ ବିଷୟରେ ଉଲ୍ଲେଖ ରହିଛି। ଆଜି ଆମେ ଆପଣଙ୍କୁ ଅସଲି ପାତାଳ ଲୋକ ବିଷୟରେ କହିବାକୁ ଯାଉଛୁ। ଏହା ପୃଥିବୀର ୨୬୨ ମିଟର ତଳେ ଉପସ୍ଥିତ। ଏଠାରେ ନଦୀ-ବାଦଲର ଅଦ୍ଭୁତ ଦୃଶ୍ୟ ଦେଖିବାକୁ ମିଳିବ।
ପୃଥିବୀର ପାତାଳ ଲୋକ ହେଉଛି ଦୁନିଆର ସବୁଠାରୁ ବଡ଼ ଗୁମ୍ଫା। ‘ହଙ୍ଗ ସୋ ଡୁଙ୍ଗ’ ନାମରେ ପରିଚିତ ଏହି ଗୁମ୍ଫା ଭିଏତନାମରେ ଅଛନ୍ତି। ଏହି ଗୁମ୍ଫାରେ ନଦୀ-ବାଦଲ ବ୍ୟତିତ ଛୋଟ ଛୋଟ ସ୍ଥାନ ରହିଛି। କାଳ୍ପନିକ ଭଳି ଲାଗୁଥିବା ଏହି ଗୁମ୍ଫାକୁ ୧୯୯୧ରେ ଆବିଷ୍କାର କରାଯାଇଥିଲା।
‘ହୋ ଖାହ’ ନାମକ ଯୁବକ ଏହି ସ୍ଥାନକୁ ଆବିଷ୍କାର କରିଥିଲେ। ଖାଦ୍ୟ ଅନ୍ବେଷଣରେ ଯାଇ ସେ ଏହି ଗୁମ୍ଫାରେ ପହଞ୍ଚିଥିଲେ। ହେଲେ ସେଠାକାର ସ୍ଥିତିକୁ ଦେଖି ସେ ଡରି ଯାଇଥିଲେ। ପରେ ୨୦୦୮ରେ ପୁଣି ସେ ଦୁଇଜଣଙ୍କ ସହ ସେଠାରେ ପହଞ୍ଚିଥିଲେ।
ଏହି ଗୁମ୍ଫାରେ ଭିନ୍ନ ବାତାବରଣ ରହିଛି। ଏହା ଭିତରେ ମାଙ୍କଡ଼, ବାଦୁଡ଼ି ଏବଂ ଅନ୍ୟ ଜନ୍ତୁ ରହିଛନ୍ତି। ଦେଖିବାକୁ ଭୟଙ୍କର ହେଲେ ହେଁ ଏଠାର ସୌନ୍ଦର୍ଯ୍ୟ ଅନେକଙ୍କୁ ବିସ୍ମିତ କରେ।
