ମୁମ୍ବାଇ: ବଲିଉଡ୍ ସୁପରଷ୍ଟାର ହ୍ରିତିକ ରୋଶନ ନିଜର ବଳିଷ୍ଠ ଚେହେରା ପାଇଁ କେବଳ ଭାରତ ନୁହେଁ ବରଂ ସାରା ବିଶ୍ୱରେ ସୁନ୍ଦର ପୁରୁଷଙ୍କ ତାଲିକାରେ ଆସିଥାଆନ୍ତି। ସେ ନିଜର ଅଭିନୟ ତଥା ଡ୍ୟାନ୍ସ ପାଇଁ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି। ହେଲେ ହ୍ରିତିକଙ୍କ ବିଷୟରେ ଆଜିବି କିଛି କଥା ଅଜଣା ରହିଛି। ମାତ୍ର ୬ ବର୍ଷ ବୟସରେ ସେ ଶିଶୁକଳାକାର ଭାବେ ‘ଆଶା’ ଚଳଚ୍ଚିତ୍ରରେ ନଜର ଆସିଥିଲେ। ଯାହାପାଇଁ ତାଙ୍କୁ ୧୦୦ଟଙ୍କା ପାରିଶ୍ରମିକ ମିଳିଥିଲା। ଅଭିନେତା ହେବା ପୂର୍ବରୁ ହ୍ରିତିକ ସ୍କୋଲିଓସିସ୍ ନାମକ ଏକ ରୋଗରେ ପୀଡ଼ିତ ଥିଲେ। ୨୧ ବର୍ଷ ବୟସରେ ହିଁ ସେ ଏଥିରୁ ଆରୋଗ୍ୟ ଲାଭ କରିଥିଲେ। ତାଙ୍କ ଡାହାଣ ହାତରେ ରହିଛି ଦୁଇଟି ଆଙ୍ଗୁଠି। ପ୍ରଥମ ଅଭିନୟରେ ହିଁ ସେ ଦର୍ଶକଙ୍କ ନିକଟତର ହୋଇଥିଲେ। ଏଥିରେ ସେ ଏତେ ପରିମାଣରେ ଲୋକପ୍ରିୟ ହୋଇଯାଇଥିଲେ ଯେ ବିବାହ ପାଇଁ ତାଙ୍କ ନିକଟକୁ ପାଖାପାଖି ୩୦ ହଜାର ପ୍ରସ୍ତାବ ଆସିଥିବା କୁହାଯାଏ। ଏହି ଶିଶୁ କଳାକାର ପରେ ନାୟକ ଭାବେ ୨୦୦୦ ମସିହାରେ ଫିଲ୍ମ ‘କହୋନା ପ୍ୟାର ହୈ’ରେ ନଜର ଆସିଥିଲେ। ପିଲାଦିନେ ସେ ସ୍ପଷ୍ଟଭାବେ ଶବ୍ଦ ଉଚ୍ଚାରଣ କରିପାରୁ ନ ଥିଲେ। ସ୍ପିଚ ଥେରାପି ମାଧ୍ୟମରେ ସେ ଏବେ ଭଲଭାବେ କଥା କହି ପାରୁଛନ୍ତି। କୁହାଯାଏ ହ୍ରିତିକ ବଲିଉଡ୍ର ବରିଷ୍ଠ କଳାକାର ସମ୍ମି କପୁର ଓ ଡ୍ୟାନ୍ସର ମାଇକେଲ ଜ୍ୟାକସନଙ୍କୁ ଦେଖି ଡ୍ୟାନ୍ ଶିଖିବା ଆରମ୍ଭ କରିଥିଲେ। ମାତ୍ର ୧୨ ବର୍ଷ ବୟସରେ ଏକ ଟ୍ରାଫିକ ସିଗନାଲରେ ସେ ସୁଜେନ ଖାନଙ୍କୁ ଦେଖିଥିବା ବେଳେ ୨୦୦୦ ମସିହାରେ ତାଙ୍କୁ ବିବାହ କରିଥିଲେ। ହ୍ରିତକଙ୍କ ପ୍ରକୃତ ସରନେମ୍ ରୋଶନ ନୁହେଁ ବରଂ ନାଗରଥ। ବଲିଉଡ୍ରେ ସେ ପ୍ରାୟ ୫୦ରୁ ଊର୍ଦ୍ଧ୍ୱ ଫିଲ୍ମରେ କାମ କରିଥିବା ବେଳେ ଏଥିମଧ୍ୟରୁ ୧୫ରୁ ଅଧିକ ହିଟ୍ ଫିଲ୍ମ ରହିଛି।
