ଭଞ୍ଜନଗର,୨୯ା୬(ବାବୁଲା ପ୍ରଧାନ): ଘୁମୁସର ଇତିହାସର ପ୍ରଚାର ଓ ପ୍ରସାର ଲକ୍ଷ୍ୟ ନେଇ ଗଢ଼ି ଉଠିଥିବା ଘୁମୁସର ଗବେଷଣା ପ୍ରତିଷ୍ଠାନର ଏକ ବୈଠକ ରବିବାର ଭଞ୍ଜନଗର ସହର ଲଣ୍ଡେଇସାହିସ୍ଥିତ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି। ଆବାହକ ଡ. ଶ୍ୟାମା ପ୍ରସାଦ ମିଶ୍ର ଗତ ବାର୍ଷିକ ଅଧିବେଶନ ସମ୍ପର୍କରେ କହିଥିଲେ। ଏହି ଅବସରରେ ଆଗାମୀ ଦୁଇ ବର୍ଷ ପାଇଁ ନୂତନ କର୍ମକର୍ତ୍ତା ନିର୍ବାଚନ ହୋଇଥିଲା। ଏଥିସହ ଆଗାମୀ ଦିନରେ ଲୁକ୍କାୟିତ ଅବସ୍ଥାରେ ରହୁଥିବା ଲେଖକ, କବି ପ୍ରମୁଖଙ୍କୁ ଖୋଜି ବାହାର କରି ସେମାନଙ୍କୁ ସମ୍ବର୍ଦ୍ଧିତ କରିବା ପାଇଁ ବୈଠକରେ ନିଷ୍ପତ୍ତି ହୋଇଥିଲା। ସନ୍ତୋଷ କୁମାର ଆପଟ୍ଟ ସଭାପତି ଭାବେ ଆଗାମୀ ଦୁଇ ବର୍ଷ ପାଇଁ ମନୋନୀତ ହୋଇଥିବା ବେଳେ ଡ. ଶିରିଶ କୁମାର ଷଡ଼ଙ୍ଗୀ କାର୍ଯ୍ୟକାରୀ ସଭାପତି ଏବଂ ସାଧାରଣ ସମ୍ପାଦକ ଭାବେ
ତପନ କୁମାର ମିଶ୍ର ମନୋନୀତ ହୋଇଛନ୍ତି। ଉପସଭାପତି ଭାବେ ସନ୍ତୋଷ ଜେନା, ଡ. ଚିତ୍ତ ରଞ୍ଜନ ମିଶ୍ର, ନେତାଜୀ ବିଷୋୟୀ, ସମ୍ପାଦକ ଡ. ରବୀନ୍ଦ୍ର କୁମାର ମିଶ୍ର, ସନ୍ତୋଷ ଜେନା, ଡ. ଆଶୋକ କୁମାର ସ୍ବାଇଁ, ସହ ସମ୍ପାଦକ ବି.କେ ପ୍ରଧାନ, ମାଧବ ଦଳେଇ, କୋଷାଧ୍ୟକ୍ଷ ଭାବେ ଦାମୋଦର ଷଡ଼ଙ୍ଗୀ ମନୋନୀତ ହୋଇଛନ୍ତି। ଏଥିସହ ଉପଦେଷ୍ଟା ଭାବେ ଜଗବନ୍ଧୁ ଜେନା ଏବଂ କାର୍ଯ୍ୟକାରୀ କମିଟିକୁ ଅଜୟ ବିଶ୍ବାଳ, ଡ. ଜୟଦେବ ଗୌଡ଼, ଡ. ବିଷ୍ଠୁ ପ୍ରସାଦ ରଥ, ସୁପ୍ରଭା ବେହେରା, ବିଶ୍ୱଜିତ୍ ସ୍ବାଇଁ, ରଶ୍ମିତା କୁମାରୀ ପଟ୍ଟନାୟକ ମନୋନୀତ ହୋଇଛନ୍ତି।
