ଗଞ୍ଜାମ,୨୫।୯(ବିଦ୍ୟାଧର ସାହୁ ): ଗତ ତିନିଦିନ ଧରି ଲଗାଣ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇ ପଡିଛି । ତୁହାକୁ ବର୍ଷା ପାଇଁ ଲୋକେ ଘରୁ ପଦାକୁ ବାହାରି ପାରୁ ନାହାନ୍ତି । ଏଥିସହ ପବନର ବେଗ ମଧ୍ୟ ବେଳକୁ ବେଳ ବୃଦ୍ଧି ପାଉଥିବା ଜଣା ପଡିଛି । ପ୍ରଖର ସୁଅରେ ନଦୀ ଜଳ ପ୍ରଭାହିତ ହେଉଥିବା ଦେଖିବାକୁ ମିଳିଛି ।
ପାଣିପାଗ ବିଭାଗର ଆକଳନ ଅନୁସାରେ, ଯଦି ଦୁଇ ଦିନ ବର୍ଷା ଆହୁରି ଲାଗି ରୁହେ ତାହେଲେ ସ୍ଥାନୀୟ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହେବା ସମ୍ଭାବନା ବୋଲି ସୁଦାମ ଜେନା ଗଣମାଧ୍ୟମକୁ କହିଛନ୍ତି । ଅନ୍ୟପଟେ ଗୁରୁବାର ରାତିରେ ପବନବେଗ ଘଣ୍ଟା ପ୍ରତି ୭୦ ରୁ ୭୨ ବେଗରେ ବୋହିବା ଫଳରେ ଗୋଖର କୁଦା ଯିବା ରାସ୍ତାର ଅଧିକାଂଶ ଗଛ ଭାଙ୍ଗି ପଡ଼ିଥିବା ଦେଖିବାକୁ ମିଳିଛି । ଏଥିସହ ଏହା ପ୍ରଭାବରେ ବଙ୍ଗଳା ଓଡିଆରପି କଲୋନୀରେ ବନ୍ୟା ପାଣି ପଶିଯାଇଛି । କିଛି ଲୋକଙ୍କ ଘରେ ମଧ୍ୟ ପାଣି ପଶି ଯାଇଥିବା ଦେଖିବାକୁ ମିଳିଛି ।
