ଲୋକଙ୍କୁ କାଳ ଶିଳ୍ପାଞ୍ଚଳ ରେଳଲାଇନ

ଯାଜପୁର ଅଫିସ/କଳିଙ୍ଗନଗର, ୧୬ା୮(ଡି.ଏନ.ଏ.): ଯାଜପୁର ଜିଲା କଳିଙ୍ଗନଗର ଶିଳ୍ପାଞ୍ଚଳକୁ ଲମ୍ବିଥିବା ରେଳଲାଇନ ଉତ୍ତରପାର୍ଶ୍ୱ ଲୋକଙ୍କ ପାଇଁ କାଳ ହୋଇଛି। ଚଳିତ ବର୍ଷା ମାସରେ ଏହି ରେଳଲାଇନ ଯୋଗୁ ଦାନଗଦି ବ୍ଲକ କେନ୍ଦୁଡିପି ଗ୍ରାମର ଏକାଧିକ ପରିବାର ଜଳଘେରରେ ରହିଛନ୍ତି। ଏନେଇ ସମ୍ପୃକ୍ତ ଗ୍ରାମବାସୀ ଜିଲାପାଳ, କଳିଙ୍ଗନଗର ଅତିରିକ୍ତ ଜିଲାପାଳ, ଯାଜପୁର ଆରକ୍ଷୀ ଅଧୀକ୍ଷକ, ତହସିଲଦାର ପ୍ରମୁଖଙ୍କୁ ଲିଖିତ ଅଭିଯୋଗ କରି ଆସୁଥିଲେ ହେଁ କିଛି ସୁଫଳ ମିଳୁନାହିଁ। ତ୍ରୁଟିପୂର୍ଣ୍ଣ ରେଲଲାଇନ ନିର୍ମାଣ ଯୋଗୁ କେତେବେଳେ ଯେ ବର୍ଷା ପାଣି ଘେରରେ ଥିବା ଘରଗୁଡିକ ଭୁଶୁଡ଼ି ପଡ଼ିବ ସେନେଇ ପରିବାର ଲୋକ ଆତଙ୍କିତ ଭାବେ ଜୀବନ ଅତିବାହିତ କରୁଛନ୍ତି।
କଳିଙ୍ଗନଗର ଶିଳ୍ପାଞ୍ଚଳକୁ ଯାଇଥିବା ରେଲୱେ ଲାଇନର ଉତ୍ତର ପାର୍ଶ୍ୱରେ ୪୦ ବର୍ଷ ଧରି ୭୩୩ ପ୍ଲଟ୍‌ ଓ ୭୩ ଖାତା ନମ୍ବର ଜମିରେ ଏକାଧିକ ପରିବାର ଘର କରି ରହୁଛନ୍ତି। ଏଥିରେ ଲକ୍ଷ୍ମୀ ରାଉତ, କୈଳାସ ବାରିକ, କେଶବ ବାରିକ, ସନାତନ ବାରିକ, ଧୋଇଧର ବାରିକ, ଦୀନବନ୍ଧୁ ବାରିକ, ରମେଶ ବାରିକ, ଆଦିକନ୍ଦ ବାରିକ ପ୍ରମୁଖ ବିପଦାପନ୍ନ ଅବସ୍ଥାରେ କାଳାତିପାତ କରୁଛନ୍ତି। ରେଳଲାଇନରେ ନିର୍ଭରଶୀଳ ଶିଳ୍ପ କମ୍ପାନୀ କର୍ତ୍ତୃପକ୍ଷଙ୍କ ଅମାନବୀୟ ବ୍ୟବହାର ଅଞ୍ଚଳବାସୀଙ୍କୁ ଆନ୍ଦୋଳନମୁଖୀ କରିଛି। ଶିଳ୍ପ, ଖଣି ଏବଂ ଅନ୍ୟାନ୍ୟ ପ୍ରକଳ୍ପରେ କ୍ଷତିଗ୍ରସ୍ତ ଓ ପ୍ରଭାବିତଙ୍କ ସମସ୍ୟାକୁ ସହୃଦୟତାର ସହ ସମାଧାନ କରିବାକୁ ସରକାର କହୁଛନ୍ତି। ହେଲେ ବାସ୍ତବରେ ଏହା କେବଳ ଲୋକଦେଖାଣିଆ। ଉଦାହରଣ ଭାବେ କଳିଙ୍ଗନଗର ଶିଳ୍ପାଞ୍ଚଳର ରେଳଲାଇନ କଡ଼ରେ ବସବାସ କରୁଥିବା କେନ୍ଦୁଡିପି ଗ୍ରାମର କ୍ଷତିଗ୍ରସ୍ତଙ୍କ ସମସ୍ୟା ଉପରେ ପ୍ରଶାସନ ଆଖି ବୁଜିଦେଇଛି। ନଚେତ ଲକ୍ଷ୍ମୀଙ୍କ ବାସଗୃହଠାରୁ ମାତ୍ର ୨ ମିଟର ଦୂରତାରେ ରେଳଲାଇନ ବିଛାଯାଇ ନ ଥାନ୍ତା ବୋଲି ମତପ୍ରକାଶ ପାଇଛି। ପ୍ରଥମେ ପ୍ରଭାବିତ ପରିବାରବର୍ଗଙ୍କୁ ବିସ୍ଥାପିତ ଓ ଥଇଥାନ କରିବା ପରେ ରେଳଲାଇନ ବିଛା କାର୍ଯ୍ୟ ହେବା କଥା ବୋଲି ସେତେବେଳେ ଦାବି ମଧ୍ୟ ହୋଇଥିଲା। ଯେତେବେଳେ ଲୁହାପଥର, ଷ୍ଟିଲ, କୋଇଲା ଆଦି ବୋଝେଇ ଟ୍ରେନ ସେହି ରେଳଲାଇନ ଦେଇ ଅତିକ୍ରମ କରେ ସେତେବେଳେ ଆଖପାଖ ଘର ପରିସର ଭୂକମ୍ପ ହେବା ଭଳି ପ୍ରତୀୟମାନ ହୋଇଥାଏ। ଏଥିଯୋଗୁ କାନ୍ଥରେ ବଡ଼ବଡ଼ ଫାଟ ସୃଷ୍ଟି ହୋଇଥିବା ହୋଇଛି। ଏପରିକି ପ୍ରଭାବିତ ପରିବାରବର୍ଗ କୋର୍ଟକଚେରିର ଦ୍ୱାରସ୍ଥ ହୋଇଛନ୍ତି। ହେଲେ ନ୍ୟାୟ ବହୁ ଦୂର ବୋଲି ଲକ୍ଷ୍ମୀ କୋହଭରା କଣ୍ଠରେ ପ୍ରକାଶ କରିଛନ୍ତି। ଶନିବାର ଲଘୁଚାପ ଜନିତ ପ୍ରବଳ ବର୍ଷାରେ ରେଳଲାଇନ କଡ଼ରେ ବସବାସ କରୁଥିବା ଲୋକଙ୍କ ଘରେ ପାଣି ପଶିଛି। ଏହାସହ କାନ୍ଥ ତଳୁ ମାଟି ଅତଡା ଖସି ଘରଗୁଡିକ ଦୁର୍ବଳ ହୋଇପଡ଼ିଛି। ଏହି ପରିସ୍ଥିତି ପ୍ରତିବର୍ଷ ଉପୁଜୁଛି। କାରଖାନା କର୍ତ୍ତୃପକ୍ଷ ଓ ପୋଲିସ ପ୍ରଭାବିତ ଲୋକଙ୍କୁ ବିଭିନ୍ନ ପ୍ରତିଶ୍ରୁତି ଦେଇ ନୀରବି ଯାଉଛନ୍ତି। ଏ ସଂକ୍ରାନ୍ତରେ କଳିଙ୍ଗନଗର ଅତିରିକ୍ତ ଜିଲାପାଳ ଓ ଦାନଗଦି ତହସିଲଦାରଙ୍କୁ ଯୋଗାଯୋଗ ସମ୍ଭବ ହୋଇପାରିନାହିଁ।


Enter your email to get our daily news in your inbox.

All Right Reserved By Dharitri.Com

ହତ୍ୟା ପରେ ଦେଇଥିଲେ ଦୁର୍ଘଟଣା ରୂପ

ଜମନକିରା,୮ା୨(ଡି.ଏନ.ଏ.): ଯୁବକଙ୍କୁ ହତ୍ୟା ପରେ ଦୁର୍ଘଟଣାର ରୂପ ଦିଆଯାଇଥିବା ଅଭିଯୋଗରେ ଜମନକିରା ଥାନା ପୋଲିସ ୩ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ଅଭିଯୁକ୍ତଙ୍କ...

ଦୃଷ୍ଟି ଆଢୁଆଳରେ କ୍ଷେତମୁଣ୍ଡଳୀର ମା’ ରାମଚଣ୍ଡୀ

ଜଗନ୍ନାଥପ୍ରସାଦ,୮।୧(ଡି.ଏନ.ଏ.): ଘୁମୁସର ବନାଞ୍ଚଳର ଜଗନ୍ନାଥପ୍ରସାଦ ବ୍ଲକ କ୍ଷେତମୁଣ୍ଡଳୀ ପଞ୍ଚାୟତ ନିକଟ ବଣପାହାଡ ମଧ୍ୟରେ ଅବସ୍ଥାନ କରିଛନ୍ତି ମାଡ଼ ରାମଚଣ୍ଡି। ଜଗନ୍ନାଥପ୍ରସାଦ ମୁଖ୍ୟ ରାସ୍ତାରୁ କ୍ରିୟାଧର କ୍ଷେତମୁଣ୍ଡାଳୀ ପଞ୍ଚାୟତ...

ଜିଲାରେ ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ: ସମାଧାନ ପାଇଁ ଦାବିପତ୍ର

ଅନୁଗୋଳ ଅଫିସ, ୧୦।୮ – ଜିଲାରେ ଦିନକୁ ଦିନ ଶିକ୍ଷାର ମାନ ହ୍ରାସ ପାଉଛି। ଶିକ୍ଷା ଭିତ୍ତିଭୂମି ମଧ୍ୟ ଦୁର୍ବଳ ଅବସ୍ଥାରେ ରହିଛି। କେଉଁଠି ଶିକ୍ଷକ...

‘ଉପନିର୍ବାଚନରେ ଭାଜପା ଜିତିବ’

ପୁରୀ ଅଫିସ, ୮ା୧୦: ଭାଜପାର ନୂଆ ରାଷ୍ଟ୍ରୀୟ ମୁଖପାତ୍ର ତଥା ଏମ୍‌ପି ଅପରାଜିତା ଷଡ଼ଙ୍ଗୀ ବୁଧବାର ପୁରୀ ଆସି ମହାପ୍ରଭୁଙ୍କ ଆଶୀର୍ବାଦ ଭିକ୍ଷା କରିଛନ୍ତି। ତାଙ୍କୁ...

୪୦ ଭରି ସୁନା ଅଳଙ୍କାର ଲୁଟେରା ଗ୍ୟାଙ୍ଗକୁ ଧରିଲା ପୋଲିସ

କୋକସରା,୧।୩: କଳାହାଣ୍ଡି ଜିଲା କୋକସରା ଥାନା ମୋଟେର ଫାଣ୍ଡି ଅଧୀନ ମୋଟେର ଗ୍ରାମର ଶାନ୍ତିନଗରପଡାରେ ରହୁଥିବା ଶିକ୍ଷକ ଯଯାତି ପାଟ୍ଟଯୋଷୀଙ୍କ ଘରୁ ଗତ ଡିସେମ୍ବର ୨୫...

ପ୍ରକଳ୍ପ ପିଛା ଲକ୍ଷାଧିକ ଆତ୍ମସାତ

ଯାଜପୁର ଅଫିସ,୯ା୨: ସାଧାରଣ ଲୋକଙ୍କୁ ମୌଳିକ ସୁବିଧା ଯୋଗାଇ ଦେବା ଲକ୍ଷ୍ୟରେ ରାଜ୍ୟ ଓ କେନ୍ଦ୍ର ସରକାର ଅନେକ ଯୋଜନା କରିଛନ୍ତି। ବିଶେଷକରି ଗ୍ରାମାଞ୍ଚଳରେ ପାନୀୟ...

ବାଲେଶ୍ୱରରେ ୨ ବର୍ଷର ଶିଶୁକନ୍ୟା କରୋନା ଆକ୍ରାନ୍ତ ଚିହ୍ନଟ: ଆରମ୍ଭ ହେଲା ସ୍ବତନ୍ତ୍ର ନମୁନା ପରୀକ୍ଷା ଶିବିର, ବିଶୁଦ୍ଧୀକରଣ

ସଜନାଗଡ଼, ୨୧।୪(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ବ୍ଲକ ବରହମ୍‌ପୁର ଥାନା ଅଞ୍ଚଳରେ ସୋମବାର ଏକ ୨ ବର୍ଷର ଶିଶୁକନ୍ୟା କରୋନା ଆକ୍ରାନ୍ତ ହୋଇଥିବା ଜଣାପଡ଼ିବା ପରେ ପ୍ରଶାସନ...

ଶ୍ରୀମନ୍ଦିରରେ ସଅଳ ନୀତିକାନ୍ତି, ଶୃଙ୍ଖଳିତ ଦର୍ଶନ

ପୁରୀ ଅଫିସ,୧୨ା୧୧: ଶ୍ରୀମନ୍ଦିରରେ ମଙ୍ଗଳବାର କାର୍ତ୍ତିକ ପୂର୍ଣ୍ଣିମା ନୀତି ଅନୁଷ୍ଠିତ ହୋଇଯାଇଛି। ସଅଳ ନୀତିକାନ୍ତି ଯୋଗୁ ଦର୍ଶନ ଶୃଙ୍ଖଳିତ ହୋଇଛି। ପ୍ରବଳ ଗହଳି ସତ୍ତ୍ବେ ଶ୍ରଦ୍ଧାଳୁମାନେ...

Advertisement
Archives

Model This Week