ଇସଲାମାବାଦ,୬।୧୨ : ପାକିସ୍ତାନରେ ଭାରତର ଅନ୍ୟତମ ଆତଙ୍କବାଦୀ ଅଦନାନ ଅହମ୍ମଦଙ୍କ ହତ୍ୟା ଖବର ସାମ୍ନାକୁ ଆସିଛି। ସୂଚନା ଅନୁଯାୟୀ, କରାଚିରେ ତାଙ୍କୁ ଅଜ୍ଞାତ ଆକ୍ରମଣକାରୀମାନେ ହତ୍ୟା କରିଛନ୍ତି। ଆତଙ୍କବାଦୀ ସଂଗଠନ ଲଶ୍କର-ଇ-ତୋଏବାର ଏକ ଗୁରୁତ୍ୱପୂର୍ଣ୍ଣ ପଦବୀରେ ଅବସ୍ଥାପିତ ଅଦନାନ ୨୦୧୬ ମସିହାରେ ପାମ୍ପୋରରେ ସିଆରପିଏଫ କନଭେନ ଉପରେ ହୋଇଥିବା ଆକ୍ରମଣର ମାଷ୍ଟରମାଇଣ୍ଡ ଥିଲେ। ଏହି ଆକ୍ରମଣରେ ଆଠ ଯବାନ ଶହୀଦ ହୋଇଥିଲେ ଏବଂ ୨୨ ଜଣ ଆହତ ହୋଇଥିଲେ।
୨୦୧୫ ଉଦମପୁର ଆତଙ୍କବାଦୀ ଆକ୍ରମଣରେ ମଧ୍ୟ ଅଦନାନ ସମ୍ପୃକ୍ତ ଥିଲେ। ଏହା ବ୍ୟତୀତ ସେ ପାକିସ୍ତାନରେ ନୂଆ ଆତଙ୍କବାଦୀ ନିଯୁକ୍ତି କରୁଥିଲେ। ସେ ଜମ୍ମୁ-କଶ୍ମୀରର ଶ୍ରୀନଗର ଏବଂ ପୁଲୱାମାରେ ଆତ୍ମଘାତୀ ଆକ୍ରମଣ କରିବାରେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଏହା ସହିତ ତାଙ୍କୁ ପାକିସ୍ତାନ ଅଧକୃତ କଶ୍ମୀରର ଲଶ୍କର କ୍ୟାମ୍ପରେ ନୂତନ ନିଯୁକ୍ତ ସଦସ୍ୟ ମାନଙ୍କୁ ତାଲିମ ଦେବାର ଦାୟିତ୍ୱ ମଧ୍ୟ ଦିଆଯାଇଥିଲା।
ଗତ ଦୁଇ ବର୍ଷ ମଧ୍ୟରେ ପାକିସ୍ତାନରେ ଏହିପରି ଅନେକ ଆତଙ୍କବାଦୀ ଅଜ୍ଞାତ ଆକ୍ରମଣକାରୀଙ୍କ ଶିକାର ହୋଇଛନ୍ତି। ତେବେ ଏହି ହତ୍ୟାକାଣ୍ଡକୁ ନେଇ ପାକିସ୍ତାନ ନୀରବ ରହିଛି। ସୂଚନାଯୋଗ ଏହି ଉପାୟରେ ମୃତ୍ୟୁ ଘଟିଥିବା ପ୍ରାୟ ସମସ୍ତ ଆତଙ୍କବାଦୀ ଲଶ୍କର-ଇ-ତୋଏବା, ହିଜବୁଲ ମୁଜାହିଦ୍ଦିନ ଏବଂ ଜୈଶ-ଇ-ମହମ୍ମଦ ସହ ଜଡିତ ଥିଲେ।
ଅଦନାନଙ୍କ ହତ୍ୟାରେ ମଧ୍ୟ ସମାନ ଶୈଳୀ ଦେଖିବାକୁ ମିଳିଛି। ପ୍ରତ୍ୟେକ ମାମଲାରେ ବାଇକ ଚଳାଉଥିବା ଅଜ୍ଞାତ ଅପରାଧୀମାନେ ଆସି ଭାରତରେ ଆତଙ୍କବାଦ ବିସ୍ତାର କରିଥିବା ଅଭିଯୁକ୍ତଙ୍କୁ ହତ୍ୟା କରୁଛନ୍ତି।
