ଟରଣ୍ଟୋ,୧୬।୯: ବ୍ରିଟିଶ କଲମ୍ବିଆର କାନାଡା ପ୍ରଦେଶରେ ଜଣେ ୧୭ ବର୍ଷୀୟ ଶିଖ କିଶୋରଙ୍କୁ ଘୃଣା ଅପରାଧ ଭାବରେ ଆକ୍ରମଣ କରାଯାଇଥିଲା। ପୀଡିତ ଶିଖ କିଶୋର ହାଇ ସ୍କୁଲର ଛାତ୍ର। ସର୍ବସାଧାରଣ ବସରେ ଝଗଡା ପରେ କିଶୋରଙ୍କୁ ବସଷ୍ଟପରେ ଟାର୍ଗେଟ କରାଯାଇଥିଲା। ଏହି ସମୟରେ ପୀଡିତ ଛାତ୍ରଙ୍କୁ ପିଟା ଯାଇଥିଲା ଏବଂ ତାଙ୍କ ଉପରେ ଗୋଲ ମରିଚଗୁଣ୍ଡ ସ୍ପ୍ରେ କରାଯାଇଥିଲା। ଏହି ଘଟଣାକୁ ନେଇ ଭାରତୀୟଙ୍କ ମଧ୍ୟରେ କ୍ରୋଧ ପ୍ରକାଶ ପାଇଛି। ଏଥିସହିତ ଭାନକୋଭରରେ ଥିବା ଭାରତର କନସୁଲେଟ ଜେନେରାଲ ଏହି ଘଟଣାକୁ ଦୃଢ ନିନ୍ଦା କରିଛନ୍ତି। ଅପରାଧୀଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମଧ୍ୟ ଦାବି କରିଛନ୍ତି।
ସୋସିଆଲ ମିଡିଆ ମାଧ୍ୟମରେ ଭାରତର କନସୁଲେଟ ଜେନେରାଲ ନିଜର କ୍ରୋଧ ପ୍ରକାଶ କରିଛନ୍ତି। ସେ କହିଛନ୍ତି ଯେ କେଲୋନାରେ ଜଣେ ଭାରତୀୟ ଯୁବକଙ୍କ ଉପରେ ହୋଇଥିବା ଆକ୍ରମଣକୁ ଆମେ ଦୃଢ ନିନ୍ଦା କରୁଛୁ। ଏହା ସହିତ ଦୂତାବାସ କାନାଡା କର୍ତ୍ତୃପକ୍ଷଙ୍କୁ ଘଟଣାର ତଦନ୍ତ କରିବାକୁ ଏବଂ ଦୋଷୀଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅନୁରୋଧ କରିଥିଲେ।
