ନୂଆଦିଲ୍ଲୀ,୨୮ ।୩: ଆଜିର ଦିନ ଅର୍ଥାତ୍ ୨୮ ମାର୍ଚ୍ଚ ୨୦୨୩ ଭାରତୀୟ ସେନା ପାଇଁ ଏକ ବିଶେଷ ତଥା ଐତିହାସିକ ଦିନ ହେବାକୁ ଯାଉଛି । ମଙ୍ଗଳବାର ଅଗ୍ନିବୀରର ପ୍ରଥମ ବ୍ୟାଚ ଭାରତୀୟ ନୌସେନାରେ ସାମିଲ ହେବେ । ମଙ୍ଗଳବାର ହିଁ ଆଇଏନଏସ ଚିଲିକା ଉପରେ ଏମାନଙ୍କ ପାସିଂ ଆଉଟ ପରେଡ ବି ହେବ ।
ରିପୋର୍ଟ ଅନୁଯାୟୀ, ଏହି ପାସିଂ ଆଉଟ ପରେଡ ଆଇଏନଏସ ଚିଲିକା ଉପରେ ଟ୍ରେନିଂ ନେଉଥିବା ୨୭୩ ମହିଳା ଅଗ୍ନିବୀରଙ୍କ ସହିତ ପ୍ରାୟ ୨୬୦୦ ଅଗ୍ନିବୀରଙ୍କ ସଫଳ ଟ୍ରେନିଂ ସମାପନକୁ ନେଇ କରାଯାଉଛି ।
ମଙ୍ଗଳବାର ହେବାକୁ ଯାଉଥିବା ପାସିଂ ଆଉଟ ପରେଡ ଅନେକ ଦୃଷ୍ଟିରୁ କିଛି ବିଶେଷତ୍ୱ ରଖିଛି । ଏହାହେଲା ପ୍ରଥମ ଥର ଅଗ୍ନିବୀରର ପ୍ରଥମ ବ୍ୟାଚ ଏଥିରେ ଯୋଗ ଦେବେ, ଅନ୍ୟପଟେ ପ୍ରଥମଥର ଲାଗି ଏହି ପାସିଂ ଆଉଟ ପରେଡ ସୂର୍ଯ୍ୟାସ୍ତ ପରେ ଆୟୋଜିତ ହେବ । ଏହା ପ୍ରଥମ ଥର ହେଉଛି କି, ପରମ୍ପରା ଅନୁଯାୟୀ, ପାସିଂ ଆଉଟ ପରେଡ ସକାଳେ ଆୟୋଜିତ ହୋଇଥାଏ । ହେଲେ ଭାରତୀୟ ସଶସ୍ତ୍ରବଳଙ୍କ ଇତିହାସରେ ପ୍ରଥମଥର ସୂର୍ଯ୍ୟାସ୍ତ ପରେ ଏହା ଆୟୋଜିତ ହେବ ।
ସୂଚନାଯୋଗ୍ୟ, ନୌସେନା ମୁଖ୍ୟ ଆଡମିରାଲ ଆର ହରି କୁମାର ପାସିଂ ଆଉଟ ପରେଡର ମୁଖ୍ୟ ଅତିଥି ଓ ସମିକ୍ଷା ଅଧିକାରୀ ହେବେ ।
