ଅହମ୍ମଦବାଦ,୨୯।୯:ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଦିନିକିଆ କ୍ରିକେଟ ବିଶ୍ୱକପ ଅକ୍ଟୋବରରେ ଆରମ୍ଭ ହେବାକୁ ଯାଉଛି। ତେବେ ଏହି ମ୍ୟାଚକୁ ଖଲିସ୍ତାନୀ ଆତଙ୍କବାଦୀ ଶିଖ ଫର ଜଷ୍ଟିସର ମୁଖ୍ୟ ଗୁରୁପତଓ୍ବନ୍ତ ସିଂ ପନ୍ନୁ ଏହାକୁ ‘ବିଶ୍ୱ ଆତଙ୍କବାଦୀ କପ’ଭାବେ ଆଖ୍ୟା ଦେଇଛନ୍ତି। ଏନେଇ କେତେଜଣଙ୍କ ଅଭିଯୋଗ କ୍ରମେ ଗୁଜୁରାଟ ପୋଲିସ ପନ୍ନୁଙ୍କ ବିରୋଧରେ ଏଫଆଇଆର୍ ରୁଜୁ କରିଛି। ଅହମ୍ମଦାବାଦ ପୋଲିସର ସାଇବର ଅପରାଧ ଶାଖା ଏଫଆଇଆରରେ କହିଛି ଯେ, ବିଦେଶୀ ନମ୍ବର ଦ୍ୱାରା ପୂର୍ବରୁ ରେକର୍ଡ ହୋଇଥିବା ବାର୍ତ୍ତା ମାଧ୍ୟମରେ ପନ୍ନୁ ଦେଶର ଲୋକଙ୍କୁ ଧମକ ଦେଇଛି।
ସାଇବର କ୍ରାଇମ ଶାଖା ସବ-ଇନ୍ସପେକ୍ଟର ଏଚ ଏନ ପ୍ରଜାପତି କହିଛନ୍ତି, ଅନେକ ଲୋକଙ୍କ ଫୋନ ନମ୍ବରକୁ ରେକର୍ଡ ହୋଇଥିବା ଏକ ଧମକପୂର୍ଣ୍ଣ ବାର୍ତ୍ତା ଆସିଛି। ଏହି ବାର୍ତ୍ତା ଗ୍ରହଣ କରିଥିବା ଅନେକ ଲୋକ ବିଭିନ୍ନ ମାଧ୍ୟମରେ ପୋଲିସ ନିକଟରେ ଅଭିଯୋଗ କରିଛନ୍ତି। ରେକର୍ଡରେ କୁହାଯାଇଛି ଯେ, ଅକ୍ଟୋବର ୨ କ୍ରିକେଟ ବିଶ୍ୱକପ ନୁହେଁ ବରଂ ଏହା ‘ବିଶ୍ୱ ଆତଙ୍କବାଦୀ କପ’ଆତଙ୍କବାଦୀ କପ ଆରମ୍ଭ ହେବାକୁ ଯାଉଛି।
ଧମକପୂର୍ଣ୍ଣ ବାର୍ତ୍ତାରେ ଆହୁରି ମଧ୍ୟ କୁହାଯାଇଛି କି, ଶିଖ ଫର ଜଷ୍ଟିସ ଖଲିସ୍ତାନୀ ପତାକା ସହ ଅହମ୍ମଦାବାଦ ଉପରେ ଆଆକ୍ରମଣ କରିବାକୁ ଯାଉଛି। ଶହୀଦ ନିଜ୍ଜାରଙ୍କ ହତ୍ୟାର ପ୍ରତିଶୋଧ ନେବୁ। ଆପଣଙ୍କ ଗୁଳିର ଉତ୍ତର ମତପତ୍ର ଦ୍ୱାରା ଦବୁ। ପନ୍ନୁଙ୍କ ଦ୍ୱାରା ବାର୍ତ୍ତା ଦିଆଯାଉଛି କି, ଅକ୍ଟୋବର ୫ରେ କ୍ରିକେଟ ଓ୍ବାଲର୍ଡକପ ନୁହେଁ ବିଶ୍ୱ ଆତଙ୍କବାଦୀ କପର ଆରମ୍ଭ ହେବବୋଲି ଧମକ ଦିଆଯାଇଛି।
