ଜୟପୁର,୨୮।୧ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଜସ୍ଥାନର ଭିଲୱାରାସ୍ଥିତ ମାଲସେରୀ ଡୁଙ୍ଗରି ମନ୍ଦିରରେ ପୂଜାର୍ଚ୍ଚନା କରିଛନ୍ତି। ପ୍ରଧାନମନ୍ତ୍ରୀ ଭଗବାନ ଦେବନାରାୟଣଙ୍କର ୧୧୧୧ ତମ ଜନ୍ମ ବାର୍ଷିକୀ ଅବସରରେ ଜିଲାର ଆସିଣ୍ଡରେ ପହଞ୍ଚିଛନ୍ତି। ଭିଲୱାରାରେ ଏକ ସାଧାରଣ ସଭାରେ ସମ୍ବୋଧିତ କରି ସେ କହିଛନ୍ତି, ’ଆମେ ଭାରତର ଲୋକମାନେ ଆମର ସଭ୍ୟତା ପାଇଁ ଗର୍ବିତ, ଆମର ଇତିହାସ ହଜାର ହଜାର ବର୍ଷ ପୁରୁଣା।
ଭୌଗୋଳିକ, ସାଂସ୍କୃତିକ ଏବଂ ସାମାଜିକ ଭାବେ ଭାରତକୁ ଭାଙ୍ଗିବା ପାଇଁ ଅନେକ ଚେଷ୍ଟା କରାଯାଇଥିଲା କିନ୍ତୁ କୌଣସି ଶକ୍ତି ଭାରତକୁ ଧ୍ୱଂସ କରିପାରି ନାହାନ୍ତି। ଭାରତ କେବଳ ଏକ ଭୂଖଣ୍ଡ ନୁହେଁ ଏହା ଆମର ସଂସ୍କୃତି-ସମ୍ଭାବନାର ଅଭିବ୍ୟକ୍ତି ।
ଆଜି ଭାରତ ଏହାର ଭବିଷ୍ୟତର ମୂଳଦୁଆ ପକାଉଛି, ଏହା ପଛରେ ସବୁଠାରୁ ବଡ ପ୍ରେରଣା ହେଉଛି ଆମ ସମାଜର ଶକ୍ତି, ଲୋକଙ୍କ ଶକ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି। ’