ଓ୍ବାଶିଂଟନ/ନୂଆଦିଲ୍ଲୀ,୯।୩ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଭାରତ ପାକିସ୍ତାନ ଦ୍ୱାରା ସୃଷ୍ଟି କରାଯାଉଥିବା ଉତ୍ତେଜନାର ସାମରିକ ଭାବେ ଜବାବ ଦେବାର ସମ୍ଭାବନା ରହିଛି। ଆମେରିକା ଦ୍ୱାରା ପ୍ରକାଶିତ ଏକ ରିପୋର୍ଟରେ ଏହା ଦର୍ଶାଯାଇଛି। ଭାରତ ଏବଂ ପାକିସ୍ତାନ ମଧ୍ୟରେ ସଙ୍କଟ ଅଧିକ ଗୁରୁତର କାରଣ ହେଉଛି ଉଭୟ ଆଣବିକ ଅସ୍ତ୍ରଶସ୍ତ୍ର ରଖିଥିବା ଦେଶ।
ଭାରତ ବିରୋଧୀ ଆତଙ୍କବାଦୀ ଗୋଷ୍ଠୀକୁ ସମର୍ଥନ କରିବାର ପାକିସ୍ତାନର ଏକ ଦୀର୍ଘ ଇତିହାସ ରହିଛି। ରିପୋର୍ଟ ଅନୁଯାୟୀ, ଦୁଇ ଆଣବିକ ଅସ୍ତ୍ରଶସ୍ତ୍ର ବିଶିଷ୍ଟ ରାଷ୍ଟ୍ର ମଧ୍ୟରେ ଉତ୍ତେଜନା ବୃଦ୍ଧି ହେବାଆଶଙ୍କା ରହିଛି। ଭାରତ ଏବଂ ପାକିସ୍ଥାନ ମଧ୍ୟରେ ସଙ୍କଟ ଅନ୍ତର୍ଜାତୀୟ କ୍ଷେତ୍ରରେ ବିଶେଷ ଚିନ୍ତାର କାରଣ ହୋଇଛି।
ଆମେରିକାର ଇଣ୍ଟେଲିଜେନ୍ସ କମ୍ୟୁନିଟି ରିପୋର୍ଟ ଅନୁଯାୟୀ, ଉତ୍ତେଜନାକୁ ନେଇ ଉଭୟ ପକ୍ଷ ମଧ୍ୟରେ ସାମରିକ କାର୍ଯ୍ୟକଳାପର ଆଶଙ୍କାକୁ ବଢ଼ାଇ ଦେଇଛି। କାଶ୍ମୀରରେ ହିଂସାତ୍ମକ ଅଶାନ୍ତି କିମ୍ବା ଭାରତରେ ଆତଙ୍କବାଦୀ ଆକ୍ରମଣ ସମ୍ଭାବ୍ୟ ଫ୍ଲାସପଏଣ୍ଟ ହୋଇପାରେ ବୋଲି ରିପୋର୍ଟରେ ଉଲ୍ଲେଖ କରାଯାଇଛି।
