ଘଟଗାଁ, ୨୨।୮(ନରେଶ ପଟ୍ଟନାୟକ): କେନ୍ଦୁଝରର ପ୍ରସିଦ୍ଧ ମା’ ତାରିଣୀଙ୍କ ପୀଠରେ ମଙ୍ଗଳବାର ପୂଜାର୍ଚ୍ଚନା ଓ ଆଳତି ଚାଲିଥିବା ବଳେ ଜଣେ ୮୦ ବର୍ଷୀୟା ବୃଦ୍ଧାଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ଗଞ୍ଜାମ ଜିଲା ଗୋଲାଙ୍ଗ ଥାନା ଥାନା ଅଧୀନ ଛେଲିଆ ଗ୍ରାମର ବୋଲି ଜଣାପଡ଼ିଛି। ସେମାନେ ଏକ ବୋଲେରୋରେ ତିନି ଝିଅ, ଜ୍ୱାଇଁ ନାତି ଓ ନାତୁଣୀଙ୍କ ସହ ମିଶି ମା ତାରିଣୀଙ୍କୁ ଦର୍ଶନ କରିବାକୁ ଆସିଥିଲେ। ସକାଳେ ମନ୍ଦିରରେ ପହଞ୍ଚିଥିଲେ। ଭୋଗ ଧରି ମାଙ୍କ ମନ୍ଦିରକୁ ଯାଇଥିଲେ। ମାଙ୍କ ଆଳତି ଦର୍ଶନ କରୁଥିବା ସମୟରେ ଏହି ଅଘଟଣ ଘଟିଥିଲା। ସଙ୍ଗେସଙ୍ଗେ ତାଙ୍କ ପରିବାରର ସଦସ୍ୟ ଓ ମନ୍ଦିର କର୍ମଚାରୀଙ୍କ ସହଯୋଗରେ ଘଟଗାଁ ସ୍ବାସ୍ଥ୍ୟକେନ୍ଦ୍ରକୁ ନିଯାଯାଇଥିଲା। ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
