ଅପହଞ୍ଚ ଅନ୍‌ଲାଇନ ଶିକ୍ଷା

ଭୁବନେଶ୍ୱର,୨୦।୧୦(ବ୍ୟୁରୋ): କରୋନା ମହାମାରୀ ଯୋଗୁ ଗତ ପ୍ରାୟ ୧୮ ମାସ ହେବ ଶିକ୍ଷାନୁଷ୍ଠାନ ବନ୍ଦ ରହିିଛି। ପିଲାଙ୍କ ପାଠପଢ଼ାକୁ ଗୁରୁତ୍ୱ ଦେଇ ସରକାର ଅନ୍‌ଲାଇନ୍‌ ଶିକ୍ଷା ପ୍ରଦାନ କରୁଛନ୍ତି। କିନ୍ତୁ ବିଭିନ୍ନ ସମସ୍ୟା ଯୋଗୁ ଏହି ଅନ୍‌ଲାଇନ୍‌ ଶିକ୍ଷା ସମସ୍ତଙ୍କ ପାଖରେ ପହଞ୍ଚତ୍ପାରୁନାହିଁ। ଗ୍ରାମାଞ୍ଚଳରେ ମାତ୍ର ୮% ପିଲା ସବୁବେଳେ ଅନ୍‌ଲାଇନ୍‌ ପାଠ ପଢ଼ୁଥିବା ବେଳେ ୩୭% ଆଦୌ ପଢ଼ୁନାହାନ୍ତି। ଫଳରେ ଅନ୍‌ଲାଇନ ଶିକ୍ଷା ସମ୍ପୂର୍ଣ୍ଣ ବିଫଳ ହୋଇଥିବା ଜଣାପଡ଼ିଛି। ତେଣୁ ଅଧିକାଂଶ ଅଭିଭାବକ ଯଥାଶୀଘ୍ର ସ୍କୁଲ ଖୋଲିବାକୁ ଚାହୁଁଛନ୍ତି। ସ୍କୁଲ ଶିକ୍ଷା ଉପରେ ହୋଇଥିବା ସର୍ଭେ ରିପୋର୍ଟ ‘ଲକ୍‌ଡ ଆଉଟ୍‌’ରୁ ଏଭଳି ତଥ୍ୟ ସାମ୍ନାକୁ ଆସିଛି। ଓଡ଼ିଶା ସମେତ ଆସାମ, ବିହାର, ଚଣ୍ଡିଗଡ଼, ଦିଲ୍ଲୀ, ଗୁଜରାଟ, ହରିୟାଣା, ଝାଡ଼ଖଣ୍ଡ, କର୍ନାଟକ, ମଧ୍ୟପ୍ରଦେଶ, ମହାରାଷ୍ଟ୍ର, ପଞ୍ଜାବ, ତାମିଲନାଡ଼ୁ, ଉତ୍ତରପ୍ରଦେଶ ଏବଂ ପଶ୍ଚିମବଙ୍ଗ ଆଦି ୧୫ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ପିଲାଙ୍କୁ ନେଇ ଗତ ଅଗଷ୍ଟରେ ୧୦୦ ଭଲ୍ୟୁଣ୍ଟରଙ୍କ ଦ୍ୱାରା ହୋଇଥିବା ଏହି ସର୍ଭେ କରାଯାଇଥିଲା। ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ମୋଟ୍‌ ୧,୩୬୨ ପିଲା ଓ ୧୩୬୨ ପରିବାରକୁ ନେଇ ଏହି ସର୍ଭେ ହୋଇଥିଲା। ମଙ୍ଗଳବାର ଭୁବନେଶ୍ୱରର ନ୍ୟାଶନାଲ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ସୋସିଆଲ ଓ୍ବାର୍କ ଆଣ୍ଡ୍‌ ସୋସିଆଲ ସାଇନ୍ସେସ୍‌ଠାରେ ଏହି ରିପୋର୍ଟକୁ ଉନ୍ମୋଚନ କରାଯାଇଛି।
ରିପୋର୍ଟରେ ଦର୍ଶାଯାଇଛି ଯେ, ସହରାଞ୍ଚଳରେ ୪୭ ପ୍ରତିଶତ ଓ ଗ୍ରାମାଞ୍ଚଳରେ ୨୮ ପ୍ରତିଶତ ପିଲା ରେଗୁଲାର ଅନ୍‌ଲାଇନ୍‌ ଶିକ୍ଷା ନେଉଛନ୍ତି। ଅଧିକାଂଶ ଲୋକଙ୍କ ପାଖରେ ସ୍ମାର୍ଟ ଫୋନ୍‌ ନାହିଁ। ଆଉ ଯାହା ପାଖରେ ସ୍ମାର୍ଟ ଫୋନ୍‌ ଅଛି ସେମାନଙ୍କ ମଧ୍ୟରେ ସହରାଞ୍ଚଳରେ ମାତ୍ର ୩୧% ଏବଂ ଗ୍ରାମାଞ୍ଚଳରେ ମାତ୍ର ୧୫% ପିଲା ରେଗୁଲାର୍‌ ଅନ୍‌ଲାଇନ୍‌ ପାଠ ପଢ଼ୁଛନ୍ତି। ସେହିଭଳି ଆଉ ଏକ ସମସ୍ୟା ହେଉଛି ବିଶେଷକରି ଗ୍ରାମାଞ୍ଚଳରେ ଦେଖାଯାଇଛି ଯେ ସ୍କୁଲ ପକ୍ଷରୁ କୌଣସି ଅନ୍‌ଲାଇନ୍‌ ଉପକରଣ ପଠାଯାଉନାହିଁ। ଆଉ ଯଦି ବି କେଉଁଠି ପଠାଯାଉଛି ତାହା ଅଭିଭାବକମାନେ ବୁଝିପାରୁନାହାନ୍ତି। ସେହିଭଳି ସହରାଞ୍ଚଳରେ ୧୨ ପ୍ରତିଶତ ଓ ଗ୍ରାମାଞ୍ଚଳରେ ୧୦ ପ୍ରତିଶତ ପିଲା ଅନ୍‌ଲାଇନ୍‌ ଶିକ୍ଷା ବୁଝିପାରୁନାହାନ୍ତି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଏହି ଲକ୍‌ଡାଉନ୍‌ ସମୟରେ ଅଧିକାଂଶ ପିଲାଙ୍କ ପାଠପଢ଼ା ଓ ଲେଖିବାର
ଦକ୍ଷତା କମିଯାଇଥିବା ଅଭିଭାବକମାନେ କହିଛନ୍ତି। ସହରାଞ୍ଚଳରେ ୬୫% ଓ ଗ୍ରାମାଞ୍ଚଳରେ ୭୦% ଅଭିଭାବକ ଏଭଳି ମତ ଦେଇଛନ୍ତି। ସହରାଞ୍ଚଳରେ ୪୨ ପ୍ରତିଶତ ଏବଂ ଗ୍ରାମାଞ୍ଚଳରେ ୪୮% ପିଲା ମାତ୍ର କିଛି ଶବ୍ଦ ପଢ଼ିବା ପାଇଁ ଯୋଗ୍ୟ ଥିବା ରିପୋର୍ଟରେ ଦର୍ଶାଯାଇଛି। ସେହିଭଳି ଅନ୍‌ଲାଇନ୍‌ ଶିକ୍ଷାରେ ଯୋଗାଯୋଗ ଏକ ପ୍ରମୁଖ ସମସ୍ୟା ପାଲଟିଛି। ସହରାଞ୍ଚଳରେ ୫୭% ଏବଂ ଗ୍ରାମାଞ୍ଚଳରେ ୬୫% ପିଲାଙ୍କ କ୍ଷେତ୍ରରେ ଏଭଳି ସମସ୍ୟା ସୃଷ୍ଟି ହୋଇଛି। ଅନ୍‌ଲାଇନ୍‌ ଶିକ୍ଷାରୁ ବଞ୍ଚତ୍ତ ହେଉଥିବାରୁ ଅଧିକାଂଶ ଅଭିଭାବକ ସ୍କୁଲ ଖୋଲିବାକୁ ଚାହୁଁଛନ୍ତି। ସହରାଞ୍ଚଳରେ ୯୦% ଏବଂ ଗ୍ରାମାଞ୍ଚଳରେ ୯୭% ଅଭିଭାବକ ସ୍କୁଲ ଖୋଲିବା ସପକ୍ଷରେ ମତ ଦେଇଛନ୍ତି। ଏହି ସର୍ଭେ ରିପୋର୍ଟକୁ ନିରାଳି ବାଖଲା, ଜିନ୍‌ ଡ୍ରେଜ୍‌, ବିପୁଲ ପାଇକରା ଏବଂ ରିତିକା ଖେରା ମିଳିତ ଭାବେ ପରିଚାଳନା କରିଥିଲେ। ଏହି ଅବସରରେ ରିତିକା କହିଥିଲେ, ପିଲାଙ୍କ ପାଖରେ ଅନ୍‌ଲାଇନ୍‌ ଶିକ୍ଷା ଅତି ସୀମିତ ବୋଲି ସର୍ଭେରୁ ଜଣାପଡ଼ିଛି। ପାର୍କ, ମାର୍କେଟ୍‌, ମଲ୍‌, ଫିଲ୍ମ ହଲ୍‌ ଖୋଲିବା ପାଇଁ ସରକାର ଅନୁମତି ଦେଉଛନ୍ତି। କିନ୍ତୁ ସ୍କୁଲ ଖୋଲୁନାହାନ୍ତି। ଶିକ୍ଷକଙ୍କ ସହିତ ପିଲାମାନେ ସିଧାସଳଖ ପାଠପଢ଼ିଲେ ସେମାନଙ୍କ ଦକ୍ଷତା ବିକାଶ ହେବ। ପିଲାମାନେ ପାଠପଢ଼ାରୁ ବଞ୍ଚତ୍ତ ହେବାରୁ ବିଭିନ୍ନ ପ୍ରକାର ଶିଶୁ ଶ୍ରମିକ ଆଡ଼କୁ ମୁହାଁଉଛନ୍ତି। ତେଣୁ ଏସବୁ ଦିଗକୁ ସରକାର ଗୁରୁତ୍ୱ ଦେଇ ସ୍କୁଲ ଖୋଲିବା ପାଇଁ ନିଷ୍ପତ୍ତି ନିଅନ୍ତୁ। ସେହିପରି ସ୍କୁଲ ଖୋଲିବା ପାଇଁ ସରକାର ସ୍କୁଲ କର୍ତ୍ତୃପକ୍ଷ ଓ ଅଭିଭାବକଙ୍କୁ କ୍ଷମତା ଦିଅନ୍ତୁ ବୋଲି ରିତିକା ମତ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ମିଶନ ଶକ୍ତି ବଜାର ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୮ା୨(ଅନିଲ ଦାସ)ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ଭୁବନେଶ୍ବରରେ ମିଶନ ଶକ୍ତି ବଜାରକୁ ଉଦ୍‌ଘାଟନ କରିଛନ୍ତି। ଏହି ଅବସରରେ ସେ କହିଛନ୍ତି, ରାଜ୍ୟର ଗ୍ରାମାଞ୍ଚଳ ଏବଂ ଅର୍ଦ୍ଧ...

ଅବକାରୀ କାର୍ଯ୍ୟାଳୟରେ ଅଗ୍ନିକାଣ୍ଡ, ପାଉଁଶ ହୋଇଗଲା ମୋଟରସାଇକେଲ

କାମାକ୍ଷାନଗର,୨୭।୨: ଭୟାବହ ଅଗ୍ନିକାଣ୍ଡରେ ଜଳିପୋଡ଼ି ପାଉଁଶ ହୋଇଗଲା ପାଞ୍ଚରୁ ଅଧିକ ମୋଟରସାଇକେଲ। ଏଭଳି ଏକ ଦୁର୍ଘଟଣା ଘଟିଛି କାମାକ୍ଷାନଗର ଅବକାରୀ କାର୍ଯ୍ୟାଳୟ ପରିସରରେ। ସୂଚନାଥାଉ କି,...

ଭୁବନେଶ୍ୱର ପହଞ୍ଚିଲେ ମାଇକ୍ରୋସଫ୍ଟ ସିଇଓ ବିଲ ଗେଟ୍ସ

ଭୁବନେଶ୍ୱର,୨୭।୨: ଭୁବନେଶ୍ବରରେ ପହଞ୍ଚିଲେ ମାଇକ୍ରୋସଫ୍ଟର ପୂର୍ବତନ ସିଇଓ ବିଲ ଗେଟ୍ସ। ବୁଧବାର ଅର୍ଥାତ୍‌ କାଲି କୃଷି ଭବନ କାର୍ଯ୍ୟକ୍ରମରେ ସେ ଯୋଗଦେବେ। ଏହି ଗସ୍ତରେ ବିଲ...

୫୯ନମ୍ବର ଜାତୀୟ ରାଜପଥର ୨୭କିମି ରାସ୍ତା ପ୍ରଶସ୍ତିକରଣ ପାଇଁ ୭୧୮କୋଟି ମଞ୍ଜୁର କଲା କେନ୍ଦ୍ର

ଭୁବନେଶ୍ୱର,୨୭।୨: ସାଧାରଣ ନିର୍ବାଚନ ପୂର୍ବରୁ କେନ୍ଦ୍ର ସରକାର ୫୯ନମ୍ବର ଜାତୀୟ ରାଜପଥର ୨୬.୯୬କିମି ରାସ୍ତାର ପ୍ରଶସ୍ତିକରଣ ପାଇଁ ୭୧୮.୨୬କୋଟି ଟଙ୍କା ମଞ୍ଜୁର କରିଛନ୍ତି। କନ୍ଧମାଳ ଓ...

ବାପାଙ୍କୁ ହତ୍ୟା କରି ଅଖାରେ ପୋତିଦେଲେ ପୁଅ!

ସମ୍ବଲପୁର,୨୭।୨: ପାରିବାରିକ ବିବାଦରୁ ବାପାଙ୍କୁ ହତ୍ୟା କଲେ ସୈତାନ ପୁଅ। ଏପରି ବୀଭତ୍ସ ହତ୍ୟାକାଣ୍ଡ ସମ୍ବଲପୁର ଜିଲାରେ ଘଟିଛି। ହତ୍ୟା କରି ଫେରାର ହୋଇଛି ପୁଅ।...

ବରଗଡ଼ରେ ପ୍ରବଳ ବର୍ଷା

ବରଗଡ,୨୭।୨(ପ୍ରେମାନନ୍ଦ ଖମାରୀ)- ବରଗଡ଼ ସହର ସମେତ ଆଖପାଖ ଅଞ୍ଚଳରେ ମଙ୍ଗଳବାର ରାତି ପ୍ରାୟ ୮ଟା ୪୦ ମିନିଟରୁ ପ୍ରବଳ ବର୍ଷା ଲାଗି ରହିଛି । ବର୍ଷା...

ହାଇକୋର୍ଟରେ ନକଲି ଡାକ୍ତର ଚିହ୍ନଟ ମାମଲା: ‘ଜାଲ ଡାକ୍ତର ନିଯୁକ୍ତି ରୋକିବାକୁ କ’ଣ ପଦକ୍ଷେପ ନେଇଛ ଜଣାଅ’

କଟକ,୨୭ା୨ (କାର୍ତ୍ତିକ ସାହୁ) ରାଜ୍ୟରେ ରହିଥିବା ନକଲି ଡାକ୍ତରମାନଙ୍କୁ ଚିହ୍ନଟ କରାଯିବା ନେଇ ହାଇକୋର୍ଟରେ ରୁଜୁ ମାମଲାର ଶୁଣାଣି ମଙ୍ଗଳବାର ହୋଇଛି। ଓଡ଼ିଶା ରାଜ୍ୟ ଆଇନ...

ପରୀକ୍ଷା ହଲ୍‌ରେ କପି ଦେଲେ ମହିଳା ହୋମଗାର୍ଡ, ସହଯୋଗ କରି ନିଲମ୍ବିତ ହେଲେ ଶିକ୍ଷୟିତ୍ରୀ

କଟକ,୨୬ା୨ (କାର୍ତ୍ତିକ ସାହୁ): ମାଟ୍ରିକ ପରୀକ୍ଷା ହଲ୍‌ରେ ଦାୟିତ୍ୱ ଠିକ ଭାବେ ତୁଲାଇ ନ ଥିବାରୁ ନରସିଂହପୁର ବ୍ଲକ ଅନ୍ତର୍ଗତ ପତଣ୍ଡାସ୍ଥିତ ଶଙ୍କର୍ଷଣ ବିଦ୍ୟାପୀଠର ଶିକ୍ଷୟିତ୍ରୀ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri