ନିର୍ମାଣ କ୍ଷେତ୍ରରେ ଇଟାର ଅବଶ୍ୟକତା ପୂରଣ କରିବା ଲାଗି କେରଳର ଏକ କମ୍ପାନୀ ଏଣେତେଣେ ଠୁଳ ହୋଇଥିବା ଅଦରକାରୀ ବାଲି ସଂଗ୍ରହ କରି ସେଥିରୁ ଇଟା ତିଆରି କରୁଛି। ସରକାରଙ୍କ ନିୟନ୍ତ୍ରଣରେ ଥିବା ଅଟୋମାଷ୍ଟ ନାମକ କମ୍ପାନୀ ନୂତନ ଜ୍ଞାନକୌଶଳ ଉପଯୋଗ କରି ଏହି ଇଟା ତିଆରି କରୁଛି। ଗୋଟିଏ ଇଟାରେ ୩୦ରୁ ୪୦ ପ୍ରତିଶତ ବାଲି ରହୁଥିବା ବେଳେ ଅବଶିଷ୍ଟ କଞ୍ଚାମାଲ ଭାବେ କଳାମାଟି ବ୍ୟବହାର କରାଯାଉଛି। ବଡ଼ କଥା ହେଉଛି ଏହି କମ୍ପାନୀ ବିବିନ୍ନ ନିର୍ମାଣ କ୍ଷେତ୍ରରେ ନଷ୍ଟ ହେଉଥିବା ବାଲିକୁ ବ୍ୟବହାର କରୁଛି। ଉଲ୍ଲେଖଯୋଗ୍ୟ ଯେ, ନିର୍ମାଣ କମ୍ପାନୀଗୁଡ଼ିକରୁ ପ୍ରତିମାସରେ ୭୦୦ ଟନ୍ ବର୍ଜ୍ୟବାଲି ବାହାରୁଛି ଓ ତାହା ଏତେତେଣେ ଠୁଳ ହୋଇରହୁଛି। ଏଥିରୁ ବାଲିଇଟା ତିଆରି କରିବା ଦ୍ୱାରା ଏହି ସମସ୍ୟା ଅନେକାଂଶରେ ଦୂର ହୋଇପାରିଛି। ପ୍ରଥମେ କମ୍ପାନୀ ଗୋଟିଏ ଦିନରେ ୧,୫୦୦ ଇଟା ତିଆରି କରୁଥିବାବେଳେ ଏବେ ଏହି ସଂଖ୍ୟ ୪,୦୦୦ରେ ପହଞ୍ଚତ୍ଛି। ବାଲିରୁ ଇଟା ତିଆରି କରିବା ପଦ୍ଧତି କାଉନସିଲ ଅଫ୍ ସାଇଣ୍ଟିଫିକ୍ ଆଣ୍ଡ୍ ଇଣ୍ଡଷ୍ଟ୍ରିଆଲ ରିସର୍ଚ୍ଚ (ସିଏସ୍ଆଇଆର୍) ଏବଂ ଥିରୁଭାନନ୍ତପୁରମ୍ର ପାପାନାମକୋଡେ ସ୍ଥିତ ଇନ୍ଷ୍ଟିଚ୍ୟୁଟ ଫର୍ ଇଣ୍ଟର୍ଡିସିପ୍ଲିନାରି ସାଇନ୍ସ ଆଣ୍ଡ ଟେକ୍ନୋଲୋଜି (ଏନ୍ଆଇଆଇଏସ୍ଟି)ର ମିଳିତ ଉଦ୍ୟମରେ ଏହି ନୂଆ ଟେକ୍ନୋଲୋଜି ବିକାଶ କରାଯାଇଛି।
