ମହାରାଷ୍ଟ୍ର ସୋଲାପୁରର ୩୦ ବର୍ଷୀୟା ମୟୂର ଶାହା ଅଦରକାରୀ ଫିସ୍ ସ୍କିନ୍ ବା ମାଛ ଚମଡ଼ାକୁ ପ୍ରୋସେସିଂ କରି ଏକ ପ୍ରକାର ପରିବେଶ ଉପଯୋଗୀ ଲେଦର ପ୍ରସ୍ତୁତ କରୁଛନ୍ତି। ସେ ସେଥିରେ ବିଭିନ୍ନ ଡିଜାଇନର ବ୍ୟାଗ୍ ଓ ଅନ୍ୟ ଜିନିଷ ପ୍ରସ୍ତୁତକରି ବ୍ୟବସାୟ ଆରମ୍ଭ କରିଛନ୍ତି। ୨୦୧୫ରେ ମୟୂର ଆଇସ୍ଲାଣ୍ଡ ଯାଇଥିବାବେଳେ ସେଠାରେ ଏକ ଲୋକାଲ ମାର୍କେଟରେ ସାଲମନ ମାଛ ଚମଡ଼ାରେ ତିଆରି ଏକ ବ୍ରେସ୍ଲେଟ୍ ଦେଖିବାକୁ ପାଇଥିଲେ। ପରେ ସେ ଏହାର ଜ୍ଞାନକୌଶଳ ସମ୍ପର୍କରେ ଜାଣି ଅଦରକାରୀ ମାଛ ଚମଡ଼ାରୁ ଜିନିଷ ତିଆରି କରିବାର ନିଷ୍ପତ୍ତି ନେଇଥିଲେ। ଇଞ୍ଜିନିୟରିଂ ଇଣ୍ଡଷ୍ଟ୍ରିରୁ ଚାକିରି ଛାଡ଼ି ୨୦୧୮ରେ ‘ମାୟୁ’ ଷ୍ଟାର୍ଟଅପ୍ ଆରମ୍ଭ କରିଥିଲେ। ଏହା ମାଧ୍ୟମରେ ସାଲମନ ଏବଂ ଓଲ୍ଫିସ୍ ଚମଡ଼ାରୁ ହ୍ୟାଣ୍ଡ୍ବ୍ୟାଗ୍ ନିର୍ମାଣ ଆରମ୍ଭ କରିଥିଲେ। ମାଛ ଚମଡ଼ାରୁ ପ୍ରସ୍ତୁତ ବ୍ୟାଗ୍ ବି ଓ୍ବାଟରପ୍ରୁଫ୍ । ତାଙ୍କ କମ୍ପାନୀ ଚେନ୍ନାଇରେ ଜିରୋ ଓ୍ବେଷ୍ଟ ସାର୍ଟିଫିକେଟ ପାଇଛି ଓ ଭାରତର ପ୍ରଦୂଷଣ ନିୟନ୍ତ୍ରଣ ବୋର୍ଡ ଏହାକୁ ହ୍ବାଇଟ୍ କ୍ୟାଟେଗୋରିରେ ସ୍ଥାନିତ କରିଛି। ଫିସ୍ ସ୍କିନ୍ ପ୍ରୋସେସିଂରୁ ଯାହା ଓ୍ବେଷ୍ଟ ବାହାରୁଛି ତାହାକୁ ବାୟୋପ୍ରୋସେସ୍ରେ ଖତ ପ୍ରସ୍ତୁତ କରାଯାଉଛି। ଏହିସବୁ କାର୍ଯ୍ୟରେ ମୟୂର ୯୦ ପ୍ରତିଶତ ମହିଳାଙ୍କୁ ନିଯୁକ୍ତି ଦେଇଛନ୍ତି। ତେବେ ମୟୂରଙ୍କ ଦ୍ୱାରା ପ୍ରସ୍ତୁତ ଜିନିଷଗୁଡ଼ିକ ବିଦେଶରେ ବି ପରିଚୟ ସୃଷ୍ଟି କରିବା ପ୍ରୟାସ ଜାରି ରଖିଛି। ଏହି ସାମଗ୍ରୀଗୁଡ଼ିକ ୫୦୦ରୁ ୯୦,୦୦୦ ଟଙ୍କା ଯାଏ ବିକ୍ରି ହେଉଛି।
