ଅସହାୟ ବୟସ୍କଙ୍କ ସାହାରା ପାଲଟିଛନ୍ତି ତାମିଲନାଡୁର ଏକ ଦମ୍ପତି ରାଜେଶ୍ୱରୀ ଏବଂ ଏନ. ରାମମୂର୍ତ୍ତି। ଗହଣା ବିକି ସେହି ଅର୍ଥରେ ଆଶ୍ରୟଗୃହ ଖୋଲି ମାଗଣାରେ ବୟସ୍କମାନଙ୍କ ସେବା କରୁଛନ୍ତି। ସେମାନେ କୁଷ୍ଠରୋଗୀଙ୍କ ପାଇଁ ମଧ୍ୟ ରହିବାର ବ୍ୟବସ୍ଥା କରିଛନ୍ତି। ତାମିଲନାଡୁ ସ୍ବାସ୍ଥ୍ୟ ବିଭାଗର କର୍ମଚାରୀ ଭାବେ କାର୍ଯ୍ୟ କରୁଥିବା ସମୟରେ ୨୦ ବର୍ଷ ପୂର୍ବେ ଏନ୍. ରାମମୂର୍ତ୍ତି ଡେନାଲାଇ ଗ୍ରାମରେ ତାଙ୍କ ଘରେ ଜଣେ କୁଷ୍ଠ ରୋଗ ପୀଡ଼ିତାଙ୍କ ଯତ୍ନ ନେବା ଆରମ୍ଭ କରିଥିଲେ। ପୀଡ଼ିତାଙ୍କୁ ଔଷଧ ଏବଂ ଖାଦ୍ୟ ଦେଉଥିଲେ ତାଙ୍କ ସ୍ତ୍ରୀ ରାଜେଶ୍ୱରୀ। ଏହିଠାରୁ ସେମାନଙ୍କ ସେବା ଆରମ୍ଭ ହୋଇଥିଲା। ଏହି ଖବର ପ୍ରଚାର ହେବା ପରେ କିଛିଦିନ ମଧ୍ୟରେ ଆଉ ଜଣେ ବୟସ୍କା ମହିଳା ତାଙ୍କ ଘରେ ପହଞ୍ଚତ୍ଲେ ଓ ଧୀରେ ଧୀରେ ଅସହାୟଙ୍କ ସଂଖ୍ୟା ୫ରେ ପହଞ୍ଚତ୍ଥିଲା। ଏହାକୁ ଲକ୍ଷ୍ୟକରି ସେମାନେ ୨୦୦୫ରେ ଏମ୍ଏନ୍ ଟ୍ରଷ୍ଟ ଗଠନ କରିଥିଲେ ଓ ଗହଣା ବିକି ଏକ ଆଶ୍ରୟଗୃହ ନିର୍ମାଣ କରିଥିଲେ। ଏଭଳି କାର୍ଯ୍ୟ ଲାଗି ଗାଁରେ ଲୋକେ ତାଙ୍କଠାରୁ ଦୂରେଇ ରହୁଥିଲେ। ହେଲେ ଏହାକୁ ଖାତିର ନ କରି ଏହି ଦମ୍ପତି ସେମାନଙ୍କ ସେବା ଜାରି ରଖିଲେ । ଆଜି ୫୧ ଜଣ ଅସହାୟଙ୍କ ଆଶ୍ରୟ ପାଲଟି ଯାଇଛି ତାଙ୍କ ଘର। ଡାକ୍ତରଙ୍କ ଦ୍ୱାରା ବୟସ୍କମାନଙ୍କ ନିୟମିତ ସ୍ବାସ୍ଥ୍ୟ ପରୀକ୍ଷା କରାଯାଉଛି। ସେମାନଙ୍କ ପାଇଁ ଖାଦ୍ୟ, ଔଷଧ, ପୋଷାକ ଓ ଅନ୍ୟାନ୍ୟ ବାବଦ ଖର୍ଚ୍ଚ ଏହି ଦମ୍ପତି ବହନ କରୁଛନ୍ତି।
