ରୋଷେଇ ବାଦ୍ ଷ୍ଟୋଭ୍ ଓଭାନ କାମ କରୁଛି। ଶୁଣି ଆଶ୍ଚର୍ଯ୍ୟ ଲାଗୁଥିଲେ ହେଁ କଥାଟି ସତ। ଏହା କରି ଦେଖାଇଛନ୍ତି ଅବ୍ଦୁଲ କରିମ। ସେ ଏହି ଉଦ୍ଭାବନର ନାମ ରଖିଛନ୍ତି ରକେଟ ଷ୍ଟୋଭ୍। ସବୁଠୁ ବଡ଼ କଥା ହେଉଛି, ଏଥିରେ ଇନ୍ଧନ ଭାବେ ବ୍ୟବହୃତ ହେଉଛି ଅଦରକାରୀ କାଗଜ ଓ ଷଡ଼େଇ। ଏର୍ନାକୁଲମରେ ରହୁଥିବା ଅବଦୁଲଙ୍କ ବୟସ ୫୭। କୌଣସି ବୈଷୟିକ ଜ୍ଞାନ ଆହରଣ କରି ନ ଥିବା ଅବଦୁଲ୍ ୨୦୨୦ ଲକ୍ଡାଉନ ସମୟରେ ଏହି ଷ୍ଟୋଭ୍ ତିଆରି ଆରମ୍ଭ କରିଥିଲେ ଏବଂ ସୋସିଆଲ ମିଡିଆରୁ ବିଭିନ୍ନ ପ୍ରକାର ଷ୍ଟୋଭର ନିର୍ମାଣଶୈଳୀ ଉପରେ ଅନୁଧ୍ୟାନ କରିବା ପରେ ଶେଷରେ ସଫଳ ହୋଇଛନ୍ତି। ୪୦ବର୍ଷ ହେଲା କୋଚିରେ ତାଙ୍କର ଏକ୍ସଲେଣ୍ଟ ଇଞ୍ଜିନିୟରିଂ କମ୍ପାନୀ ରହିଛି। ଅନେକ ପ୍ରକାର ଶିଳ୍ପ ଉପକରଣ ଏବଂ ବ୍ରଏଲର ସେଠାରେ ନିର୍ମାଣ କରନ୍ତି ଅବଦୁଲ। ସେହି କମ୍ପାନୀରେ ସେ ଉକ୍ତ ଷ୍ଟୋଭ୍କୁ ନିର୍ମାଣ କରିଛନ୍ତି। ଏହା ପାଇଁ ଆବଶ୍ୟକ ଉପକରଣ ମଧ୍ୟ ମାର୍କେଟରେ ଉପଲବ୍ଧ ବୋଲି କହନ୍ତି ଅବଦୁଲ।
